ബി.ജെ.പി നേതാവിന്‍റെ വീ​ടി​ന്‍റെ ടെ​റ​സി​ൽ ക​ഞ്ചാ​വു​ചെ​ടി; മരുമകൻ അറസ്റ്റിൽ, ജില്ല പ്രസിഡന്‍റ് പദം രാജിവെച്ചു

തിരുവനന്തപുരം: നേമത്ത് വീ​ടി​ന്‍റെ ടെ​റ​സി​ൽ ക​ഞ്ചാ​വു​ചെ​ടി ന​ട്ടു​വ​ള​ർ​ത്തി​യ മരുമകൻ പി​ടി​യിലായ സംഭവത്തിൽ ബി.ജെ.പി ജില്ലാ നേതാവ് രാജിവെച്ചു. പി​ടി​യി​ലായ ര​ഞ്ജി​ത്തിന്‍റെ ഭാര്യ പിതാവ് സന്തോഷ് ആണ് പട്ടികജാതി മോർച്ച ജില്ല പ്രസിഡന്‍റ് സ്ഥാനം രാജിവെച്ചത്. "വീട് നിയന്ത്രിക്കാൻ കഴിയാത്തവൻ നാടിനെ നിയന്ത്രിക്കാൻ യോഗ്യനല്ലെന്ന്" ഫേസ്ബുക്കിൽ കുറിപ്പിട്ട ശേഷമാണ് പാർട്ടി പദവി രാജിവെച്ചത്. കഴിഞ്ഞ തദ്ദേശ തെരഞ്ഞെടുപ്പിൽ ജില്ലാ പഞ്ചായത്തിൽ ബി.ജെ.പി സ്ഥാനാർഥിയായി സന്തോഷ് മത്സരിച്ചിരുന്നു.

സന്തോഷിന്‍റെ വീ​ടി​ന്‍റെ ടെ​റ​സി​ലാണ് മരുമകനായ വി​ള​പ്പി​ൽ​ശാ​ല സ്റ്റേ​ഷ​ൻ പ​രി​ധി​യി​ൽ നൂ​ലി​യോ​ട് കൊ​ങ്ങ​പ്പ​ള്ളി സം​ഗീ​താ​ല​യ​ത്തി​ൽ ഉ​ണ്ണി എ​ന്ന ര​ഞ്ജി​ത്ത് ക​ഞ്ചാ​വു​ചെ​ടി ന​ട്ടു​വ​ള​ർ​ത്തി​യത്. ര​ഹ​സ്യ​വി​വ​ര​ത്തി​ന്‍റെ അ​ടി​സ്ഥാ​ന​ത്തി​ലാ​ണ് നൂ​ലി​യോ​ടു​ള്ള വീ​ട്ടി​ൽ പൊ​ലീ​സും ഷാ​ഡോ ടീ​മും സം​യു​ക്ത​മാ​യി പ​രി​ശോ​ധ​ന ന​ട​ത്തി​യ​ത്. ടെ​റ​സി​ൽ ന​ട്ടു​പി​ടി​പ്പി​ച്ചി​രു​ന്ന 18 ക​ഞ്ചാ​വു​ചെ​ടി​ക​ളാ​ണ് പി​ടി​ച്ചെ​ടു​ത്ത​ത്.

ഒ​ന്ന​ര​ മാ​സം മു​മ്പ് ഒ​രു സു​ഹൃ​ത്ത് മു​ഖേ​ന​യാ​ണ് ക​ഞ്ചാ​വ് ചെ​ടി​ക​ൾ എ​ത്തി​ച്ച​തെ​ന്നാ​ണ് പ്ര​തി പൊ​ലീ​സി​നോ​ട് പ​റ​ഞ്ഞ​ത്. ഇ​യാ​ൾ​ക്കെ​തി​രെ വി​ള​പ്പി​ൽ​ശാ​ല സ്റ്റേ​ഷ​ൻ പ​രി​ധി​യി​ൽ മു​മ്പ് അ​ടി​പി​ടി കേ​സ് ഉ​ണ്ടാ​യി​രു​ന്നു. വി​ള​പ്പി​ൽ​ശാ​ല സി.​ഐ എ​ൻ. സു​രേ​ഷ് കു​മാ​റും സം​ഘ​വും ഷാ​ഡോ ടീ​മും സം​യു​ക്ത​മാ​യാ​ണ് പ്ര​തി​യെ പി​ടി​കൂ​ടി​യ​ത്.