കൊച്ചി കപ്പൽശാലയിലെ ആക്രി വിൽപനയിൽ വൻ അഴിമതി;  മൂന്നുപേർക്കെതിരെ സി.ബി.​െഎ കേസ്​

കൊ​ച്ചി: കൊ​ച്ചി​ൻ ഷി​പ്​​യാ​ർ​ഡി​ലെ ആ​ക്രി സാ​ധ​ന​ങ്ങ​ൾ വി​റ്റ​തി​ൽ വ​ൻ അ​ഴി​മ​തി ക​ണ്ടെ​ത്തി​യ​തി​നെ​ത്തു​ട​ർ​ന്ന്​ മൂ​ന്നു​പേ​ർ​ക്കെ​തി​രെ സി.​ബി.​െ​എ കേ​സെ​ടു​ത്തു. ഷി​പ്​​യാ​ർ​ഡ്​ അ​സി. ജ​ന​റ​ൽ മാ​നേ​ജ​ർ എ​ൻ. അ​ജി​ത്​ കു​മാ​ർ, ആ​ക്രി സാ​ധ​ന​ങ്ങ​ൾ നീ​ക്കാ​ൻ ക​രാ​ർ എ​ടു​ത്തി​രു​ന്ന പാ​ലാ​രി​വ​ട്ടം പു​തി​യ റോ​ഡി​ൽ പ്ര​വ​ർ​ത്തി​ക്കു​ന്ന സൗ​ത്ത്​ ഇ​ന്ത്യ​ൻ സ്​​​ക്രാ​പ്​ ​​േട്ര​ഡേ​ഴ്​​സ്​ ഉ​ട​മ പി.​എ. മു​ഹ​മ്മ​ദാ​ലി എ​ന്നി​വ​ർ​ക്കും സ്​​ഥാ​പ​ന​ത്തി​നെ​തി​രെ​യു​മാ​ണ്​ സി.​ബി.​െ​എ കൊ​ച്ചി യൂ​നി​റ്റ്​ കേ​സെ​ടു​ത്ത​ത്. എ​റ​ണാ​കു​ളം ​പ്ര​ത്യേ​ക സി.​ബി.​െ​എ കോ​ട​തി​യി​ൽ പ്ര​ഥ​മ​വി​വ​ര റി​പ്പോ​ർ​ട്ട്​ സ​മ​ർ​പ്പി​ച്ച​തി​ന്​ പി​ന്നാ​ലെ സി.​ബി.​െ​എ സം​ഘം ക​പ്പ​ൽ​ശാ​ല​യി​ലും പ്ര​തി​ക​ളു​ടെ വീ​ടു​ക​ളി​ലു​മ​ട​ക്കം മി​ന്ന​ൽ പ​രി​ശോ​ധ​ന ന​ട​ത്തി. 

കേ​സു​മാ​യി ബ​ന്ധ​പ്പെ​ട്ട നി​ര​വ​ധി രേ​ഖ​ക​ൾ പി​ടി​ച്ചെ​ടു​ത്ത​താ​യാ​ണ്​ സൂ​ച​ന. കേ​സി​ൽ കൂ​ടു​ത​ൽ പേ​ർ​ക്ക്​ പ​ങ്കു​ള്ള​താ​യി സം​ശ​യ​മു​ണ്ടെ​ന്നും അ​ന്വേ​ഷ​ണം പു​രോ​ഗ​മി​ക്കു​ക​യാ​ണെ​ന്നും സി.​ബി.​െ​എ അ​ധി​കൃ​ത​ർ വ്യ​ക്​​ത​മാ​ക്കി. പ്ര​ധാ​ന​മ​ന്ത്രി​യു​ടെ സ​ന്ദ​ർ​ശ​ന​ത്തി​ന്​ ​മു​ന്നോ​ടി​യാ​യി​ വൃ​ത്തി​യാ​ക്കു​ന്ന​തി​​െൻറ ഭാ​ഗ​മാ​യി ക​പ്പ​ൽ​ശാ​ല​യി​ലെ ഏ​ക​ദേ​ശം 1000 മെ​ട്രി​ക്​ ട​ൺ ക​പ്പ​ൽ നി​ർ​മാ​ണ അ​വ​ശി​ഷ്​​ട​ങ്ങ​ളാ​യ സ്​​റ്റീ​ൽ ആ​ക്രി സാ​ധ​ന​ങ്ങ​ളു​ൾ​പ്പെ​ടെ വി​റ്റ​തി​ലാ​ണ്​ അ​ഴി​മ​തി. ആ​​ക്രി സാ​ധ​ന​ങ്ങ​ൾ ഒ​രു മെ​ട്രി​ക്​ ട​ണ്ണി​ന്​ 18,500 രൂ​പ​ക്ക്​ വി​ൽ​ക്കാ​നാ​ണ്​ ഷി​പ്​​​യാ​ർ​ഡ്​ ആ​ദ്യം തീ​രു​മാ​നി​ച്ച​ത്. ഇ​തി​​െൻറ ഭാ​ഗ​മാ​യി 2016 ഒ​ക്​​ടോ​ബ​ർ 26ന്​ ​ഒാ​ൺ ലൈ​ൻ വ​ഴി ലേ​ലം ന​ട​ത്തി. എ​ന്നാ​ൽ, ലേ​ല​ത്തി​ൽ പ​െ​ങ്ക​ടു​ത്ത ആ​രും ​ഷി​പ്​​​യാ​ർ​ഡ്​ പ്ര​തീ​ക്ഷി​ച്ച വി​ല രേ​ഖ​പ്പെ​ടു​ത്തി​യി​ല്ല. 14,632 രൂ​പ​യാ​ണ്​ ഇ-​ലേ​ല​ത്തി​ൽ രേ​ഖ​പ്പെ​ടു​ത്തി​യ ഏ​റ്റ​വും ഉ​യ​ർ​ന്ന വി​ല. ഇ​തോ​ടെ ലേ​ലം റ​ദ്ദാ​ക്കി. 2016 ന​വം​ബ​ർ 15, ന​വം​ബ​ർ 24, ഡി​സം​ബ​ർ ആ​റ്, ഡി​സം​ബ​ർ ഒ​മ്പ​ത്​ തീ​യ​തി​ക​ളി​ൽ വീ​ണ്ടും ലേ​ലം ന​ട​ത്തി​യെ​ങ്കി​ലും  കു​റ​ഞ്ഞ തു​ക​യാ​ണ്​ അ​പ്പോ​ഴും രേ​ഖ​പ്പെ​ടു​ത്തി​യ​ത്. 

