മധുരയിൽ ബസ് മറിഞ്ഞ് മൂന്ന് പാലക്കാട് സ്വദേശികൾ മരിച്ചു

ചെന്നൈ: മധുരക്ക്​ സമീപം വിനോദയാത്രാ സംഘം സഞ്ചരിച്ചിരുന്ന സ്വകാര്യ ടൂറിസ്​റ്റ്​ ബസ്​ നിയന്ത്രണംവിട്ട്​ മറി ഞ്ഞുണ്ടായ അപകടത്തിൽ മൂന്നുമരണം. പാലക്കാട്​ കൊടുവായൂർ കണ്ണങ്ങോട്​ സ്വദേശിനികളായ സരോജിനി(65), പെട്ടമ്മാൾ (68), അപ ്പുമണിയുടെ മകൾ നിഖില (എട്ട്​) എന്നിവരാണ്​ മരിച്ചത്​. കൊടുവായൂരിലെ കുടുംബശ്രീ, തൊഴിലുറപ്പ്​ തൊഴിലാളി കൂട്ട ായ്​മ എന്നിവയുടെ ആഭിമുഖ്യത്തിൽ ‘ലക്ഷ്​മി’ ടൂറിസ്​റ്റ്​ ബസിൽ രാമേശ്വരം, കന്യാകുമാരി തുടങ്ങിയ സ്​ഥലങ്ങൾ സന്ദർശിച്ച്​ നാട്ടിലേക്ക്​ മടങ്ങവെ ചൊവ്വാഴ്​ച പുലർച്ച ഒന്നരയോടെയാണ്​​ അപകടം.

കോവിൽപട്ടി- സാത്തൂർ ദേശീയപാതയിൽ ബെത്തുറെഡ്​ഡിയപട്ടി വിളക്ക്​ എന്ന സ്​ഥലത്തുവെച്ച്​ നിയന്ത്രണംവിട്ട ബസ്​ റോഡരികിലെ താഴ്​ചയിലേക്ക്​ മറിയുകയായിരുന്നു. മൂവരും സംഭവസ്​ഥലത്ത്​ മരിച്ചു.​ ബസ്​ യാത്രക്കാർ ഉറക്കത്തിലായിരുന്നു. വിജനമായ സ്​ഥലമായതിനാൽ അപകട വിവരം പുറംലോകമറിയുന്നതിന്​ കാലതാമസം ഉണ്ടായി. വിരുതുനഗർ ജില്ല പൊലീസ്​ സൂപ്രണ്ട്​ രാജരാജ​​െൻറ നേതൃത്വത്തിലുള്ള പൊലീസ്​ സംഘവും അഗ്​നിശമന വിഭാഗവും സ്​ഥലത്ത്​ എത്തിയാണ്​ രക്ഷാപ്രവർത്തനങ്ങൾ നടത്തിയത്​.

പരിക്കേറ്റ 56 പേരെ കോവിൽപട്ടി, സാത്തൂർ ഗവ. ആശുപത്രികളിൽ പ്രവേശിപ്പിച്ചു. ഗുരുതരമായി പരിക്കേറ്റ 11 പേരെ മധുര ഗവ. ജനറൽ ആശുപത്രിയിലേക്ക്​ റഫർ ചെയ്​തു. ബസിൽ 60ഒാളം പേരാണ്​ ഉണ്ടായിരുന്നത്​. പാലക്കാട്​ സ്വദേശി നിഷാന്ത്​ (25) ആണ്​ ബസ്​ ഒാടിച്ചിരുന്നത്​. സാത്തൂർ താലൂക്ക്​ പൊലീസ്​ കേസ്​ രജിസ്​റ്റർ ചെയ്​തു.