ബസ്​ ബൈക്കിലിടിച്ച് യുവാവ് മരിച്ചു

കായംകുളം: ദേശീയപാതയിൽ മാളിയേക്കൽ ജങ്​ഷന് സമീപം കെ.എസ്​.ആർ.ടി.സി ബസ്​ ബൈക്കിലിടിച്ച് യുവാവ് മരിച്ചു. കുമാരപുരം താമല്ലാക്കൽ തെക്ക് തോട്ടുകടവിൽ അഖിലാണ് (മോനുക്കുട്ടൻ-19) മരിച്ചത്. കരീലക്കുളങ്ങര സ്​പിന്നിങ്​ മില്ലിലെ ഇലക്ട്രീഷ്യനായിരുന്നു.

ജോലി കഴിഞ്ഞ് വീട്ടിലേക്ക് പോകവേ വ്യാഴാഴ്ച വൈകീട്ടായിരുന്നു അപകടം. ബസ്​ മറ്റൊരു വാഹനത്തെ മറികടക്കാൻ ശ്രമിക്കുന്നതിനിടെ ബൈക്കിൽ ഇടിക്കുകയായിരുന്നു. ഹരിപ്പാട് ഗവ. ആശുപത്രിയിൽ എത്തിച്ചെങ്കിലും രക്ഷിക്കാനായില്ല. മാതാവ്: ലളിതാംബിക. സഹോദരി: ഭവ്യ.