വ​നം വ​കു​പ്പി​ന്റെ ക്രൂ​ര​ത: ആ​ദി​വാ​സി കു​ടി​ലു​ക​ൾ പൊ​ളി​ച്ചു​നീ​ക്കി, കു​ടും​ബ​ങ്ങ​ൾ പെ​രു​വ​ഴി​യി​ൽ

മാ​ന​ന്ത​വാ​ടി: മ​ന​ഃസാ​ക്ഷി​യെ ന​ടു​ക്കു​ന്ന ത​ര​ത്തി​ൽ വ​നം വ​കു​പ്പി​ന്റെ കൊ​ടും ക്രൂ​ര​ത. മു​ന്ന​റി​യി​പ്പി​ല്ലാ​തെ ആ​ദി​വാ​സി​ക​ളു​ടെ കു​ടി​ലു​ക​ൾ പൊ​ളി​ച്ചു​നീ​ക്കി. വി​ധ​വ​യും പ്രാ​യ​മാ​യ​വ​രും കു​ട്ടി​ക​ളു​മ​ട​ങ്ങു​ന്ന ആ​ദി​വാ​സി കു​ടും​ബ​ങ്ങ​ൾ പെ​രു​വ​ഴി​യിാ​യി. തി​രു​നെ​ല്ലി പ​ഞ്ചാ​യ​ത്തി​ലെ നാ​ലാം വാ​ർ​ഡാ​യ ബേ​ഗു​ർ കൊ​ല്ലി മൂ​ല​യി​ലാ​ണ് വ​നം വ​കു​പ്പ് കു​ടി​ലു​ക​ൾ പൊ​ളി​ച്ച​ത്.

തി​ങ്ക​ളാ​ഴ്ച രാ​വി​ലെ​യാ​ണ് വ​ന​ഭൂ​മി കൈ​യേ​റ്റം ഒ​ഴി​പ്പി​ക്കു​ന്നു​വെ​ന്ന പേ​രി​ൽ കു​ടി​ലു​ക​ൾ പൂ​ർ​ണ​മാ​യി പൊ​ളി​ച്ച​ത്. വി​ധ​വ​യാ​യ മീ​നാ​ക്ഷി, അ​നി​ൽ, ല​ക്ഷ്മി എ​ന്നി​വ​രു​ടെ കു​ടി​ലു​ക​ളാ​ണ് പൊ​ളി​ച്ച​ത്. വ​നാ​വ​കാ​ശ നി​യ​മം കാ​റ്റി​ൽ പ​റ​ത്തി​യാ​ണ് വ​നം വ​കു​പ്പ് ന​ട​പ​ടി​യെ​ന്ന് ആ​രോ​പ​ണ​മു​ണ്ട്. ഒ​ന്ന​ര പ​തി​റ്റാ​ണ്ടി​ല​ധി​ക​മാ​യി ഇ​വി​ടെ താ​മ​സി​ക്കു​ന്ന​വ​രെ​യാ​ണ് മു​ന്ന​റി​യി​പ്പി​ല്ലാ​തെ വ​ഴി​യാ​ധാ​ര​മാ​ക്കി​യ​ത്.

വ​ഴി​യാ​ധാ​ര​ക​പ്പെ​ട്ട​വ​രെ കോ​ൺ​ഗ്ര​സ്, ബി.​ജെ.​പി പ്ര​വ​ർ​ത്ത​ക​ർ കാ​ട്ടി​ക്കു​ളം ബേ​ഗൂ​ർ വ​നം ഓ​ഫി​സി​ൽ താ​മ​സി​പ്പി​ച്ചു. വി​വ​ര​മ​റി​ഞ്ഞ് ടി. ​സി​ദ്ദീ​ഖ് എം.​എ​ൽ.​എ, മു​ൻ മ​ന്ത്രി പി.​കെ. ജ​യ​ല​ക്ഷ്മി, കോ​ൺ​ഗ്ര​സ് ബ്ലോ​ക്ക് പ്ര​സി​ഡ​ന്റ് എ.​എം. നി​ഷാ​ന്ത്, ബി.​ജെ.​പി നി​യോ​ജ​ക മ​ണ്ഡ​ലം പ്ര​സി​ഡ​ന്റ് ക​ണ്ണ​ൻ ക​ണി​യാ​രം, ജി​ല്ല സെ​ക്ര​ട്ട​റി മോ​ഹ​ൻ​ദാ​സ് കാ​ട്ടി​ക്കു​ളം എ​ന്നി​വ​ർ സ്ഥ​ല​ത്തെ​ത്തി.

തി​രു​നെ​ല്ലി പൊ​ലീ​സ് സ്ഥ​ല​ത്തെ​ത്തി സു​ര​ക്ഷ ഏ​ർ​പ്പെ​ടു​ത്തി. അ​തേ​സ​മ​യം രാ​ത്രി​യോ​ടെ വ​നം വ​കു​പ്പു​മാ​യി ന​ട​ത്തി​യ ച​ർ​ച്ച​യെ തു​ട​ർ​ന്ന് ഉ​പ​രോ​ധം അ​വ​സാ​നി​പ്പി​ച്ചു. ആ​ദി​വാ​സി​ക​ളു​ടെ കു​ടി​ൽ പൊ​ളി​ച്ച സം​ഭ​വ​ത്തി​ൽ വീ​ട് ഇ​ല്ലാ​താ​യ കു​ടും​ബ​ങ്ങ​ൾ​ക്ക് താ​ൽ​ക്കാ​ലി​ക​മാ​യി വ​നം​വ​കു​പ്പി​ന്റെ ഡോ​ർ​മെ​റ്റ​റി​യി​ലും വ​നം ക്വാ​ർ​ട്ടേ​ഴ്സി​ലും താ​മ​സി​ക്കാ​മെ​ന്ന് ടി. ​സി​ദ്ദീ​ഖ് എം.​എ​ൽ.​എ​യു​ടെ സാ​ന്നി​ധ്യ​ത്തി​ൽ ന​ട​ത്തി​യ ച​ർ​ച്ച​യി​ൽ വൈ​ൽ​ഡ് ലൈ​ഫ് വാ​ർ​ഡ​ൻ ഉ​റ​പ്പ് ന​ൽ​കി. ഇ​തോ​ടെ​യാ​ണ് സ​മ​രം അ​വ​സാ​നി​പ്പി​ച്ച​ത്.