ബഫർ സോൺ: വനസംരക്ഷണത്തിന് ആവശ്യമെന്ന് പരിസ്ഥിതിവാദികൾ

തിരുവനന്തപുരം: സംരക്ഷിത വനാതിര്‍ത്തിയിലെ പരിസ്ഥിതിലോല മേഖല (ബഫർ സോൺ) സംബന്ധിച്ച സുപ്രീംകോടതി ഉത്തരവിനെ സ്വാഗതം ചെയ്ത് പരിസ്ഥിതിവാദികൾ. രണ്ടരപതിറ്റാണ്ടായി ഇക്കാര്യത്തിൽ സംസ്ഥാന സർക്കാർ നടപടികളൊന്നും സ്വീകരിച്ചിട്ടില്ല. വ​ന്യ​ജീ​വി സ​ങ്കേ​ത​ങ്ങ​ൾ​ക്ക് ചു​റ്റും 10 കി​ലോ​മീ​റ്റ​ര്‍ വ​രെ വി​സ്തീ​ര്‍ണ​ത്തി​ല്‍ ബ​ഫ​ർ സോ​ണു​ക​ള്‍ സൃ​ഷ്​​ടി​ക്കാ​നാ​ണ് കേ​ന്ദ്ര വ​നം പ​രി​സ്ഥി​തി മ​ന്ത്രാ​ല​യം സം​സ്ഥാ​ന​ങ്ങ​ളോ​ട് ആ​വ​ശ്യ​പ്പെ​​ട്ട​ത്.

വ​ന്യ​ജീ​വി സ​ങ്കേ​ത​ങ്ങ​ൾ, ദേ​ശീ​യ ഉ​ദ്യാ​ന​ങ്ങ​ൾ, സം​ര​ക്ഷി​ത വ​ന​മേ​ഖ​ല​ക​ൾ എ​ന്നി​വ​ക്ക്​ സം​ര​ക്ഷ​ണ ക​വ​ചം ഒ​രു​ക്കു​ക​​യാ​ണ്​ ല​ക്ഷ്യം. 2020ൽ അ​ത് അ​പ്രാ​യോ​ഗി​ക​മാ​ണെ​ന്നാ​യി​രു​ന്നു സം​സ്ഥാ​നം ​​നിലപാട് സ്വീകരിച്ചു. മുൻ മന്ത്രി രാജുവിന്റെ അധ്യക്ഷതയിൽ ഉന്നതതലയോഗം ചേർന്നു. സം​സ്ഥാ​ന​ത്ത് മൂ​ന്ന്​ കി​ലോ​മീ​റ്റ​റാ​യി ചു​രു​ക്ക​ണ​മെ​ന്നാ​യി​രുന്നു അന്ന് വ​നംവ​കു​പ്പി​ന്റെ നി​ർ​ദേ​ശം.

എ​ന്നാ​ൽ, മ​ന്ത്രി​സ​ഭാ​യോ​ഗ​​ത്തി​ൽ അ​ത് പൂ​ജ്യം മു​ത​ൽ ഒ​രു കി​ലാ​മീ​റ്റ​റാ​യി ചു​രു​ക്കാ​നാ​ണ് തീ​രു​മാ​നി​ച്ച​ത്. പ​ല വ​ന്യ​ജീ​വി സ​ങ്കേ​ത​ങ്ങ​ളോ​ട് ചേ​ർ​ന്നും ജ​ന​വാ​സ കേ​ന്ദ്ര​മു​ള്ള​തി​നാ​ലാ​ണ് ചി​ല സ്ഥ​ല​ങ്ങ​ളി​ൽ പൂ​ജ്യ​മാ​ക്കാ​ൻ തീ​രു​മാ​നി​ച്ച​ത്. തുടർന്ന് പ്ര​ത്യേ​കം മാ​പ് ത​യാ​റാ​ക്കി 23 വ​ന്യ​ജീ​വി സ​ങ്കേ​ത​ത്തി​ന്റെയും ബ​ഫ​ർ സോ​ൺ കേ​ന്ദ്ര​ത്തി​ന് അ​യ​ച്ചിരുന്നു.

