പ്രചാരണത്തിൽ ഈ കാളവണ്ടികൾ 'സൂപ്പർ സ്​റ്റാർ'

നെ​ടു​ങ്ക​ണ്ടം: വി​മാ​ന​വും ഹെ​ലി​കോ​പ്​​ട​റും കാ​റും ജീ​പ്പു​മൊ​ക്കെ ഉ​പ​യോ​ഗി​ച്ച്​ അ​തി​വേ​ഗ​ത്തി​ൽ തെ​ര​ഞ്ഞെ​ടു​പ്പ്​ പ്ര​ചാ​ര​ണം ന​ട​ത്തു​ന്ന കാ​ല​ത്ത്​ പ​ഴ​യ​കാ​ല ഓ​ർ​മ​ക​ൾ പു​തു​ക്കി കാ​ള​വ​ണ്ടി​യും രം​ഗ​ത്ത്. അ​ത്യാ​ധു​നി​ക വാ​ഹ​ന​ങ്ങ​ൾ​ക്കി​ല്ലാ​ത്ത ശ്ര​ദ്ധ​യാ​ണ്​ കാ​ള​വ​ണ്ടി​ക്ക്​ ല​ഭി​ക്കു​ന്ന​ത്.

കാ​ൽ​നൂ​റ്റാ​ണ്ട് മു​മ്പു​വ​രെ ചെ​മ്മ​ൺ പാ​ത​ക​ളി​ലൂ​ടെ രാ​ത്രി​യി​ൽ​പോ​ലും അ​ര​ണ്ട​വെ​ളി​ച്ച​വു​മാ​യി വാ​ണി​ജ്യ​മേ​ഖ​ല​യെ പു​ള​ക​മ​ണി​യി​ച്ചി​രു​ന്ന കാ​ള​വ​ണ്ടി​ക​ളു​ടെ മ​ട​ങ്ങി​വ​ര​വ് തെ​ര​ഞ്ഞെ​ടു​പ്പ് പ്ര​ചാ​ര​ണ​ത്തി​നു കൊ​ഴു​പ്പേ​കാ​നാ​ണ്. പാ​ല​ക്കാ​ട്ടു​​നി​ന്ന്​ കൊ​ണ്ടു​വ​ന്ന​താ​ണ് ഈ ​പു​തു​പു​ത്ത​ൻ കാ​ള​വ​ണ്ടി​ക​ൾ.

വ​ർ​ഷ​ങ്ങ​ൾ​ക്ക് ശേ​ഷ​മാ​ണ് ക​മ്പം​മെ​ട്ടി​െൻറ നി​ര​ത്തു​ക​ളി​ൽ മ​ണി​കി​ലു​ക്കി കാ​ള​വ​ണ്ടി​ക​ളോ​ടു​ന്ന​ത്. കാ​ള​വ​ണ്ടി ടൗ​ണി​ലെ​ത്തി​യ​ത് പു​തു​ത​ല​മു​റ​ക്കും കു​രു​ന്നു​ക​ൾ​ക്കും കൗ​തു​ക​കാ​ഴ്ച​യാ​യി. ചേ​റ്റു​കു​ഴി കാ​വി​ൽ ജോ​സി​െൻറ (54) വ​ക​യാ​ണ് കാ​ള​വ​ണ്ടി. മു​മ്പ് ഇ​വ​ർ​ക്ക്​ സ്വ​ന്ത​മാ​യി ആ​റ്​ കാ​ള​വ​ണ്ടി​ക​ൾ ഉ​ണ്ടാ​യി​രു​ന്നു. ഇ​ട​ക്കാ​ല​ത്ത് നി​ർ​ത്തി​യെ​ങ്കി​ലും നാ​ലു​വ​ർ​ഷം മു​മ്പ് ഗൂ​ഡ​ല്ലൂ​രി​ൽ​നി​ന്ന്​ ര​ണ്ട്​ കാ​ള​ക​ളെ വാ​ങ്ങി.