തു​ട​ർ​ന്ന്​ സ്വ​കാ​ര്യ വാ​ല്യു​വേ​റ്റ​റെ ചു​മ​ത​ല​പ്പെ​ടു​ത്തി​യ ഷി​പ്​​യാ​ർ​ഡ്​ അ​ധി​കൃ​ത​ർ വി​ല 12,418 രൂ​പ​യാ​യി പു​തു​ക്കി നി​ശ്ച​യി​ച്ചു. ഇ​തി​​െൻറ തു​ട​ർ​ച്ച​യാ​യി 2017 ഫെ​ബ്രു​വ​രി എ​ട്ടി​ന്​ വീ​ണ്ടും ലേ​ലം ന​ട​ത്തു​ക​യും സൗ​ത്ത്​ ഇ​ന്ത്യ​ൻ സ്​​ക്രാ​പ്​ ​​േട്ര​ഡേ​ഴ്​​സ്​ 14,622 എ​ന്ന ഉ​യ​ർ​ന്ന തു​ക രേ​ഖ​പ്പെ​ടു​ത്തി സാ​ധ​ന​ങ്ങ​ൾ ലേ​ല​ത്തി​ൽ പി​ടി​ക്കു​ക​യും ചെ​യ്​​തു. നി​കു​തി അ​ട​ക്കം 1000 മെ​ട്രി​ക്​ ട​ൺ വ​സ്​​തു​ക്ക​ൾ 1,55,06,631 രൂ​പ​ക്ക്​ ന​ൽ​കാ​മെ​ന്നാ​യി​രു​ന്നു ധാ​ര​ണ. ഒാ​രോ 250 മെ​ട്രി​ക്​ ട​ൺ ആ​ക്രി സാ​ധ​ന​ങ്ങ​ൾ നീ​ക്കു​ന്ന​തി​ന്​ മു​മ്പ്​ അ​തി​​െൻറ തു​ക മു​ൻ​കൂ​ർ ന​ൽ​ക​ണ​മെ​ന്നും വ്യ​വ​സ്​​ഥ ഉ​ണ്ടാ​യി​രു​ന്നു. ​

