വ്യാജപ്രചാരണം: ജേക്കബ് വടക്കു​ംചേരിക്കെതിരെ കേസെടുത്തു

തിരുവനന്തപുരം: എലിപ്പനി പ്രതിരോധവുമായി ബന്ധപ്പെട്ട്​ സമൂഹമാധ്യമത്തിലൂടെ വ്യാജപ്രചാരണം നടത്തുന്ന ജേക്കബ് വടക്കുംചേരിക്കെതിരെ കേസ്​. മന്ത്രി കെ.കെ. ശൈലജ നൽകിയ കത്തനുസരിച്ച്​ ഡി.ജി.പിയുടെ നിർദേശാനുസരണമാണ്​ കേസെടുത്തത്​. ജനങ്ങളും മാധ്യമങ്ങളും ഒറ്റക്കെട്ടായി പ്രതിരോധ പ്രവര്‍ത്തനം നടത്തുന്ന സാഹചര്യത്തില്‍ ആളുക​ളെ തെറ്റിദ്ധരിപ്പിക്കുന്ന രീതിയില്‍ പ്രവര്‍ത്തിക്കുന്നവര്‍ക്കെതിരെ അടിയന്തര നടപടി സ്വീകരിക്കണമെന്നായിരുന്നു​ മന്ത്രിയുടെ ആവശ്യം.

എലിപ്പനി പ്രതിരോധ മരുന്നായ ഡോക്‌സിസൈക്ലിന്‍ കഴിക്കുന്നതിനെതിരെ വിവാദ പ്രസ്താവന നടത്തുന്ന ജേക്കബ് വടക്കുംചേരിക്കെതിരെ കൊലപാതക ശ്രമത്തിന് കേസെടുക്കണമെന്ന് ഐ.എം.എ സംസ്ഥാന പ്രസിഡൻറ്​ ഡോ. ഇ.കെ. ഉമ്മറും, സംസ്ഥാന സെക്രട്ടറി ഡോ. എന്‍. സുള്‍ഫിയും ആവശ്യപ്പെട്ടു.

എലിപ്പനി പ്രതിരോധ മരുന്ന്​ ജീവന്‍ രക്ഷിക്കാന്‍ സഹായിക്കുന്നതാണ്. അതിനെതിരെ പ്രവര്‍ത്തിക്കുന്നവര്‍ കൊലപാതക ശ്രമംതന്നെയാണ് നടത്തുന്നത്. ഡോക്‌സിസൈക്ലിന്‍ 200 മില്ലി ഗുളിക ആഹാരശേഷം കഴിക്കുന്നത് ഒരാഴ്ച പ്രതിരോധശക്തി നല്‍കും. ഗുളികക്ക് പാര്‍ശ്വവശങ്ങള്‍ തീരെ ഇ​െല്ലന്നും ഐ.എം.എ വ്യക്തമാക്കി.