​ തൊണ്ടയാട്​ ബൈപാസിൽ കാറിന്​ മുകളിലേക്ക്​ ബസ്​ മറിഞ്ഞു: നിരവധി പേർക്ക്​ പരിക്ക്​

കോഴിക്കോട്: തൊണ്ടയാട് ബൈപ്പാസിനു സമീപം നിർത്തിയിട്ട കാറിനു മുകളിലേക്ക് ബസ് മറിഞ്ഞ്​ നിരവധി പേർക്ക് പരിക്കേറ്റു. മെസിക്കൽ കോളജ് - പാളയം റൂട്ടിലോടുന്ന സ്വകാര്യ ബസാണ് അപകടത്തിൽ പെട്ടത്. അപകടത്തിൽ ബസ് യാത്രക്കാര്‍ക്കാണ് പരിക്കേറ്റത്. ആരുടെയും പരിക്ക് ഗുരുതരമല്ലെന്നാണ് പ്രാഥമിക വിവരം. ​

റോഡരികിൽ നിർത്തിയിട്ട കാറിനും ബൈക്കിനു മുകളിലേക്കാണ്​ ബസ്​ മറിഞ്ഞത്​. കാറിലോ ബൈക്കിലോ ആളുകളില്ലാതിരുന്നത്​ വൻ അപകടം ഒഴിവാക്കി.