രഗിൽ മാനസ​യെ പരിചയപ്പെട്ടത് മറ്റൊരു പ്രണയം തകർന്ന ശേഷം -സഹോദരൻ

കണ്ണൂർ: ജീവിതം തകർന്നെന്ന്​ രഗിൽ തനിക്ക്​ മെസേജ്​ അയച്ചിരുന്നതായി സഹോദരൻ രാഹുൽ. മറ്റൊരു പ്രണയം തകർന്ന ശേഷമായിരുന്നു മാനസ​െയ പരിചയപ്പെട്ടത്​. മാനസ തള്ളിപ്പറഞ്ഞത്​ രഗിലിനെ ഏറെ വിഷമത്തിലാക്കി. കുറേ ദിവസങ്ങളായി ആ​േരാടും കൂടുതൽ സംസാരിക്കാറില്ലായിരുന്നു. പണമുണ്ടാക്കിയാൽ ബന്ധം തുടരാൻ കഴിയുമെന്നായിരുന്നു രഗിലിന്‍റെ പ്രതീക്ഷ. പൊലീസ്​ വിളിപ്പിച്ച ശേഷവും ബന്ധം വിടാൻ തയാറായിരുന്നില്ലെന്നും രാഹു​ൽ മാധ്യമങ്ങളോട്​ പറഞ്ഞു.

Also Read:മാനസയും രഗിലും തമ്മിൽ മുമ്പേ പ്രശ്‌നങ്ങള്‍; തോക്കിനെക്കുറിച്ച് അന്വേഷണം

കൊലപാതകത്തിന്​ തൊട്ടുമുമ്പുള്ള ദിവസങ്ങളിൽ നാലു തവണ രഗിൽ മാനസയുമായി സംസാരിച്ചിരുന്നുവെന്ന്​ സുഹത്ത്​ ആദിത്യൻ പറഞ്ഞു. രഗിലിന്‍റെ ബിസിനസ്​ പങ്കാളി കൂടിയാണ്​ ആദിത്യൻ. ആദിത്യനുമൊത്താണ്​ ഇന്‍റീരിയർ ഡിസൈനിങ്​ ബിസിനസ്​ ആണ് നടത്തിയത്​. മാനസ അവഗണിച്ചിട്ടും അവന്​ പിന്തിരിയാൻ കഴിഞ്ഞില്ല. അവളെ മറക്കാൻ കഴിയില്ലെന്ന്​ അവൻ പറയുമായിരുന്നു. എന്തു​െകാണ്ടാണ്​ തന്നെ ഒഴിവാക്കുന്നതെന്ന്​ അറിയണമെന്നും പറഞ്ഞു. മാനസ നിരന്തരം അവഗണിച്ചതോടെയാണ്​ രഗിലിന്​ പകയായി മാറിയതെന്നും ആദിത്യൻ പറയുന്നു.

Also Read:ഒരു മാസത്തോളം മുറിയെടുത്ത് നിരീക്ഷണം; നിറയൊഴിച്ചത് പിസ്റ്റൾ ഉപയോഗിച്ച്

രഗിൽ കൊച്ചിയിലേക്ക്​ പോയത്​ ബിസിനസ്​ ആവശ്യങ്ങൾക്കെന്ന്​ വീട്ടുകാരെ തെറ്റിധരിപ്പിച്ചാണ്​. തോക്ക്​ എവിടുന്ന്​ കിട്ടിയെന്ന്​ അറിയില്ല. അങ്ങനെയുള്ള ബന്ധങ്ങളൊന്നും രഗിലിന്​ തന്‍റെ അറിവിൽ ഇല്ലെന്നും ആദിത്യൻ മാധ്യമങ്ങളോട് പറഞ്ഞു.