സി.ഐക്കെതിരെ കേസെടുക്കണം –മൂഫിയയുടെ പിതാവ്

ആ​ലു​വ: നി​യ​മ​വി​ദ്യാ​ർ​ഥി​നി മൂ​ഫി​യ പ​ർ​വീ​​െൻറ മ​ര​ണ​ത്തി​ൽ ആ​േ​രാ​പ​ണ​വി​ധേ​യ​നാ​യ സി.​ഐ സു​ധീ​റി​നെ​തി​രെ ന​ര​ഹ​ത്യ​ക്ക് കേ​സെ​ടു​ക്ക​ണ​മെ​ന്ന് മൂ​ഫി​യ​യു​ടെ പി​താ​വ്. ഭ​ർ​ത്താ​വും കു​ടും​ബ​വും ക്രൂ​ര​മാ​യാ​ണ് മ​ക​ളോ​ട് പെ​രു​മാ​റി​യ​തെ​ന്ന് പി​താ​വ് ദി​ൽ​ഷാ​ദ് സ​ലിം ആ​രോ​പി​ക്കു​ന്നു. ഭ​ർ​ത്താ​വ് സു​ഹൈ​ലി​െൻറ വീ​ട്ടി​ൽ ക്രൂ​ര​പീ​ഡ​ന​ങ്ങ​ളാ​ണ് മൂ​ഫി​യ​ക്ക്​ നേ​രി​ടേ​ണ്ടി വ​ന്ന​ത്. ലൈം​ഗി​ക വൈ​കൃ​ത​ങ്ങ​ൾ​ക്ക് അ​ടി​മ​യാ​യ സു​ഹൈ​ൽ അ​തി​ന് മൂ​ഫി​യ​യെ ഇ​ര​യാ​ക്കി.

ഒ​ത്തു​തീ​ർ​പ്പ്​ ച​ർ​ച്ച ന​ട​ന്ന ദി​വ​സം മ​റ്റൊ​രാ​ൾ​ സി.​ഐ​ ഓ​ഫി​സി​ലു​ണ്ടാ​യി​രു​ന്നു. കു​ട്ടി​സ​ഖാ​വ് എ​ന്നാ​യി​രു​ന്നു അ​യാ​ളെ വി​ശേ​ഷി​പ്പി​ച്ച​ത്. അ​യാ​ളു​ടെ പേ​ര​റി​യി​ല്ല. സു​ഹൈ​ലി​െൻറ ബ​ന്ധു​വാ​ണെ​ന്നാ​ണ് അ​റി​ഞ്ഞ​ത്. ഇയാളും സി.​ഐ​യും ചേ​ർ​ന്നാ​ണ് പ​രാ​തി ഒ​തു​ക്കി​ത്തീ​ർ​ക്കാ​ൻ നോ​ക്കി​യ​ത്. അ​തി​നാ​ൽ കു​ട്ടി​സ​ഖാ​വി​െൻറ പ​ങ്കും അ​ന്വേ​ഷി​ക്ക​ണ​മെ​ന്ന്​ പി​താ​വ് ആ​വ​ശ്യ​പ്പെ​ട്ടു. ശ​രീ​രം മു​ഴു​വ​ൻ പ​ച്ച​കു​ത്ത​ണ​മെ​ന്ന സു​ഹൈ​ലി​െൻറ ആ​വ​ശ്യം മൂ​ഫി​യ നി​ര​സി​ച്ച​പ്പോ​ഴും മ​ർ​ദ​നം ഏ​ൽ​ക്കേ​ണ്ടി​വ​ന്നു. സ്ത്രീ​ധ​നം ആ​വ​ശ്യ​മി​ല്ലെ​ന്ന് പ​റ​ഞ്ഞാ​ണ് വി​വാ​ഹം ന​ട​ത്തി​യ​ത്. എ​ന്നാ​ൽ, പി​ന്നീ​ട് പ​ണം ആ​വ​ശ്യ​പ്പെ​ട്ടു തു​ട​ങ്ങി. ഇ​തി​െൻറ പേ​രി​ലും മ​ർ​ദ​ന​വും പീ​ഡ​ന​വു​മു​ണ്ടാ​യി. സു​ഹൈ​ലി​ന് ബി​സി​ന​സ് ചെ​യ്യാ​ന​ട​ക്കം പ​ണം വേ​ണ​മെ​ന്നാ​യി​രു​ന്നു ആ​വ​ശ്യ​പ്പെ​ട്ടത്. സു​ഹൈ​ൽ ഗ​ൾ​ഫി​ൽ പോ​കു​മെ​ന്നാ​യി​രു​ന്നു വി​വാ​ഹ​ത്തി​ന് മു​മ്പ്​ പ​റ​ഞ്ഞ​ത്.

എ​ന്നാ​ൽ, വി​വാ​ഹ​ശേ​ഷം അ​തു​ണ്ടാ​യി​ല്ല. പ​ല​ത​ര​ം ജോ​ലി​ക​ളെ കു​റി​ച്ച് പ​റ​ഞ്ഞെ​ങ്കി​ലും ഒ​ന്നും ഉണ്ടാ​യി​രു​ന്നി​ല്ല. സ്ത്രീ​ധ​ന​ ത​ർ​ക്ക​ത്തെ തു​ട​ർ​ന്ന് മൂ​ന്നു​മാ​സ​മാ​യി മൂ​ഫി​യ സ്വ​ന്തം വീ​ട്ടി​ലാ​ണ്. യു​ട്യൂ​ബി​ൽ വി​ഡി​യോ നി​ർ​മി​ക്കാ​ൻ 40 ല​ക്ഷം രൂ​പ വേ​ണ​മെ​ന്ന്​ അ​യാ​ൾ ആ​വ​ശ്യ​പ്പെ​ട്ടു. പ​ണ​മി​ല്ലെ​ന്നും ത​രാ​ൻ പ​റ്റി​ല്ലെ​ന്നു​മാ​ണ് അ​ന്ന് മ​ക​ൾ പ​റ​ഞ്ഞ​ത്. ഇ​തി​നു പി​ന്നാ​ലെ കൈ ​ഒ​ടി​ക്കാ​ൻ ശ്ര​മി​ച്ചു.

പ​ല​പ്പോ​ഴാ​യി മാ​ല​യും വ​ള​യും ആ​വ​ശ്യ​പ്പെ​ട്ടു. പ​ഠ​നം നി​ർ​ത്താ​നും മൂ​ഫി​യ​യെ നി​ർ​ബ​ന്ധി​ച്ചി​രു​ന്നു. ഇ​ത്ത​ര​ത്തി​ൽ മു​ന്നോ​ട്ടു​പോ​കി​ല്ലെ​ന്ന് ഉ​റ​പ്പാ​യ​പ്പോ​ഴാ​ണ് മൂ​ഫി​യ പ​രാ​തി ന​ൽ​കി​യ​ത്. പ​രാ​തി ഒ​തു​ക്കാ​നു​ള്ള ശ്ര​മ​മാ​ണ് ആ​ലു​വ സി.​ഐ സു​ധീ​റി​െൻറ ഭാ​ഗ​ത്തു​നി​ന്നു​ണ്ടാ​യ​ത്.