അഭയകേസ്​: സാക്ഷിപ്പട്ടികയിൽ മരിച്ച ആറു പേരും

തിരുവനന്തപുരം: സിസ്​റ്റർ അഭയ കൊലക്കേസിൽ 27 വർഷത്തിന് ശേഷം വിചാരണ ആരംഭിച്ചപ്പോൾ ഗുരുതര വീഴ്ചയാണ് കേസ് അന്വേഷിച്ച സി.ബി.ഐയുടെ ഭാഗത്ത് നിന്നുണ്ടായത്. വിചാരണക്ക്​ ഹാജരാകണമെന്ന് ചൂണ്ടിക്കാട്ടി സമന്‍സ് അയച്ചത് മരിച്ചു പോയ ആറ് സാക്ഷികള്‍ക്ക്. സാക്ഷിപ്പട്ടിക നൽകുന്നതിൽ സി.ബി.​െഎക്ക്​ ഗുരുതര വീഴ്​ച സംഭവിച്ചെന്ന്​ വ്യക്തമാക്കുന്നതാണ്​ ഇൗ നടപടി.

അഭയ താമസിച്ചിരുന്ന കോൺവെന്‍റി​െല മദർ സുപ്പീരിയർ, അഭയയുടെ പിതാവ്, പ്രദേശത്തെ വാച്ച്മാനായിരുന്ന എസ്. ദാസ്​ എന്നിവർ ഉൾപ്പെടെ വർഷങ്ങൾക്ക്​ മു​േമ്പ​ മരിച്ച ആറു പേരെയാണ്​ സാക്ഷിപ്പട്ടികയിൽ സി.ബി.​െഎ ഉൾപ്പെടുത്തിയത്​. 2009ലാണ്​ സി.​ബി.​െഎ കോടതിയിൽ അന്വേഷണ സംഘം കുറ്റപത്രം സമർപ്പിച്ചത്​.

എന്നാൽ, 10​ വർഷത്തിന് ​ശേഷം വിചാരണ ആരംഭിച്ചപ്പോൾ സാക്ഷിപ്പട്ടികയിൽ സി.ബി.​െഎ കൃത്യമായ പരിശോധന നടത്തിയില്ലെന്നാണ് ഇത്​ വ്യക്തമാകുന്നത്​. 1992 മാർച്ച് 27നാണ്​ കോട്ടയത്തെ പയസ് ടെൻത്​ കോൺവെന്‍റിലെ കിണറ്റിൽ ദുരൂഹ സാഹചര്യത്തിൽ സിസ്​റ്റർ അഭയയെ മരിച്ച നിലയിൽ കണ്ടെത്തിയത്.