പത്തനംതിട്ടയിൽ കാറിടിച്ച്​ വീട്ടമ്മ മരിച്ചു

പത്തനംതിട്ട: കടയിൽ സാധനം വാങ്ങുകയായിരുന്ന വീട്ടമ്മ നിയന്ത്രണം വിട്ട്​ പാഞ്ഞുവന്ന കാറിടിച്ച്​ മരിച്ചു. കൂടെയുണ്ടായിരുന്ന ഭർത്താവിന്​ പരിക്കേറ്റു. കരിമ്പനാകുഴി ആലുംമൂട്ടിൽ സത്യ​െൻറ (പുഷ്​പാംഗദൻ 60) ഭാര്യ ശാന്ത (56) ആണ്​ മരിച്ചത്​. പത്തനംതിട്ട റിങ്​റോഡിൽ സെൻറ്​ സ്​റ്റേഫൻസ്​ കത്തീഡ്രലിനടത്തായിരുന്നു അപകടം.

ഇവിടെ ചായക്കട നടത്തുന്ന സത്യനും ശാന്തയും തൊട്ടടുത്ത ഉണക്കമീൻ കടയിൽ സാധനം വാങ്ങാൻ നിൽക്കവെയാണ്​ അപകടം. അമിത വേഗതയിൽ എത്തിയ കാർ ദമ്പദികളെ ഇടിച്ച്​ തെറിപ്പിച്ച ശേഷം സമീപത്തെ മരത്തിലിടിച്ച്​ നിന്നു. ശാന്തയുടെ കാലി​െൻറ ഒരുഭാഗം അറ്റുപോയി. ഇരുവരെയും തിരുവല്ലയിലെ സ്വകാര്യ ആശുപത്രിയിലേക്ക്​ കൊണ്ടുപോകവെ ശാന്ത മരിക്കുകയായിരുന്നു.

സത്യൻ പരിക്കുകളോടെ ചികിത്സയിലാണ്​. കാർ ഓടിച്ചിരുന്ന യുവാക്കളെ പൊലീസ്​ കസ്​റ്റഡിയിലെടുത്തു. കാറിൽ നിന്ന്​ മദ്യകുപ്പികൾ കണ്ടെടുത്തിട്ടുണ്ട്​.