അറവുശാലയിൽനിന്ന് വിരണ്ടോടിയ എരുമ കയറിയത് ഹോട്ടലിൽ

പാലക്കാട്: അറവുശാലയിലേക്ക് കൊണ്ടുവന്ന എരുമ വിരണ്ടോടി. പാലക്കാട് നഗരത്തിലാണ് സംഭവം. പൂളക്കാട്ടെ അറവുശാലയിൽനിന്നാണ് എരുമ ഇറങ്ങിയോടിയത്.

ഇന്ദ്രപ്രസ്ഥ എന്ന ഹോട്ടലിലേക്കാണ് എരുമ ഓടിക്കയറിയത്. പരിസരത്തുണ്ടായ രണ്ടു വാഹനങ്ങൾ കുത്തി മറിച്ചിടുകയും ചെയ്തു.

ഒടുവിൽ ഒരു മണിക്കൂറോളം പരിശ്രമിച്ച് പൊലീസും ഫയർഫോഴ്സും ചേർന്ന് എരുമയെ പിടികൂടി. തുടർന്ന് ഡോക്ടർമാരെത്തി എരുമയെ മയക്കുകയും ചെയ്തു.