വിദേശത്ത്​ കുടുങ്ങുന്നവരെ രക്ഷിക്കുന്ന മുഖ്യമന്ത്രി മഅ്​ദനിക്കുവേണ്ടിയും ഇടപെടണം -സി. ദിവാകരൻ

തിരുവനന്തപുരം: വിദേശരാജ്യങ്ങളിൽ കുടുങ്ങുന്നവരെ രക്ഷപ്പെടുത്താനും ഇടപെടാനും അറിയുന്ന മുഖ്യമന്ത്രി പിണറായി വിജയൻ അബ്​ദുന്നാസിർ മഅ്​ദനിയുടെ കാര്യത്തിലും ഇടപെടണമെന്ന്​ സി.പി.​െഎ നേതാവ്​ സി. ദിവാകരൻ എം.എൽ.എ. വിചാരണ കൂടാത െ ജയിലിൽ കഴിയുന്ന മഅ്​ദനിയുടെ ജീവൻ രക്ഷിക്കാൻ‍ സർക്കാർ അടിയന്തരമായി ഇടപെടണമെന്നാവശ്യപ്പെട്ട് പി.ഡി.പി സെക്ര​ േട്ടറിയറ്റിനു​ മുന്നിൽ നടത്തിയ ഉപവാസ സമരം ഉദ്ഘാടനം ചെയ്യുകയായിരുന്നു അദ്ദേഹം.

മോശമായ അവസ്​ഥയിലേക്ക്​ മഅ്​ദനിയുടെ ആരോഗ്യം നീങ്ങുകയാണ്​. വല്ലതും സംഭവിച്ചാൽ അതിന്​ കേരള, കേന്ദ്ര സർക്കാറുകൾ ഉത്തരവാദിയാകും. മഅ്​ദനിക്ക്​ ​നീതി ലഭ്യമാക്കണമെന്നാവശ്യപ്പെടുന്ന പാർട്ടികളിലെ എം.എൽ.എമാരും നേതാക്കളും ഒപ്പിട്ട നിവേദനം മുഖ്യമന്ത്രിക്ക് നൽകാൻ തയാറാകണം. കടുത്ത മനുഷ്യാവകാശ ലംഘനമാണ് അദ്ദേഹത്തി​​െൻറ കാര്യത്തിൽ നടക്കുന്നത്​. ഇല്ലാത്ത കുറ്റം ചാർത്തി പലരെയും ജയിലിൽ ഇട്ടിട്ടുണ്ട്. അതുപോലെയാണ് മഅ്​ദനിയുടെയും കാര്യം. 10​ വർഷത്തോളം കരുനാഗപ്പള്ളി മണ്ഡലത്തിൽ ത​​െൻറ ശക്തികേന്ദ്രങ്ങളിൽ ഒന്ന്​ മഅ്​ദനിയായിരുന്നെന്നും ദിവാകരൻ പറഞ്ഞു. കുറ്റപത്രം പോലും നൽകാതെ ഒരാളെ തടങ്കലിൽ പാർപ്പിച്ചിരിക്കുന്നത് എന്ത് നിയമമാണെന്ന്​ മനസ്സിലാകുന്നില്ലെന്നും ദിവാകരൻ പറഞ്ഞു.

മഅ്​ദനിക്ക്​ നീതി ലഭ്യമാക്കാൻ പോരാടേണ്ടത്​ മുഴുവൻ മനുഷ്യസ്​നേഹികളുടെയും ബാധ്യതയാണെന്ന്​ സമാപന പ്രസംഗം നടത്തിയ കെ.പി.സി.സി മുൻ പ്രസിഡൻറ്​ വി.എം. സുധീരൻ പറഞ്ഞു. പി.ഡി.പി വൈസ്​ചെയർമാൻ പൂന്തൂറ സിറാജ് അധ്യക്ഷത വഹിച്ചു. എ. നീലലോഹിത ദാസൻ, ഭാസുരേന്ദ്ര ബാബു, വെൽഫെയർ പാർട്ടി സംസ്​ഥാന സെക്രട്ടറി സജീദ്​ ഖാലിദ്​, പുനലൂർ ജലീൽ, ജലീൽ നീലാ​മ്പ്ര, വി.എം. അലിയാർ, വർക്കല രാജ്, മാഹിൻ ബാദുഷ മൗലവി, നിസാർ മേത്തർ, മൈലക്കാട്​ ഷാ, അഡ്വ. കാഞ്ഞിരമറ്റം സിറാജ്​, കൊട്ടാരക്കര സാബു, മുജീബ്​ റഹ്​മാൻ, യൂസുഫ്​ പാന്ത്ര, ജഅ്​ഫർ അലിദാരിമി, ശശികുമാരി തുടങ്ങിയവർ സംസാരിച്ചു. നേരത്തേ പാളയം രക്തസാക്ഷി മണ്ഡപത്തിൽനിന്ന്​ നൂറുകണക്കിന്​ പ്രവർത്തകർ അണിനിരന്ന പ്രകടനമായി എത്തിയാണ്​ ഉപവാസം ആരംഭിച്ചത്​. ​