പേരുമാറ്റിയാൽ രാമച്ചി കോളനിയുടെ മുഖച്ഛായ മാറില്ല

കേ​ള​കം: കോ​ള​നി​യെ​ന്ന് പേ​രു​മാ​റ്റി ന​ഗ​റാ​ക്കി​യാ​ൽ രാ​മ​ച്ചി ആ​ദി​വാ​സി കോ​ള​നി​യു​ടെ മു​ഖച്ഛായ മാ​റി​ല്ല. ഉ​ന്ന​തി​യി​ലെ​ത്താ​ൻ സ​ർ​ക്കാ​ർ ഇ​നി​യെ​ങ്കി​ലും ഉ​ണ​ര​ണ​മെ​ന്ന​താ​ണ് യാ​ഥാ​ർ​ഥ്യം.

ഇ​ല്ലാ​യ്മ എ​ന്തൊ​ക്കെ​യെ​ന്ന​റി​യ​ണ​മെ​ങ്കി​ൽ രാ​മ​ച്ചി​യി​ലെ ആ​ദി​വാ​സി കോ​ള​നി​യി​ലെ​ത്തി​യാ​ൽ മ​തി. അ​തു​കൊ​ണ്ട് ത​ന്നെ​യാ​ണ് ആ​ദി​വാ​സി ജ​ന​ങ്ങ​ളു​ടെ ക്ഷേ​മാ​ന്വേ​ഷ​ണ​ത്തി​നാ​യി ഈ ​കോ​ള​നി​യി​ൽ മാ​വോ​വാ​ദി​ക​ൾ പ​തി​വാ​യെ​ത്തു​ന്ന​ത്. അ​വ​ർ ക​ട്ട​ൻ ചാ​യ കു​ടി​ച്ച് കു​ശ​ലാ​ന്വേ​ഷ​ണം ന​ട​ത്തി​യാ​ണ്​ മ​ട​ങ്ങു​ന്ന​ത്.

ഇ​ല്ലാ​യ്മ​ക​ൾ മാ​ത്രം കൂ​ട്ടി​നു​ള്ള മാ​വോ​വാ​ദി ഭീ​ഷ​ണി നേ​രി​ടു​ന്ന രാ​മ​ച്ചി കോ​ള​നി​യി​ൽ ജി​ല്ല ക​ല​ക്ട​റു​ടെ​യും ജി​ല്ല പൊ​ലീ​സ് മേ​ധാ​വി​യു​ടെ​യും നേ​തൃ​ത്വ​ത്തി​ലു​ള്ള ഉ​ന്ന​ത​ത​ല സം​ഘം ഇ​ട​ക്കി​ടെ സ​ന്ദ​ർ​ശ​നം ന​ട​ത്താ​റു​ണ്ട്.

ജി​ല്ല ഭ​ര​ണ​കൂ​ട​ത്തി​ന് മു​മ്പി​ൽ പ​രാ​തി​ക​ള​ടെ കെ​ട്ട​ഴി​ച്ചു​വി​ട്ടാ​ലും പ​രി​ഹാ​ര​ങ്ങ​ൾ പ്ര​ഖ്യാ​പ​ന​ത്തി​ലൊ​തു​ങ്ങാ​റാ​ണ് പ​തി​വ്. കോ​ള​നി​യി​ലെ അ​ടി​സ്ഥാ​ന സൗ​ക​ര്യ​ങ്ങ​ളും അ​വ​യി​ലു​ള്ള പോ​രാ​യ്മ​ക​ളും പ​രി​ഹ​രി​ക്കു​ന്ന​തി​ന് വേ​ണ്ടി ജി​ല്ല ക​ല​ക്ട​ർ ഊ​രി​ലൊ​രു ദി​നം എ​ന്ന പ​രി​പാ​ടി മു​മ്പ് ന​ട​ത്തി​യി​രു​ന്നു.

കു​ട്ടി​ക​ളു​ടെ വി​ദ്യാ​ഭ്യാ​സം, കു​ടി​വെ​ള്ളം, റോ​ഡ് സൗ​ക​ര്യ​ങ്ങ​ള്‍, ഭൂ​മി സം​ബ​ന്ധി​ച്ചു​ള്ള വി​ഷ​യ​ങ്ങ​ള്‍ എ​ന്നി​വ​യെ​ല്ലാം ത​ന്നെ ച​ര്‍ച്ച​യി​ല്‍ പ്ര​തി​പാ​ദി​ച്ചി​രു​ന്നു. തൊ​ഴി​ലു​റ​പ്പ് പ​ദ്ധ​തി കൂ​ടാ​തെ മ​റ്റ് വ​രു​മാ​നം ല​ഭി​ക്കു​ന്ന​തി​നു​ള്ള പ​ദ്ധ​തി​ക​ള്‍ ആ​വി​ഷ്‌​ക​രി​ക്കാ​നും സ്വ​യം തൊ​ഴി​ല്‍ അ​ഭ്യ​സി​പ്പി​ക്കാ​നും പ​രി​പാ​ടി​യി​ല്‍ ധാ​ര​ണ​യാ​യി.

