നാമജപയാത്രക്കെതിരായ കേസ്: എൻ.എസ്.എസിന്‍റെ ഹരജി ഹൈകോടതി ഇന്ന് പരിഗണിക്കും

തിരുവനന്തപുരം: സ്പീ​ക്ക​ർ എ.​എ​ൻ. ഷം​സീ​റി​ന്‍റെ ‘ശാ​സ്ത്ര-​മി​ത്ത്’​ പ​രാ​മ​ർ​ശ​ത്തി​ൽ പ്ര​തി​ഷേ​ധി​ച്ച് തിരുവനന്തപുരത്ത് നടത്തിയ നാമജപയാത്രക്കെതിരെ പൊലീസ് സ്വമേധയാ എടുത്ത കേസ് റദ്ദാക്കണമെന്നാവശ്യപ്പെട്ട് എൻ.എസ്.എസ് നൽകിയ ഹരജി ഹൈകോടതി തിങ്കളാഴ്ച പരിഗണിക്കും. എൻ.എസ്.എസ് വൈസ് പ്രസിഡന്‍റും താ​ലൂ​ക്ക് യൂ​നി​യ​ന്‍ പ്ര​സി​ഡ​ന്റു​മാ​യ സംഗീത് കുമാറാണ് കന്‍റോൺമെൻ്റ് പൊലീസ് രജിസ്റ്റർ ചെയ്ത കേസിനെതിരെ കോടതിയെ സമീപിച്ചത്.

കേസ് നിയമപരമായി നിലനിൽക്കില്ലെന്ന് ചൂണ്ടിക്കാട്ടിയാണ് ഹരജി. ജസ്റ്റിസ് രാജാ വിജയരാഘവന്റെ ബെഞ്ച് പതിനെട്ടാമത്തെ ഇനമായാണ് ഹരജിയിൽ വാദം കേൾക്കുക. വി​ല​ക്ക്​ ലം​ഘി​ച്ച്​ ജാ​ഥ ന​ട​ത്തി, ഗ​താ​ഗ​തം സ്തം​ഭി​പ്പി​ച്ചു, അ​നു​മ​തി​യി​ല്ലാ​തെ വാ​ഹ​ന​ങ്ങ​ളി​ല്‍ മൈ​ക്ക് സെ​റ്റ് പ്ര​വ​ര്‍ത്തി​പ്പി​ച്ചു എ​ന്നീ കു​റ്റ​ങ്ങ​ളാണ് പൊലീസ് ചു​മ​ത്തി​യത്. ​

സംഗീത് കുമാറിനെ ഒ​ന്നാം ​പ്ര​തിയാക്കി കണ്ടാലറിയാവുന്ന ആയിരം പേർക്കെതിരെയാണ് കേസ്. ഈ മാസം രണ്ടിനായിരുന്നു നാമജപയാത്ര എന്ന പേരിൽ എൻ.എസ്.എസ് പ്രതിഷേധ പ്രകടനം നടത്തിയത്.

അതേസമയം, വി​ഷ​യ​ത്തി​ൽ ആ​ർ.​എ​സ്.​എ​സ്​ ഉ​ൾ​പ്പെ​ടെ സം​ഘ​ട​ന​ക​ളു​മാ​യി സ​ഹ​ക​രി​ച്ച്​ പ്ര​വ​ർ​ത്തി​ക്കു​മെ​ന്ന്​ വ്യ​ക്ത​മാ​ക്കി​യ എ​ൻ.​എ​സ്.​എ​സ്​ ജ​ന​റ​ൽ സെ​ക്ര​ട്ട​റി ജി. ​സു​കു​മാ​ര​ൻ​നാ​യ​രു​മാ​യി സം​ഘ്​​പ​രി​വാ​ർ നേ​താ​ക്ക​ൾ പെ​രു​ന്ന​യി​ൽ കൂ​ടി​ക്കാ​ഴ്ച ന​ട​ത്തിയിരുന്നു. മു​തി​ര്‍ന്ന ആ​ര്‍.​എ​സ്.​എ​സ്​ പ്ര​ചാ​ര​ക​ന്‍ എ​സ്. സേ​തു​മാ​ധ​വ​ന്‍, വി.​എ​ച്ച്.​പി സം​സ്ഥാ​ന അ​ധ്യ​ക്ഷ​ന്‍ വി​ജി ത​മ്പി, അ​യ്യ​പ്പ സേ​വാ​സ​മാ​ജം നേ​താ​വ് എ​സ്.​ജെ.​ആ​ര്‍. കു​മാ​ർ എ​ന്നി​വ​രാ​ണ്​ ച​ർ​ച്ച​ക്കെ​ത്തി​യ​ത്.