വൈത്തിരിയിൽ ഓടിക്കൊണ്ടിരിക്കുന്ന കാർ കത്തി നശിച്ചു

വൈത്തിരി: തളിമല തേയില ഫാക്ടറിക്ക് സമീപം ഓടിക്കൊണ്ടിരുന്ന കാർ കത്തി നശിച്ചു. പഴയ വൈത്തിരി സ്വദേശിയുടേതാണ് കാർ. രണ്ടു പേരായിരുന്നു കാറിലുണ്ടായിരുന്നത്.

രാത്രി ഒൻപതോടെയാണ് അപകടം. ആളപായമില്ല. കോഴിക്കോട് നിന്നും വന്ന കാർ തളിമല സ്വദേശിയായ സുഹൃത്തിനെ ഇറക്കാൻ പോകുമ്പോഴാണ് കാറിനു തീപിടിച്ചത്.

മുൻവശത്തുനിന്നും പുക ഉയരുന്നതുകണ്ട യാത്രക്കാർ പുറത്തിറങ്ങിയപ്പോഴേക്കും തീ കത്തിപടരുന്നു. കൽപ്പറ്റയിൽനിന്നും ഫയർ ഫോഴ്‌സ് എത്തിയാണ് തീയണച്ചത്.