വി​ദ്യാ​ഭ്യാ​സം മു​ട​ങ്ങി​യ കു​ട്ടി​ക​ളു​ടെ തു​ട​ര്‍ വി​ദ്യാ​ഭ്യാ​സ​ത്തി​നാ​യി ഹോ​സ്റ്റ​ലു​ക​ളി​ല്‍ പ്ര​വേ​ശി​പ്പി​ക്കു​ന്ന​തു​ള്‍പ്പെ​ടെ​യു​ള്ള ന​ട​പ​ടി​ക​ള്‍ക്കും യോ​ഗ​ത്തി​ല്‍ തീ​രു​മാ​നി​ച്ച് മോ​ഹ​ന വാ​ഗ്ദാ​ന​ങ്ങ​ൾ ന​ൽ​കി സം​ഘം മ​ട​ങ്ങി. എ​ന്നാ​ൽ, വ​ല്ല​തും ന​ട​ന്നോ​യെ​ന്നാ​രും തി​ര​ക്ക​രു​ത്. ആ​റു​പ​തി​റ്റാ​ണ്ട് പ​ഴ​ക്ക​മു​ള്ള, വ​ന​ത്തി​ലൂ​ടെ റോ​ഡ് നി​ര്‍മി​ക്കു​ന്ന​തി​നു​ള്ള സാ​ധ്യ​ത​ക​ള്‍ പ​രി​ശോ​ധി​ക്കു​ന്ന​തി​നാ​യി ബ​ന്ധ​പ്പെ​ട്ട​വ​രെ ചു​മ​ത​ല​പ്പെ​ടു​ത്തി​യ​താ​യി അ​ധി​കൃ​ത​ർ പ​റ​ഞ്ഞു.

റോ​ഡ് സൗ​ക​ര്യം ഇ​ല്ലാ​ത്ത​തി​നാ​ല്‍ ഭ​ക്ഷ​ണ​സാ​ധ​ന​ങ്ങ​ളും മ​റ്റും കോ​ള​നി​യി​ല്‍ എ​ത്തി​ക്കാ​ന്‍ വ​ന്‍തു​ക വാ​ഹ​ന കൂ​ലി​യാ​യി ന​ല്‍ക​ണ​മെ​ന്ന കാ​ര്യം സൂ​ചി​പ്പി​ച്ച​പ്പോ​ള്‍ ആ​ഴ്ച​യി​ല്‍ ഒ​രു​ദി​വ​സം മൊ​ബൈ​ല്‍ സ​പ്ലൈ​കോ കോ​ള​നി​യി​ല്‍ എ​ത്തി​ക്കു​ന്ന​തി​നു​ള്ള സൗ​ക​ര്യം ഒ​രു​ക്കാ​നും തീ​രു​മാ​നി​ച്ച് മ​ട​ങ്ങി​യ സം​ഘ​ത്തെ പി​ന്നാ​രും ക​ണ്ടി​ല്ല.

രാ​മ​ച്ചി​യി​ലേ​ക്ക് കേ​ള​ക​ത്തു​നി​ന്ന്​ ഓ​ട്ടോ​റി​ക്ഷ​യെ​ത്താ​ൻ നാ​നൂ​റി​ല​ധി​കം രൂ​പ കൊ​ടു​ക്ക​ണം. അ​ട​ക്കാ​ത്തോ​ട്ടി​ൽ നി​ന്നാ​ണെ​ങ്കി​ൽ 300 രൂ​പ​യും. ശാ​ന്തി​ഗി​രി വ​ഴി വാ​ഹ​ന​മെ​ത്ത​ണ​മെ​ങ്കി​ൽ രാ​മ​ച്ചി​ക്കാ​ർ ഭീ​മ​മാ​യ തു​ക ന​ൽ​ക​ണം.

