കോവിഡ്​ നഷ്ടപരിഹാര വിതരണം പരിശോധിക്കാൻ കേന്ദ്ര സംഘം കേരളത്തിലേക്ക്​

ന്യൂഡല്‍ഹി: കോവിഡ് ബാധിച്ച് മരിച്ചവർക്കുള്ള നഷ്ട പരിഹാരം വ്യാജ സർട്ടിഫിക്കറ്റുണ്ടാക്കി തട്ടിയെന്ന പരാതി പരിശോധിക്കാൻ കേരളത്തിലേക്ക്​ കേന്ദ്ര സംഘം പുറപ്പെട്ടു.

ഡോ. സ​ങ്കേത്​ കുൽകർണി, രാജേന്ദർ കുമാർ, ഡോ. പി. രവീന്ദ്രൻ എന്നിവരടങ്ങുന്ന സംഘമാണ്​ സുപ്രീംകോടതി നിർദേശത്തിന്‍റെ അടിസ്ഥാനത്തിൽ കേരളത്തിലേക്ക്​ പുറപ്പെട്ടത്​. കേരളത്തോടൊപ്പം ആന്ധ്രപ്രദേശ്​, മഹാരാഷ്​ട്ര, ഗുജറാത്ത്​ എന്നീ സംസ്ഥാനങ്ങളിലേക്കും കേന്ദ്ര സംഘങ്ങൾ പോയിട്ടുണ്ട്​. നഷ്ടപരിഹാരം വാങ്ങിയവരിൽ അഞ്ച്​ ശതമാനത്തോളം പേരുടെ വിവരങ്ങൾ സംഘം പരിശോധിക്കും.