വ്യാജവാര്ത്ത പ്രചരിപ്പിച്ച ഓണ്ലൈന് ചാനലിനെതിരെ കേസ്
text_fieldsആലപ്പുഴ :തിരുവനന്തപുരം ജില്ലയില് ഉപയോഗിക്കുന്ന ഇലക്ട്രോണിക് വോട്ടിങ് മെഷീനുകള്ക്ക് തകരാറുണ്ടെന്നും ഇലക്ഷന് ഉദ്യോഗസ്ഥരും രാഷ്ട്രീയപ്രവര്ത്തകരും തമ്മില് തര്ക്കമുണ്ടായെന്നും വ്യാജവാര്ത്ത പ്രചരിപ്പിച്ച ഓണ്ലൈന് ചാനലിനെതിരെ കേസെടുത്തു. തിരുവനന്തപുരം സിറ്റി സൈബര് ക്രൈം പൊലീസ് സ്റ്റേഷനിലാണ് എഫ്.ഐ.ആര് രജിസ്റ്റര് ചെയ്തത്. നിയമനടപടി ആവശ്യപ്പെട്ട് കലക്ടര് നല്കിയ പരാതിയിലാണ് നടപടി. നിയമനടപടിക്ക് പിന്നാലെ ഓൺലൈൻ ചാനലിൽ നിന്ന് വാർത്ത പിൻവലിച്ചു.
ചീഫ് ഇലക്ടറല് ഓഫീസർക്കെതിരെ അധിക്ഷേപം നടത്തിയ വിഷയത്തിൽ തിരുവല്ല പൊലീസ് സ്റ്റേഷനില് എഫ്.ഐ.ആര് രജിസ്റ്റര് ചെയ്ത് പ്രതിയെ കണ്ടെത്തി മൊബൈൽ ഫോണുകൾ പിടിച്ചെടുത്തു. പൊതുതിരഞ്ഞെടുപ്പുമായി ബന്ധപ്പെട്ട് സമൂഹത്തില് തെറ്റിദ്ധാരണാജനകവും വിദ്വേഷം പരത്തുന്ന തരത്തിലുമുള്ള വാര്ത്തകള് പ്രചരിപ്പിക്കുന്നവര്ക്കും സ്ത്രീത്വത്തെ അവഹേളിക്കുന്ന തരത്തില് പ്രചാരണം നടത്തുന്നവര്ക്കുമെതിരെ കര്ശന നടപടി സ്വീകരിക്കുന്നതാണ്.
എല്ലാത്തരം സൈബര് ആക്രമണങ്ങളും കണ്ടെത്തി നിയമനടപടി ' സ്വീകരിക്കുന്നതിന് 24 മണിക്കൂറും സൈബര് പട്രോളിങ് ഏര്പ്പെടുത്തിയിട്ടുണ്ടെന്ന് പൊലീസ് അറിയിച്ചു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.