എ​ന്നാ​ൽ, ക​രി​യം​കാ​പ്പ്-​രാ​മ​ച്ചി റോ​ഡ് ഗ​താ​ഗ​ത യോ​ഗ്യ​മാ​ക്കി​യാ​ൽ രാ​മ​ച്ചി​യി​ലെ ആ​ദി​വാ​സി​ക​ൾ ഉ​ൾ​പ്പെ​ടെ​യു​ള്ള കു​ടും​ബ​ങ്ങ​ൾ​ക്ക് വ​ലി​യ ആ​ശ്വാ​സ​മാ​കും. പ​ക്ഷെ നാ​ളി​തു​വ​രെ റോ​ഡു​മാ​ത്രം ന​ന്നാ​വു​ന്നി​ല്ല. രാ​മ​ച്ചി കോ​ള​നിവാ​സി​ക​ള​ട​ക്കം ഗ​താ​ഗ​ത​ദു​രി​തം അ​നു​ഭ​വി​ക്കാ​ൻ തു​ട​ങ്ങി​യി​ട്ട് വ​ർ​ഷ​ങ്ങ​ളാ​യി.

അ​ട​ക്കാ​ത്തോ​ട് ടൗ​ണി​ൽ​നി​ന്ന്​ നാ​ലു കി.​മീ​റ്റ​റോ​ളം ദൂ​രം മാ​ത്ര​മു​ള്ള കോ​ള​നി ഒ​റ്റ​പ്പെ​ട്ട നി​ല​യി​ൽ പു​റം​ലോ​ക​വു​മാ​യി ബ​ന്ധ​ങ്ങ​ളൊ​ന്നു​മി​ല്ലാ​തെ​യാ​ണ് ക​ഴി​യു​ന്ന​ത്. മ​ൺ​റോ​ഡു​ണ്ടെ​ങ്കി​ലും ദു​രി​ത​യാ​ത്ര​യേ സാ​ധ്യ​മാ​കൂ. ക​ല്ലു​ക​ൾ നി​റ​ഞ്ഞ വ​ഴി​യി​ൽ കൂ​ടി​യു​ള്ള യാ​ത്ര ദു​ഷ്ക​ര​മാ​ണ്.

ഒ​റ്റ​പ്പെ​ട്ടു​കി​ട​ക്കു​ന്ന ഈ ​പ്ര​ദേ​ശം കൊ​ട്ടി​യൂ​ർ, ആ​റ​ളം, ക​ർ​ണാ​ട​ക വ​ന​മേ​ഖ​ല​ക​ൾ​ക്ക് സ​മീ​പ​മാ​ണ് സ്ഥി​തി ചെ​യ്യു​ന്ന​ത്. കോ​ള​നി​യി​ലെ ദു​ര​വ​സ്ഥ കേ​ട്ട​റി​ഞ്ഞ് മാ​വോ​വാ​ദി​ക​ൾ കൂ​ടെ​ക്കൂ​ടെ ഇ​വി​ടെ എ​ത്തി മ​ട​ങ്ങു​ന്ന​ത് ര​ഹ​സ്യ​മ​ല്ല. ഇ​വി​ടേ​ക്ക് ദു​രി​ത ഗ​ർ​ത്ത​മാ​യ മ​ൺ​പാ​ത മാ​റ്റി ടാ​റി​ങ്​ ന​ട​ത്തി യാ​ത്രാ​സൗ​ക​ര്യം ഏ​ർ​പ്പെ​ടു​ത്തി​യാ​ൽ പ്ര​ദേ​ശ​ത്ത് ആ​ള​ന​ക്ക​മു​ണ്ടാ​വു​ക​യും മാ​വോ​വാ​ദി​ക​ളു​ടെ വ​ര​വ് ഒ​രു​പ​രി​ധി വ​രെ​യെ​ങ്കി​ലും നി​ല​ക്കു​മെ​ന്നു​മാ​ണ് നാ​ട്ടു​കാ​ർ പ​റ​യു​ന്ന​ത്.

ക​രി​യം​കാ​പ്പ് വ​ഴി രാ​മ​ച്ചി റോ​ഡ് ടാ​ർ ചെ​യ്യു​ന്ന​തി​നു​ള്ള പ്ര​ധാ​ന പ്ര​തി​സ​ന്ധി ഇ​ട​ക്കു​ള്ള വ​ന​മേ​ഖ​ല​യാ​ണ്. കൊ​ട്ടി​യൂ​ർ വ​ന​മേ​ഖ​ല​യി​ലെ റോ​ഡ്​ ടാ​ർ ചെ​യ്യു​ന്ന​തി​നു​ള്ള ത​ട​സ്സമാ​ണ് ടാ​റി​ങ് നീ​ണ്ടു​പോ​കു​ന്ന​തി​ന് കാ​ര​ണം. വ​നം ഒ​ഴി​ച്ചു​ള്ള ഭാ​ഗ​മെ​ങ്കി​ലും ടാ​ർ ചെ​യ്തു ന​ൽ​ക​ണ​മെ​ന്നാ​ണ് ജ​ന​ങ്ങ​ളു​ടെ ആ​വ​ശ്യം.

