സി.​പി.​എം നേ​തൃ​ത്വം ഇ​ട​പെ​ട്ടി​ട്ടും പ​രി​ഹാ​ര​മായില്ല; ബ്രഹ്മഗിരി ഡെവലപ്മെന്റ് സൊസൈറ്റി നിക്ഷേപകർ പ്രത്യക്ഷ സമരത്തിന്

ക​ൽ​പ​റ്റ: ക​രു​വ​ന്നൂ​ർ സ​ഹ​ക​ര​ണ ബാ​ങ്ക് ത​ട്ടി​പ്പ് വി​വാ​ദ​ങ്ങ​ൾ​ക്ക് പി​ന്നാ​ലെ സി.​പി.​എ​മ്മി​നെ വെ​ട്ടി​ലാ​ക്കി വ​യ​നാ​ട് ബ്ര​ഹ്മ​ഗി​രി സൊ​സൈ​റ്റി​യി​ലെ നി​ക്ഷേ​പ​ക​ർ പ്ര​ത്യ​ക്ഷ സ​മ​ര​ത്തി​നൊ​രു​ങ്ങു​ന്നു. സി.​പി.​എം നി​യ​ന്ത്ര​ണ​ത്തി​ലു​ള്ള ബ്ര​ഹ്മ​ഗി​രി സൊ​സൈ​റ്റി കോ​ടി​ക​ളു​ടെ ക​ട​ബാ​ധ്യ​ത​യു​മാ​യി അ​ട​ച്ചു​പൂ​ട്ട​ലി​ന്റെ വ​ക്കി​ലെ​ത്തി​യ​തി​നെ​തു​ട​ർ​ന്നാ​ണ് നി​ക്ഷേ​പ​ക​ർ പ​ണം തി​രി​ച്ചു​കി​ട്ട​ണ​മെ​ന്നാ​വ​ശ്യ​പ്പെ​ട്ട് സ​മ​ര​ത്തി​നി​റ​ങ്ങാ​ൻ ഒ​രു​ങ്ങു​ന്ന​ത്.

സി.​പി.​എം സം​സ്ഥാ​ന നേ​തൃ​ത്വം ഇ​ട​പെ​ട്ടി​ട്ടും പ്ര​ശ്ന​പ​രി​ഹാ​ര​മു​ണ്ടാ​വാ​ത്ത​തി​നെ​തു​ട​ർ​ന്ന് ക​ടു​ത്ത ന​ട​പ​ടി​ക​ളി​ലേ​ക്ക് നീ​ങ്ങാ​നാ​ണ് നി​ക്ഷേ​പ​ക​രു​ടെ നീ​ക്കം. ഫാ​ക്ട​റി പ്ര​വ​ർ​ത്ത​നം ഏ​താ​ണ്ട് നി​ല​ക്കു​ക​യും മാ​സ​ങ്ങ​ളാ​യി നി​ക്ഷേ​പ​ക​ർ​ക്ക് പ​ലി​ശ പോ​ലും ല​ഭി​ക്കാ​ത്ത സാ​ഹ​ച​ര്യ​മു​ണ്ടാ​വു​ക​യും ചെ​യ്ത​പ്പോ​ഴാ​ണ് വ​യ​നാ​ട്, കോ​ഴി​ക്കോ​ട്, ക​ണ്ണൂ​ർ ജി​ല്ല​ക​ളി​ലെ​യും ബം​ഗ​ളൂ​രു​വി​ലെ​യും അ​ഞ്ഞൂ​റി​ല​ധി​കം വ​രു​ന്ന നി​ക്ഷേ​പ​ക​ർ പാ​ർ​ട്ടി നേ​തൃ​ത്വ​ത്തെ സ​മീ​പി​ച്ച​ത്.

