താമരശേരിചുരത്തിൽ ബസുകൾ കൂട്ടിയിടിച്ച്​ യാത്രക്കാർക്ക് പരിക്ക്

വൈത്തിരി: താമരശേരി ചുരത്തിൽ കെ.എസ്.ആർ.ടി.സി ബസുകൾ കൂട്ടിയിടിച്ച്​ ഏതാനും യാത്രക്കാർക്ക് പരിക്കേറ്റു. അപകടത്തെ തുടർന്ന്​ ചുരത്തിൽ ഗതാഗത തടസ്സം നേരിടുന്നുണ്ട്. ഇന്ന് രാവിലെ 8 .45നാണ്​ സംഭവം. അഞ്ചാം വളവിനും ആറാം വളവിനും ഇടയില ാണ് അപകടം നടന്നത്​.

ബത്തേരിയിൽ നിന്ന്​ കോഴിക്കോട്ടേക്ക് പോവുകയായിരുന്ന ടൗൺ ടു ടൗൺ ബസും കോഴിക്കോട്ടു നിന്ന്​ ബത്തേരിക്ക് പോവുകയായിരുന്ന പോയിൻറ ടു പോയിൻറ്​ ബസുമാണ് കൂട്ടിയിടിച്ചത്. താമരശേരി പൊലീസും ചുരം സംരക്ഷണ സമിതി പ്രവർത്തകരും സ്ഥലത്തുണ്ട്.

ഒരു ലോറിയെ മറികടന്നെത്തിയ പോയിൻറ ടു പോയിൻറ് ബസ്​ ടൗൺ ടു ടൗൺ ബസിൽ ഇടിക്കുകയായിരുന്നുവെന്ന് ദൃക്‌സാക്ഷികൾ പറഞ്ഞു. ചരക്കു ലോറി കേടായതിനാൽ ഇന്ന് രാവിലെ ഏഴാം വളവിനടുത്ത്​ ഏറെ നേരം ഗതാഗതം തടസപ്പെട്ടിരുന്നു.