അ​വ​ഗ​ണ​ന​യു​ടെ കൈ​പ്പു​നീ​ർ മാ​ത്രം സ​ഹി​ക്കു​ന്ന കോ​ള​നിവാ​സി​ക​ൾ പ്ര​തി​ക​രി​ച്ച് തു​ട​ങ്ങി​യി​ട്ടു​ണ്ട്. പേ​രു​മാ​റ്റി ന​ഗ​റാ​ക്കി​യാ​ൽ നാ​ട് ന​ന്നാ​വി​ല്ലെ​ന്നു ന​ഗ​ർ നി​വാ​സി​ക​ളും ക​രു​തു​ന്നു. ലോ​ക്​​സ​ഭ തെ​ര​ഞ്ഞെ​ടു​പ്പി​ൽ വോ​ട്ടെ​ടു​പ്പി​ൽ​നി​ന്ന്​ വി​ട്ടു​നി​ന്നാ​ണ് രാ​മ​ച്ചി​ക്കാ​ർ ത​ങ്ങ​ളു​ടെ പ്ര​തി​ഷേ​ധം അ​റി​യി​ച്ച​ത്.

കോ​ള​നി, സ​ങ്കേ​തം, ഊ​ര് എ​ന്നി​ങ്ങ​നെ​യു​ള്ള പേ​രു​ക​ള്‍ മാ​റ്റി ന​ഗ​ര്‍, ഉ​ന്ന​തി, പ്ര​കൃ​തി എ​ന്നീ പേ​രു​ക​ളോ ഓ​രോ സ്ഥ​ല​ത്തും പ്രാ​ദേ​ശി​ക​മാ​യി താ​ല്‍പ​ര്യ​മു​ള്ള കാ​ലാ​നു​സൃ​ത​മാ​യ പേ​രു​ക​ളോ ന​ല്‍ക​ണ​മെ​ന്ന് ആ​ഴ്ച​ക​ൾ​ക്ക് മു​മ്പ് സ​ർ​ക്കാ​ർ ഉ​ത്ത​ര​വ് വ​ന്നി​രു​ന്നു.

കോ​ള​നി തു​ട​ങ്ങി​യ പേ​രു​ക​ളി​ല്‍ അ​ഭി​സം​ബോ​ധ​ന ചെ​യ്യു​ന്ന​ത് അ​വ​മ​തി​പ്പി​നു കാ​ര​ണ​മാ​കു​ന്ന​ത് ശ്ര​ദ്ധ​യി​ല്‍പ്പെ​ട്ട​തി​നെ​ത്തു​ട​ര്‍ന്ന് ഇ​വ​ക്ക് പ​ക​രം കാ​ലാ​നു​സൃ​ത​മാ​യി നാ​മ​ക​ര​ണം ന​ട​ത്തു​ന്ന​താ​ണ് ഉ​ചി​ത​മെ​ന്നാ​യി​രു​ന്നു പ​ട്ടി​ക​ജാ​തി വി​ക​സ​ന വ​കു​പ്പ് മു​ൻ മ​ന്ത്രി കെ. ​രാ​ധാ​കൃ​ഷ്ണ​ൻ ഉ​ത്ത​ര​വ് ന​ൽ​കി​യ​ത്.

എ​ന്നാ​ൽ, ഇ​തി​ലൊ​ന്നും മ​ല​യോ​ര മേ​ഖ​ല​യി​ലെ ആ​ദി​വാ​സി സ​മൂ​ഹ​ത്തി​ന് വി​യോ​ജി​പ്പി​ല്ല. പ​ക​രം പേ​ര് മാ​റ്റി ന​ഗ​റാ​ക്കാ​തെ അ​ർ​ഥ​ത​ല​ത്തി​ൽ ന​ട​പ​ടി​യാ​ണു​ണ്ടാ​വേ​ണ്ട​ത്. ക​ടു​വ​യും പു​ലി​യും കാ​ട്ടു​പ​ന്നി​ക​ളും കാ​ട്ടാ​ന​ക​ളും വ​ട്ട​മി​ടു​ന്ന പ്ര​ദേ​ശ​ത്തെ മ​നു​ഷ്യ​ജീ​വി​ത​ങ്ങ​ളു​ടെ സു​ര​ക്ഷ​യും ഇ​പ്പോ​ൾ ആ​ശ​ങ്ക​യു​ടെ നി​ഴ​ലി​ലാ​ണ്.