നി​ക്ഷേ​പ​ക​രി​ൽ ഭൂ​രി​ഭാ​ഗ​വും സി.​പി.​എം പ്ര​വ​ർ​ത്ത​ക​രോ അ​നു​ഭാ​വി​ക​ളോ ആ​യ​തി​നാ​ൽ പാ​ർ​ട്ടി ഇ​ട​പെ​ട്ട് പ്ര​ശ്നം പ​രി​ഹ​രി​ക്കു​മെ​ന്ന പ്ര​തീ​ക്ഷ​യി​ൽ ഇ​വ​ർ പ്ര​ത്യ​ക്ഷ സ​മ​ര​ത്തി​ലേ​ക്ക് നീ​ങ്ങി​യി​രു​ന്നി​ല്ല. എ​ന്നാ​ൽ, പ്ര​ശ്ന​പ​രി​ഹാ​ര​ത്തി​ന് മു​ന്നോ​ട്ടു​വെ​ച്ച സ​മ​യം ക​ഴി​ഞ്ഞ് മാ​സ​ങ്ങ​ളാ​യി​ട്ടും തു​ട​ർ​നീ​ക്ക​ങ്ങ​ളൊ​ന്നും പാ​ർ​ട്ടി​യു​ടെ​യോ സൊ​സൈ​റ്റി​യു​ടെ​യോ ഭാ​ഗ​ത്തു​നി​ന്ന് ഉ​ണ്ടാ​വാ​ത്ത​തി​നെ തു​ട​ർ​ന്നാ​ണ് പ്ര​ത്യ​ക്ഷ സ​മ​ര​ത്തി​നി​റ​ങ്ങാ​ൻ ആ​ക്ഷ​ൻ ക​മ്മി​റ്റി ത​യാ​റെ​ടു​ക്കു​ന്ന​ത്.

ഇ​തി​ന്റെ ഭാ​ഗ​മാ​യി 15ന് ​സു​ൽ​ത്താ​ൻ ബ​ത്തേ​രി​യി​ൽ നി​ക്ഷേ​പ​ക​രു​ടെ യോ​ഗം ചേ​രാ​ൻ തീ​രു​മാ​നി​ച്ച​താ​യി ആ​ക്ഷ​ൻ ക​മ്മി​റ്റി ക​ൺ​വീ​ന​ർ എ​ൽ.​ആ​ർ. മു​ര​ളി ‘മാ​ധ്യ​മ’​ത്തോ​ട് പ​റ​ഞ്ഞു. ആ​ക്ഷ​ൻ ക​മ്മി​റ്റി​യി​ൽ 107 നി​ക്ഷേ​പ​ക​രാ​ണ് നി​ല​വി​ൽ അം​ഗ​ങ്ങ​ൾ. 15ന് ​ന​ട​ക്കു​ന്ന യോ​ഗ​ത്തി​ൽ കൂ​ടു​ത​ൽ നി​ക്ഷേ​പ​ക​രെ​ത്തു​മെ​ന്നാ​ണ് ഭാ​ര​വാ​ഹി​ക​ൾ പ​റ​യു​ന്ന​ത്. പാ​ർ​ട്ടി പ​റ​ഞ്ഞ​ത​നു​സ​രി​ച്ച് ഇ​ത്ര​യും കാ​ലം മി​ണ്ടാ​തി​രു​ന്നു​വെ​ന്നും ഇ​നി ഇ​ങ്ങ​നെ മു​ന്നോ​ട്ടു​പോ​കാ​നാ​വി​ല്ലെ​ന്നും നി​ക്ഷേ​പ​ക​ർ പ​റ​യു​ന്നു.

ര​ണ്ടു നി​ക്ഷേ​പ​ക​ർ പ​ണം തി​രി​ച്ചു​കി​ട്ടു​ന്ന​തി​ന് ഇ​ട​പെ​ട​ണ​മെ​ന്നാ​വ​ശ്യ​പ്പെ​ട്ട് ജി​ല്ല ക​ല​ക്ട​ർ​ക്ക് ക​ഴി​ഞ്ഞ ദി​വ​സം പ​രാ​തി ന​ൽ​കി​യി​രു​ന്നെ​ങ്കി​ലും ക​ല​ക്ട​ർ ജി​ല്ല പൊ​ലീ​സ് മേ​ധാ​വി​ക്ക് കൈ​മാ​റി​യ​തോ​ടെ പ​രാ​തി​ക്കാ​ർ പൊ​ലീ​സ് ന​ട​പ​ടി ത​ൽ​ക്കാ​ലം വേ​ണ്ടെ​ന്നു പ​റ​ഞ്ഞ് പി​ൻ​വാ​ങ്ങി​യി​രു​ന്നു. വി​ര​മി​ച്ച സ​ര്‍ക്കാ​ര്‍ ഉ​ദ്യോ​ഗ​സ്ഥ​രും അ​ധ്യാ​പ​ക​രു​മാ​ണ് നി​ക്ഷേ​പ​ക​രി​ല്‍ ഭൂ​രി​ഭാ​ഗ​വും.