മ​ണി​യ​നും ക​ണ്ണ​നും. ലോ​ക്ഡൗ​ണി​ൽ വാ​ങ്ങി​യ കാ​ള​ക​ൾ​ക്ക് പേ​രി​ട്ടി​ട്ടി​ല്ല. ഇ​വ​ർ​ക്ക്​ ഉ​ട​ൻ പേ​രി​ടാ​നു​ള്ള ഒ​രു​ക്ക​ത്തി​ലാ​ണ് ക​ഴി​ഞ്ഞ​ദി​വ​സം പാ​ല​ക്കാ​ട്ടു​നി​ന്ന്​ 2.2 ല​ക്ഷം രൂ​പ മു​ട​ക്കി കാ​ള​വ​ണ്ടി​യും വാ​ങ്ങി. ഇ​പ്പോ​ൾ സ്വ​ന്ത​മാ​യി ര​ണ്ടു​ജോ​ടി കാ​ള​ക​ളും വ​ണ്ടി​ക​ളു​മു​ണ്ട്. വ​ർ​ഷ​ങ്ങ​ൾ​ മു​മ്പ്​ ത​മി​ഴ്നാ​ട്ടി​ൽ​നി​ന്ന്​ അ​രി​യും പ​ല​ച​ര​ക്ക് സാ​ധ​ന​ങ്ങ​ളും എ​ത്തി​ച്ചി​രു​ന്ന​തും ജി​ല്ല​യി​ൽ​നി​ന്ന്​ ഏ​ലം, കു​രു​മു​ള​ക്, കാ​പ്പി എ​ന്നി​വ ത​മി​ഴ്നാ​ട്ടി​ലേ​ക്ക്​ ​െകാ​ണ്ടു​പോ​യ​തും കാ​ള​വ​ണ്ടി​യി​ലാ​ണ്.

എ​ന്നാ​ൽ, ഇ​പ്പോ​ൾ കാ​ള​വ​ണ്ടി എ​ത്തി​ച്ച​ത് പ്ര​ധാ​ന​മാ​യും തെ​ര​ഞ്ഞെ​ടു​പ്പ് പ്ര​ചാ​ര​ണം, വി​വാ​ഹ ഫോ​ട്ടോ ഷൂ​ട്ട്, സി​നി​മ ഷൂ​ട്ടി​ങ്, ടൂ​റി​സ്​​റ്റു​ക​ളു​ടെ യാ​ത്ര എ​ന്നി​ങ്ങ​നെ വി​വി​ധ ആ​വ​ശ്യ​ങ്ങ​ൾ​ക്കാ​ണ്.

ഒ​രു ജോ​ടി കാ​ള​ക​ൾ​ക്ക് ദി​വ​സം 300 രൂ​പ​യാ​ണ് ചെ​ല​വ്. പ​രു​ത്തി​പ്പി​ണ്ണാ​ക്ക്, പെ​ല്ല​റ്റ്, പ​രു​ത്തി​ക്കു​രു, ചോ​ളം എ​ന്നി​വ​യാ​ണ് ഭ​ക്ഷ​ണ​മാ​യി ന​ൽ​കു​ന്ന​ത്. ജോ​സിെൻറ കാ​ള​വ​ണ്ടി​ക​ൾ​ക്ക്​ സി​നി​മ​യി​ൽ അ​ഭി​ന​യി​ക്കാ​നും ക്ഷ​ണ​മെ​ത്തി​യി​ട്ടു​ണ്ട്. കൊ​റോ​ണ​ക്കാ​ല​മാ​യ​തി​നാ​ലാ​ണ് ഷൂ​ട്ടി​ങ് ന​ട​ക്കാ​തെ വ​ന്ന​ത്. ജോ​ലി​ക​ൾ ഇ​ല്ലാ​ത്ത സ​മ​യം നി​ല​മു​ഴു​കാ​നും കാ​ള​ക​ളെ ഉ​പ​യോ​ഗി​ക്കും.