സി.ബി.എസ്​.ഇ സ്​കൂളുകളിലെ ഫീസ്​ പിരിവ്​: കെ.എസ്​.യു പരാതി നൽകി

ഇടുക്കി: ലോക്ഡൗണും മറ്റു​ നിയന്ത്രണവും മൂലം കടുത്ത സാമ്പത്തിക പ്രതിസന്ധി നേരിടുന്ന സാഹചര്യത്തിൽ സി.ബി.എസ്.ഇ സ്കൂളുകൾ നടത്തുന്ന ഫീസ് പിരിവ് ഒഴിവാക്കണമെന്ന് കെ.എസ്.യു ജില്ല കമ്മിറ്റി ആവശ്യപ്പെട്ടു.

ഓൺലൈൻ ക്ലാസുകളുടെ പേരിൽ റഗുലർ ക്ലാസുകൾക്കുള്ള ഫീസ് ഈടാക്കുന്ന മാനേജ്​മ​െൻറുകളുടെ നടപടി അംഗീകരിക്കാൻ സാധിക്കില്ല.

സി.ബി.എസ്.ഇ സ്കൂളുകൾ ഒന്നാം ടേമിലെ ഫീസ് ഒഴിവാക്കണമെന്നും പഠനോപകരണ വിൽപനയിൽ അമിതവില ഈടാക്കുന്നത് സംബന്ധിച്ച പരാതികൾ പരിശോധിച്ച് നടപടി സ്വീകരിക്കണമെന്നും ആവശ്യപ്പെട്ട് വിദ്യാഭ്യാസ ഉപഡയറക്ടർക്ക് കെ.എസ്.യു ജില്ല കമ്മിറ്റി നിവേദനം നൽകി. പ്രസിഡൻറ്​ ടോണി തോമസ്, സിബി ജോസഫ്, വിഷ്ണുദേവ്, അനസ്​ ജിമ്മി, ജയ്സൺ തോമസ്, റഹ്മാൻ ഷാജി, ഫസൽ അബ്ബാസ്, ബ്ലസൺ ബേബി എന്നിവർ നിവേദക സംഘത്തിലുണ്ടായിരുന്നു.