ലോക്​ഡൗൺ ലംഘിച്ച്​ സമരം; ഡീൻ കുര്യാക്കോസ്​ എം.പിക്കെതിരെ കേസ്​

ഇടുക്കി: ലോക്​ഡൗൺ ലംഘിച്ച്​ സമരം നടത്തിയതിന്​ ഇടുക്കി എം.പി ഡീൻ കുര്യാക്കോസിനെതിരെ കേസ്​. ഇടുക്കി ജില്ലയെ അവഗണിക്കുന്നുവെന്ന്​ ആരോപിച്ച്​ ഡീൻ കുര്യാക്കോസ്​ നിരാഹാര സമരം നടത്തിയിരുന്നു. ഇതിലാണ്​ ഇപ്പോൾ കേസെടുത്തിരിക്കുന്നത്​. ഇടുക്കി മെഡിക്കൽ കോളജ്​ ആശുപത്രിക്ക്​​ മുന്നിലായിരുന്നു സമരം.

ഡീൻ കുര്യക്കോസിനെ കൂടാതെ മറ്റ്​ 15 പേർക്കെതിരെയും കേസെടുത്തിട്ടുണ്ട്​. പകർച്ചവ്യാധി നിയമപ്രകാരമാണ്​ കേസ്​. അതേസമയം, കേസിന്​ പുല്ലുവില പോലും കൽപ്പിക്കുന്നില്ലെന്ന്​ ഡീൻ കുര്യാക്കോസ്​ പറഞ്ഞു. വേണ്ടി വന്നാൽ ഇനിയും സമരം ചെയ്യുമെന്നും അദ്ദേഹം വ്യക്​തമാക്കി.