വൈദ്യുതി വാഹനങ്ങൾ വർധിപ്പിക്കൽ സി.ഇ.എസ്.എൽ–സർക്കാർ കരാറായി

കൊച്ചി: രാജ്യത്ത് ​വൈദ്യുതി വാഹനങ്ങളുടെ ഉപയോഗം വര്‍ധിപ്പിക്കാൻ കണ്‍വെര്‍ജെന്‍സ് എനര്‍ജി സര്‍വിസസ് ലിമിറ്റഡ് (സി.ഇ.എസ്.എല്‍) സംസ്ഥാന സര്‍ക്കാറുമായി കരാറിലേര്‍പ്പെട്ടു.

30,000 ടൂവീലര്‍, ത്രീ വീലര്‍ സംഭരിക്കാനായി കേരളത്തിനൊപ്പം ഗോവ സര്‍ക്കാറുമായും സി.ഇ.എസ്.എല്‍ കരാറുകളും ധാരണാപത്രങ്ങളും ഒപ്പു​െവച്ചു.

രാജ്യത്തെ ടുവീലര്‍, ത്രീവീലര്‍ വിഭാഗങ്ങളിലേക്കുള്ള ആദ്യ പ്രവേശനമാണിത്. ഊർജ മന്ത്രാലയത്തിന് കീഴിലെ പൊതുമേഖല സ്ഥാപനങ്ങളുടെ സംയുക്ത സംരംഭമായ സര്‍ക്കാര്‍ ഉടമസ്ഥതയിലുള്ള എനര്‍ജി എഫിഷന്‍സി സര്‍വിസസ് ലിമിറ്റഡി​െൻറ പുതുതായി സ്ഥാപിതമായ അനുബന്ധ സ്ഥാപനമാണ് സി.ഇ.എസ്.എല്‍.

രാജ്യത്ത് ഇലക്ട്രിക് മൊബിലിറ്റി ഇക്കോസിസ്​റ്റം നിർമിക്കാനായി ഭാരത് ഇലക്ട്രോണിക്സ് ലിമിറ്റഡ്, ഫോര്‍ട്ടം, ജെ.ബി.എം റിന്യൂവബിള്‍സ് പ്രൈവറ്റ് ലിമിറ്റഡ്, ടി.വി.എസ് മോട്ടോര്‍ കമ്പനി എന്നിവയുമായി സി.ഇ.എസ്.എല്‍ സഹകരിക്കും. കരാറുകള്‍ പ്രകാരം ​ൈവദ്യുതി വാഹന ചാർജിങ്​ അടിസ്ഥാന സൗകര്യമൊരുക്കാനും സി.ഇ.എസ്.എല്‍ നിക്ഷേപം നടത്തും.

താമസിയാതെ ​ൈവദ്യുതി വാഹനങ്ങള്‍ താങ്ങാനാവുന്നതും സാധാരണക്കാര്‍ക്ക് വിശ്വസനീയവുമാകുമെന്ന് പ്രതീക്ഷിക്കുന്നതായി സംസ്ഥാന എനര്‍ജി മാനേജ്മെൻറ്​ സെൻറര്‍ ഡയറക്ടര്‍ ഡോ. ആര്‍. ഹരികുമാര്‍ പറഞ്ഞു.