ട്രെയിനിന്‍റെ അടിയില്‍പെട്ട് 63കാരിയുടെ രണ്ടു കാലുകളും അറ്റു; അമൃത എക്സ്പ്രസിൽ കയറാന്‍ ശ്രമിക്കുന്നതിനിടെയാണ് സംഭവം

പാലക്കാട്: ട്രെയിനിൻ കയറാൻ ശ്രമിക്കുന്നതിനിടെ വഴുതി അടിയില്‍പെട്ട് സ്ത്രീയുടെ രണ്ടു കാലുകളും അറ്റു. പാലക്കാട് ഒലവക്കോട് റെയില്‍വെ സ്റ്റേഷനിലാണ് ദാരുണാപകടം. പാലക്കാട് സ്വദേശി മേരിക്കുട്ടി(63)യാണ് അപകടത്തിൽപ്പെട്ടത്. മകനോ​ടൊപ്പം അമൃത എക്സ്പ്രസ് ട്രെയിനില്‍ കയറാന്‍ ശ്രമിക്കുന്നതിനിടെയാണ് അപകടമുണ്ടായത്.

ഇന്ന് രാത്രി 10.15ഓടെയാണ് അപകടമുണ്ടായത്. ട്രെയിനില്‍ കയറാന്‍ ശ്രമിക്കുന്നതിനിടെ വീഴുകയായിരുന്നുവെന്നാണ് അറിയുന്നത്. ഉടന്‍ തന്നെ ഇവരെ പാലക്കാട് ജില്ല ആശുപത്രിയില്‍ പ്രവേശിപ്പിച്ചു.