സം​സ്ഥാ​ന നി​ല​പാ​ട് കേ​ന്ദ്രം അം​ഗീ​ക​രി​ച്ചി​ല്ലെ​ങ്കി​ൽ സു​പ്രീം​കോടതിയെ സ​മീ​പി​ക്കാ​ൻ സം​സ്ഥാ​ന​ത്തി​ന് ക​ഴി​യു​മെ​ന്നാ​യിരുന്നു വ​നം​വ​കു​പ്പി​ന്റെ പ്രതീക്ഷ. എന്നാൽ, സുപ്രീകോടതിയും ഇപ്പോൾ ശക്തമായി നിലപാട് സ്വീകരിച്ചു. കോടതി വിധി വന്നപ്പോൾ കൊച്ചിയിലെ മംഗളവനമാണ് പലരും ചൂണ്ടിക്കാണിക്കുന്നത്. ഹൈകോടതി ഒരു കിലോമീറ്ററിനുള്ളലാണ്. എന്നാൽ ഇക്കാര്യത്തിൽ ചെന്നൈ, മുംബൈ നഗരങ്ങളിലെ സമാനമായ വനങ്ങളെ ബഫർ സോണിൽനിന്ന് കോടതി ഇളവ് നൽകിയിട്ടുണ്ട്. അതിനാൽ മംഗളവനത്തിനും ഇളവ് ലഭിക്കാം.

ബഫർ സോൺ പ്രഖ്യാപിച്ചാൽ വൻകിട വികസന പദ്ധതികളും ഖനനവ്യവസയും തടയും. ഇപ്പോൾ പ്രഖ്യപിച്ച പ്രദേശത്തെ ക്വാറികൾക്കൊന്നും തുടർന്ന് പ്രവർത്തിക്കനാവില്ല. അതല്ലാതെ ഈ പ്രദേശത്ത് എത്ര കുടുംബങ്ങൾ സ്ഥിരവാസമുണ്ടെന്ന് സർക്കാർ പ്രഖ്യാപിക്കണമെന്നാണ് പരിസ്ഥിതിവാദികളുടെ ആവശ്യം. ഇക്കാര്യത്തിൽ ഓഡിറ്റിങ് ആവശ്യമാണ്. ജനവാസമേഖലയുടെ മാപ്പ് സർക്കാരിന് പ്രസിദ്ധീകരിക്കാം.

പീച്ചി വനഗവേഷണ കേന്ദ്രം നടത്തിയ പഠനത്തിൽ വനാതിർത്തിയോട് ചേർന്ന് ക്വാറികൾ പ്രവർത്തിക്കുന്നുണ്ടെന്ന് കണ്ടെത്തിയിരുന്നു. നവകേരളത്തിൽ സുപ്രീംകോടതി വിധി നടപ്പാക്കണമെന്നാണ് പരിസ്ഥിതി പ്രവർത്തകർ ആവശ്യപ്പെടുന്നത്. കാടിന്റെ സംരക്ഷണത്തിന് ഒരു കിലോമീറ്ററെങ്കിലും ബഫർ സോൺ ആവശ്യമാണ്.

കർഷകർക്ക് കൃഷി തുടരാൻ തടസമില്ല. എന്നാൽ പലയിടത്തും വന്യജീവി സങ്കേതത്തിനുള്ളിൽവരെ കൈയേറ്റം നടത്തിയുണ്ടെന്ന് ഉന്നത വനംവകുപ്പ് ഉദ്യോഗസ്ഥൻ 'മാധ്യമ'ത്തോട് പറഞ്ഞു. ബഫർ സോൺ പൂജ്യമാക്കണമെന്ന സംസ്ഥാന സർക്കാറിന്റെ അഭിപ്രായം കേന്ദ്രം അംഗീകരിക്കാനിടയില്ലെന്നും അദ്ദേഹം പറഞ്ഞു. ഏതെങ്കിലും പ്രദേശത്ത് ഇളവ് ലഭിക്കണമെങ്കിൽ സംസ്ഥാനം ഈ രംഗത്തെ വിദഗ്ധരുടെ യോഗം വിളിച്ച് ശാസ്ത്രീയമായ റിപ്പോർട്ട് തയാറാക്കണണെന്നും പരിസ്ഥിതി പ്രവർത്തകർ ആവശ്യപ്പെട്ടു.

ദേശീയോദ്യാനങ്ങളിലും വന്യജീവി സങ്കേതങ്ങളിലും ഖനനം പാടില്ല. നിലവില്‍നടക്കുന്ന നിര്‍മ്മാണ പ്രവര്‍ത്തികളെ കുറിച്ച് മൂന്ന് മാസത്തിനകം മുഖ്യവനപാലകര്‍ റിപ്പോര്‍ട്ട് നല്‍കണമെന്നാണ് ജസ്റ്റിസ് നാഗേശ്വര്‍ റാവു അധ്യക്ഷനായ ബെഞ്ച് സംസ്ഥാനങ്ങളോട് നിർദേശിച്ചത്.