അരിയിൽ ഷുക്കൂർ വധക്കേസിൽ മാതാവിന്റെ വാദം കേൾക്കണം -സി.ബി.ഐ കോടതി

കൊച്ചി: അരിയിൽ ഷുക്കൂർ വധക്കേസിൽ മാതാവ് ആതിഖയുടെ വാദം കൂടി കേൾക്കണമെന്ന് സി.ബി.ഐ കോടതി. കേസിൽ തന്റെ വാദം കേൾക്കണമെന്നാവശ്യപ്പെട്ട് ആതിഖ കോടതിയിൽ ഹരജി നൽകിയിരുന്നു.

കുറ്റവിമുക്തരാക്കണമെന്നാവശ്യപ്പെട്ട് സി.പി.എം നേതാക്കളായ പി. ജയരാജനും ടി.വി. രാജേഷും ഉൾപ്പെടെയുള്ളവർ നൽകിയ ഹരജിയിലാണ് ഷുക്കൂറിന്റെ മാതാവിന്റെ വാദം കേൾക്കുക. പ്രതികളെ കുറ്റവിമുക്തരാക്കുന്നതിൽ ആതിഖ എതിർപ്പ് പ്രകടിപ്പിച്ചിരുന്നു. കുറ്റപത്രത്തിന്റെ പകർപ്പ് മാതാവിന് കൈമാറാനും കേടതി നിർദേശിച്ചിട്ടുണ്ട്.

2012 ഫെബ്രുവരി 20നാണ് കണ്ണൂർ ജില്ലയിലെ തളിപ്പറമ്പ് അരിയിൽ സ്വദേശിയും എം.എസ്.എഫ് നേതാവുമായിരുന്ന ഷുക്കൂർ കൊല്ലപ്പെട്ടത്.