വിമാന കമ്പനികളുടെ കൊള്ള നിയന്ത്രിക്കാൻ കേന്ദ്ര, സംസ്ഥാന സർക്കാരുകൾ ഇടപെടണം- പി.കെ. കുഞ്ഞാലിക്കുട്ടി
text_fieldsമലപ്പുറം: വിമാന കമ്പനികളുടെ കൊള്ള നിയന്ത്രിക്കാൽ കേന്ദ്ര, കേരള സർക്കാരുകൾ ശക്തമായി ഇടപെടണമെന്ന് മുസ് ലീം ലീഗ് നേതാവ് പി.കെ കുഞ്ഞാലിക്കുട്ടി. അടുത്ത വ്യാഴാഴ്ച മുഖ്യമന്ത്രിയെ കണ്ട് വിഷയം ഉന്നയിക്കുമെന്നും കുഞ്ഞാലിക്കുട്ടി പറഞ്ഞു.
ഗള്ഫ് രാജ്യങ്ങളിലേക്കുളള ടിക്കറ്റ് നിരക്കുകള് കുത്തനെ കൂട്ടിയിരിക്കുകയാണ് വിമാന കമ്പനികള്. അവധി കഴിഞ്ഞ് ഗള്ഫിലെ സ്കൂളുകള് തുറക്കുന്ന സമയം നോക്കി പതിനായിരക്കണക്കിന് പ്രവാസികള് മടങ്ങിപ്പോകാന് തയാറെടുക്കുമ്പോഴാണ് ടിക്കറ്റ് വില മൂന്നു മുതല് അഞ്ചിരട്ടി വരെ ഉയർത്തുന്നത്. വിമാനക്കമ്പനികളെ നിയന്ത്രിക്കാന് സര്ക്കാര് നടപടികളുണ്ടാകാത്തതാണ് ഇതിന് കാരണം.
വലിയ കൊള്ളയാണ് നടക്കുന്നതെന്ന് കുഞ്ഞാലിക്കുട്ടി പറഞ്ഞു. വലിയ പണക്കാരൊന്നുമല്ലല്ലോ. വർഷത്തിൽ ഒരു പ്രാവശ്യമോ രണ്ട് വർഷം കൂടുമ്പോഴോ ആണ് സാധാരണക്കാർ നാട്ടിൽ വരുന്നത്. വിമാന ടിക്കറ്റിന്റെ കാര്യത്തിൽ ചൂഷണമാണ് നടക്കുന്നത്. പാർലമെന്റിലും പുറത്തും സമരം തുടരുമെന്നും കുഞ്ഞാലിക്കുട്ടി വ്യക്തമാക്കി.
ഗള്ഫ് രാജ്യങ്ങളിലേക്കുളള യാത്രക്ക് പ്രവാസികള് ഏറ്റവുമധികം ആശ്രയിക്കുന്ന എയര് ഇന്ത്യ എക്സ്പ്രസിന്റെ വെബ്സൈറ്റില് നിന്ന ലഭിക്കുന്ന വിവരമനുസരിച്ച് ഈ ദിവസങ്ങളില് ഗള്ഫ് രാജ്യങ്ങളിലേക്കുളള യാത്രക്ക് മിനിമം 30,000 രൂപ കൊടുക്കണം. ചില വിമാനങ്ങള്ക്ക് ഈ തുക കയറിക്കയറി ഒരു ലക്ഷത്തിന് അടുത്ത് വരെ എത്തി. സാധാരണ സമയങ്ങളില് 10,000 മുതൽ 15,000 വരെ നിരക്കില് കിട്ടുന്ന ടിക്കറ്റിനാണ് ഈ വർധനയുണ്ടായത്.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.