പൗരത്വ ഭേദഗതി നിയമം​: ബി.ജെ.പിയുടെ ഗൃഹസന്ദർശനം കേരളത്തിൽ പാളി

തിരുവനന്തപുരം: പൗരത്വ ഭേദഗതി നിയമത്തിൽ ജനങ്ങളുടെ പിന്തുണ ആർജിക്കാൻ ബി.ജെ.പി നടത്തുന്ന ഗൃഹസന്ദർശനം കേരളത്തിൽ പാളി. കേന്ദ്ര ആഭ്യന്തര സഹമന്ത്രി കിരൺ റിജ്ജുവാണ്​ കേരളത്തിൽ സന്ദർശനത്തിനെത്തിയത്​. സാഹിത്യകാരൻ ജോർജ്​ ഓണക് കൂറി​​െൻറ തിരുവനന്തപുരത്തെ വസതിയിലായിരുന്നു അദ്ദേഹം ആദ്യം പോയത്​​. നിയമത്തോട്​ ജോർജ്​ ഓണക്കൂർ വിയോജിപ്പ്​ അറിയിച്ചതോടെയാണ്​ റിജിജ്ജുവി​​െൻറ ദൗത്യം തുടക്കത്തിലെ പാളാൻ കാരണം.

ഒരു മതത്തെ മാത്രം പൗരത്വ ഭേദഗതി നിയമത്തിൽ നിന്ന്​ ഒഴിവാക്കിയത്​ ശരിയായില്ലെന്ന്​ ഓണക്കൂർ മന്ത്രിയെ അറിയിച്ചു. ഇന്ത്യയിലേക്ക്​ വരുന്നവർക്ക്​ മതം നോക്കി പൗരത്വം നൽകരുത്​. എല്ലാവരെയും ഉൾക്കൊള്ളുന്നതാണ്​ ഇന്ത്യ സംസ്​കാരമെന്നും ഓണക്കൂർ കേന്ദ്രമന്ത്രിയെ ഓർമിപ്പിച്ചു. നിയമത്തെ താൻ അനുകൂലിക്കുന്നുണ്ടെങ്കിലും ഒരു മതത്തെ മാത്രം ഒഴിവാക്കിയത്​ ശരി​യായ​ നിലപാടല്ലെന്ന്​ അദ്ദേഹം പിന്നീട്​ മാധ്യമങ്ങളോട്​ പറഞ്ഞു.

അതേസമയം പൗരത്വ ഭേദഗതി നിയമത്തിൽ കേരള നിയമസഭാ പാസാക്കിയ പ്രമേയം രാഷ്​ട്രീയ നാടകമാണെന്ന്​ കേന്ദ്രമന്ത്രി കിരൺ റിജിജ്ജു പറഞ്ഞു. കേരളത്തിലെ ചിലർ രാജ്യത്തെ വികസനം തടയാൻ ശ്രമിക്കുന്നു. കേരളത്തിലെ യുവാക്കൾ ആ വഴിക്ക് പോകില്ലെന്ന്​ ഉറപ്പുണ്ടെന്നും അദ്ദേഹം വ്യക്​തമാക്കി.