അനന്തപുരി എക്സ്​പ്രസിൽ നേരിയ തീപിടിത്തം; വൻ അപകടം ഒഴിവായി

കൊല്ലം: ചെന്നൈ എഗ്​മോർ- കൊല്ലം അനന്തപുരി എക്സ്​പ്രസിൽ നേരിയ തീപിടിത്തം. െട്രയിൻ തിങ്കളാഴ്ച പകൽ 1.30ന് കൊല്ലം റെയിൽവേ സ്​റ്റേഷനിൽ എത്തിയപ്പോഴായിരുന്നു സംഭവം. ലോക്കോ പൈലറ്റി​​െൻറയും അഗ്​നിശമന സേനയുടെയും സംയോജിത ഇടപെടലിൽ വൻ ദുന്തം ഒഴിവായി.

എൻജിനുള്ളിലെ ഇലക്ട്രിക്കൽ േബ്രക്കിങ് ഉപകരണമായ ട്രാൻസ്​ഫോർമറിലുണ്ടായ ഷോർട്ട് സർക്യൂട്ടാണ് തീപിടിക്കാൻ കാരണമായതെന്നാണ് റെയിൽവേ അധികൃതരുടെ പ്രാഥമിക നിഗമനം. നിറയെ യാത്രക്കാരുമായി െട്രയിൻ മൂന്നാം നമ്പർ പ്ലാറ്റ്ഫോമിലേക്ക് പ്രവേശിക്കവെ എൻജിനിൽനിന്ന് പുക ഉയരുകയായിരുന്നു. ഇത്​ ശ്രദ്ധയിൽപെട്ട ലോക്കോപൈലറ്റ് എൻ. ശ്രീനിവാസൻ ഉടൻതന്നെ െട്രയിൻ നിർത്തി.

അതോടെ യാത്രക്കാർ മുഴുവൻ പുറത്തിറങ്ങി. അപ്പോഴേക്കും ചെറിയ രീതിയിൽ തീ പിടിക്കാനും തുടങ്ങിയിരുന്നു. തുടർന്ന്​, ലോക്കോ പൈലറ്റും അസിസ്​റ്റൻറ് ലോക്കോ പൈലറ്റ് നിതിൻരാജും ചേർന്ന് തീ പടരുന്നത് തടഞ്ഞു. പിന്നാലെ കടപ്പാക്കടയിൽനിന്ന് കുതിച്ചെത്തിയ അഗ്​നിശമന സേനാംഗങ്ങൾ തീ പൂർണമായി അണച്ചു. മറ്റൊരു എൻജിൻ ഘടിപ്പിച്ച് ഉച്ചക്ക്​ രണ്ടോടെ െട്രയിൻ പ്ലാറ്റ്ഫോമിലെത്തിച്ചു. സംഭവത്തെ തുടർന്ന് തിരുവനന്തപുത്തുനിന്ന് കൊല്ലം ഭാഗത്തേക്കുള്ള െട്രയിനുകൾ വിവിധ സ്​റ്റേഷനുകളിൽ നിർത്തിയിട്ടു.