പ്രളയബാധിത സംസ്​ഥാനങ്ങളിൽ കേന്ദ്രമന്ത്രിതലസംഘം എത്തും

ന്യൂഡൽഹി: പ്രമുഖ മന്ത്രിമാരുടെ നേതൃത്വത്തിൽ 11 പ്രളയബാധിത സംസ്​ഥാനങ്ങൾ സന്ദർശിക്കാൻ ധാരണ. പ്രളയ ദുരിതാശ്വാസ പ ്രവർത്തനങ്ങളും നാശനഷ്​ടങ്ങളും വിലയിരുത്തലാണ്​ ലക്ഷ്യം. ആഭ്യന്തരം, ധനകാര്യം, കൃഷി, ഉൗർജ മന്ത്രിമാർ ഉൾപ്പെട്ട സ ംഘമാണ്​ സന്ദർശിക്കുകയെന്ന്​ ആഭ്യന്തര മ​ന്ത്രാലയം വാർത്താക്കുറിപ്പിൽ​ അറിയിച്ചു​.

ആഭ്യന്തര വകുപ്പ്​ ജോയൻറ്​ സെക്രട്ടറി പ്രകാശി​​​െൻറ നേതൃത്വത്തിലുള്ള സംഘം കർണാടകയിലെ പ്രളയ ബാധിത മേഖലകളിൽ ശനിയാഴ്​ചയെത്തി. കേരളത്തിന്​ പുറമെ, അസം, മേഘാലയ, ത്രിപുര, ബിഹാർ, ഉത്തരാഖണ്ഡ്​, ഹിമാചൽ പ്രദേശ്​, ഗുജറാത്ത്​, രാജസ്​ഥാൻ, മഹാരാഷ്​ട്ര സംസ്​ഥാനങ്ങൾ സന്ദർശിക്കാനാണ്​ ആഭ്യന്തര മന്ത്രി അമിത്​ ഷായു​െട നേതൃത്വത്തിൽ ചേർന്ന ഉന്നതതല സമിതിയുടെ തീരുമാനം. ബന്ധപ്പെട്ട വകുപ്പുകളിൽനിന്നുള്ള ഉയർന്ന ഉദ്യോഗസ്​ഥരും സംഘത്തിനൊപ്പമുണ്ടാകും. ഇവരുടെ വിലയിരുത്തലി​​​െൻറ അടിസ്​ഥാനത്തിലാകും ദുരിതാശ്വാസ സഹായം വിതരണം.