ഒ​രു ല​ക്ഷം മു​ത​ൽ 50 ല​ക്ഷം വ​രെ നി​ക്ഷേ​പി​ച്ച​വ​ർ ഇ​ക്കൂ​ട്ട​ത്തി​ലു​ണ്ട്. 10 മു​ത​ൽ 11 ശ​ത​മാ​നം വ​രെ പ​ലി​ശ വാ​ഗ്ദാ​നം ചെ​യ്താ​ണ് സൊ​സൈ​റ്റി പ​ണം സ്വീ​ക​രി​ച്ച​ത്. 68 കോ​ടി​യോ​ളം രൂ​പ​യാ​ണ് ബ്ര​ഹ്മ​ഗി​രി സൊ​സൈ​റ്റി നി​ക്ഷേ​പ​ക​ർ​ക്ക് ന​ൽ​കാ​നു​ള്ള​ത്. 2022 ജൂ​ൺ മു​ത​ലു​ള്ള പ​ലി​ശ​യും മു​ട​ങ്ങി​യി​ട്ടു​ണ്ട്.

വ്യ​ക്തി​ക​ളി​ൽ​നി​ന്ന് സ​മാ​ഹ​രി​ച്ച തു​ക​ക്ക് പു​റ​മെ എ​ല്‍.​ഡി.​എ​ഫ് നി​യ​ന്ത്ര​ണ​ത്തി​ലു​ള്ള സ​ഹ​ക​ര​ണ സ്ഥാ​പ​ന​ങ്ങ​ളി​ല്‍നി​ന്നും വി​വി​ധ കു​ടും​ബ​ശ്രീ​ക​ളി​ൽ​നി​ന്നു​മാ​യി കോ​ടി​ക്ക​ണ​ക്കി​ന് രൂ​പ​യും സ​മാ​ഹ​രി​ച്ചി​രു​ന്നു. കേ​ര​ള ചി​ക്ക​ൻ പ​ദ്ധ​തി ന​ട​ത്തി​പ്പി​ന് കോ​ഴി ക​ര്‍ഷ​ക​രി​ല്‍നി​ന്ന് വി​ത്തു​ധ​ന​മാ​യി വാ​ങ്ങി​യ വ​ക​യി​ൽ മൂ​ന്ന​ര കോ​ടി​യോ​ളം രൂ​പ വി​വി​ധ ജി​ല്ല​ക​ളി​ൽ ന​ല്‍കാ​നു​ണ്ട്. ഈ ​തു​ക തി​രി​കെ കി​ട്ടു​ന്ന​തി​ന് കോ​ഴി ക​ര്‍ഷ​ക​ര്‍ ന​ൽ​കി​യ ഹ​ര​ജി ഹൈ​കോ​ട​തി​യു​ടെ പ​രി​ഗ​ണ​ന​യി​ലാ​ണ്. മാ​സ​ങ്ങ​ളാ​യി മു​ട​ങ്ങി​ക്കി​ട​ക്കു​ന്ന ജീ​വ​ന​ക്കാ​രു​ടെ ശ​മ്പ​ളം ഇ​ന​ത്തി​ലും വ​ൻ ബാ​ധ്യ​ത സൊ​സൈ​റ്റി​ക്കു​ണ്ട്.

മു​ൻ എം.​എ​ൽ.​എ​യും സൊ​സൈ​റ്റി ചെ​യ​ർ​മാ​നു​മാ​യി​രു​ന്ന പി. ​കൃ​ഷ്ണ​പ്ര​സാ​ദി​ന്റെ കു​ടും​ബ​വീ​ട് ഉ​ൾ​പ്പെ​ടെ​യു​ള്ള ഭൂ​മി ജ​പ്തി ഭീ​ഷ​ണി​യി​ലാ​ണ്. സൊ​സൈ​റ്റി​ക്ക് വേ​ണ്ടി ഈ ​സ്ഥ​ലം ഈ​ട് ന​ൽ​കി ബാ​ങ്കി​ൽ നി​ന്നെ​ടു​ത്ത നാ​ല് കോ​ടി​യോ​ളം രൂ​പ​യു​ടെ വാ​യ്പ തി​രി​ച്ച​ട​വ് മാ​സ​ങ്ങ​ളാ​യി മു​ട​ങ്ങി​യി​ട്ട്.