എ​ന്നാ​ൽ, ഒ​ന്നാം പ്ര​തി ര​ണ്ടാം പ്ര​തി​യും മ​റ്റ്​ ചി​ല​രു​മാ​യും ഗൂ​ഢാ​ലോ​ച​ന ന​ട​ത്തി പ​ണം മു​ൻ​കൂ​ർ വാ​ങ്ങാ​തെ ആ​ക്രി സാ​ധ​ന​ങ്ങ​ൾ കൊ​ണ്ടു​പോ​കാ​ൻ അ​നു​മ​തി ന​ൽ​കി​യ​താ​യാ​ണ്​ സി.​ബി.​െ​എ ക​ണ്ടെ​ത്ത​ൽ. ഒ​ന്നാം പ്ര​തി മ​റ്റു​ള്ള​വ​രു​മാ​യി ന​ട​ത്തി​യ ഗൂ​ഢാ​ലോ​ച​ന​യു​ടെ അ​ടി​സ്​​ഥാ​ന​ത്തി​ൽ സ്​​റ്റീ​ൽ മാ​ത്രം തെ​ര​ഞ്ഞെ​ടു​ക്കാ​ൻ ഒ​ത്താ​ശ ചെ​യ്​​തെ​ന്നും സ്​​റ്റീ​ൽ അ​ട​ക്ക​മു​ള്ള​വ മു​റി​ക്കാ​ൻ ഒാ​ക്​​സി​ജ​ൻ ഗ്യാ​സ്​ ക​ട്ട​ർ മാ​ത്രം ഉ​പ​യോ​ഗി​ക്ക​ണ​മെ​ന്ന വ്യ​വ​സ്​​ഥ ലം​ഘി​ച്ച്​ മു​ത​ൽ​മു​ട​ക്ക്​ കു​റ​വ്​ വ​രു​ന്ന​തും ഷി​പ്​​യാ​ർ​ഡി​ന്​ വ​ൻ അ​പ​ക​ട​മു​ണ്ടാ​ക്കി​യേ​ക്കാ​വു​ന്ന​തു​മാ​യ എ​ൽ.​പി.​ജി ഗ്യാ​സ്​ ഉ​പ​യോ​ഗി​ക്കാ​ൻ ഒ​ത്താ​ശ ചെ​യ്​​തെ​ന്നും സി.​ബി.​െ​എ ക​ണ്ടെ​ത്തി​യി​ട്ടു​ണ്ട്​. സാ​ധ​ന​ങ്ങ​ൾ നീ​ക്കി​യ​തു​മാ​യി ബ​ന്ധ​പ്പെ​ട്ട്​ മു​ഹ​മ്മ​ദാ​ലി ജൂ​ൺ അ​ഞ്ചി​ന്​ ഡെ​പ്യൂ​ട്ടി ചീ​ഫ്​ മാ​നേ​ജ​ർ​ക്ക്​ ഒ​രു ക​ത്ത്​ കൈ​മാ​റി.

വി​ൽ​പ​ന ക​രാ​റി​ലു​ൾ​പ്പെ​ട്ട​തി​​െൻറ അ​ടി​സ്​​ഥാ​ന​ത്തി​ൽ 799.79 മെ​ട്രി​ക്​ ട​ൺ സ്​​റ്റീ​ൽ നീ​ക്കി​യെ​ന്നാ​ണ്​ ക​ത്തി​ലു​ണ്ടാ​യി​രു​ന്ന​ത്​. ഇ​നി​യു​ള്ള​ത്​ മ​ണ്ണും ച​ളി​യും ക​ല​ർ​ന്ന ടി​ന്നു​ക​ളും ഷീ​റ്റു​ക​ളും മാ​ത്ര​മാ​ണെ​ന്നും ഇ​ത്​ നീ​ക്കു​ന്ന​തി​ൽ​നി​ന്ന്​ ത​ന്നെ ഒ​ഴി​വാ​ക്ക​ണ​മെ​ന്നു​മാ​ണ്​ ക​ത്തി​ൽ ആ​വ​ശ്യ​പ്പെ​ട്ടി​രു​ന്ന​ത്. ഇൗ ​ക​ത്ത്​ കി​ട്ടി​യ ഒ​ന്നാം പ്ര​തി ശേ​ഷി​ക്കു​ന്ന വ​സ്​​തു​ക്ക​ൾ കേ​വ​ലം 1,50,000 രൂ​പ​ക്ക്​ നീ​ക്കാ​ൻ ര​ണ്ടും മൂ​ന്നും പ്ര​തി​ക​ൾ​ക്ക്​ ഒ​ത്താ​ശ ചെ​യ്​​ത​താ​യും സി.​ബി.​െ​എ സ്​​ഥി​രീ​ക​രി​ച്ചു. ഇ​ത്ത​ര​ത്തി​ൽ ഗേ​റ്റ്​ പാ​സോ തൂ​ക്ക​മോ നോ​ക്കാ​തെ വി​വി​ധ വാ​ഹ​ന​ങ്ങ​ളി​ൽ 300 ലോ​ഡ്​ വ​സ്​​തു​ക്ക​ൾ 2017 ജൂ​ൺ ഏ​ഴു​മു​ത​ൽ 12 വ​രെ ക​ട​ത്തി​യ​താ​യാ​ണ്​ ക​െ​ണ്ട​ത്ത​ൽ. ഇ​തി​ലൂ​ടെ 21,41,684 രൂ​പ വ​രു​ന്ന ആ​ക്രി സാ​ധ​ന​ങ്ങ​ൾ​ക്ക്​ ഷി​പ്​​യാ​ർ​ഡി​ന്​ ല​ഭി​ച്ച​ത്​ കേ​വ​ലം 1,50,000 രൂ​പ മാ​ത്ര​മാ​ണെ​ന്ന്​ സി.​ബി.​െ​എ അ​ധി​കൃ​ത​ർ പ​റ​ഞ്ഞു. ഗൂ​ഢാ​ലോ​ച​ന, ച​തി, വി​ശ്വാ​സ​വ​ഞ്ച​ന, അ​ഴി​മ​തി നി​രോ​ധ​ന നി​യ​മ​ത്തി​ലെ വി​വി​ധ വ​കു​പ്പു​ക​ൾ എ​ന്നി​വ പ്ര​കാ​ര​മാ​ണ്​ പ്ര​തി​ക​ൾ​ക്കെ​തി​രെ കേ​സെ​ടു​ത്ത​ത്.