ഇ.എം.സി.സി പ്രതിനിധികളുമായി ഫിഷറീസ്​ മന്ത്രി ചർച്ച നടത്തുന്ന ചിത്രങ്ങൾ പുറത്തുവിട്ട്​ ചെന്നിത്തല

കൊല്ലം: ഫിഷറീസ്​ മന്ത്രി ജെ.മേഴ്​സിക്കുട്ടിയമ്മക്കെതിരെ കൂടുതൽ തെളിവുകൾ പുറത്ത്​ വിട്ട്​ പ്രതിപക്ഷ നേതാവ്​ രമേശ്​ ചെന്നിത്തല. അഴിമതി ആരോപണങ്ങളിൽ ഉറച്ചു നിൽക്കുകയാണെന്നും ചെന്നിത്തല പറഞ്ഞു. ഇ.എം.സി.സി ഇന്‍റർനാഷണൽ (ഇന്ത്യ) പ്രൈവറ്റ്​ ലിമിറ്റിഡ്​ കമ്പനി പ്രതിനിധികളുമായി മന്ത്രി ചർച്ച നടത്തുന്ന ചിത്രങ്ങളാണ്​ പ്രതിപക്ഷ നേതാവ്​ പുറത്തുവിട്ടത്​. പരിസ്ഥിതി മേഖലയിലടക്കം പ്രവർത്തിക്കുന്ന കമ്പനിയാണ്​ യു.എസ്​ കേന്ദ്രമാക്കി പ്രവർത്തിക്കുന്ന ഇ.എം.സി.സി ഗ്രൂപ്പ്​. ഇവർക്ക്​ കേരളത്തിൽ മത്സ്യബന്ധനത്തിന്​ അനുമതി നൽകുന്ന കരാറിൽ ഒപ്പിട്ടിട്ടുണ്ടെന്നാണ്​ പ്രതിപക്ഷത്തിന്‍റെ ആരോപണം.

ഇ.എം.സി.സി പ്രതിനിധികളുമായി ചർച്ച നടത്തിയിട്ടില്ലെന്ന മന്ത്രിയുടെ വാദം പച്ചക്കള്ളമാണ്​. ഫിഷറീസ്​ വകുപ്പ്​ ഉദ്യോഗസ്ഥരും ചർച്ചയിൽ മന്ത്രിക്കൊപ്പം ഉണ്ടായിരുന്നു. കേരളത്തിലെ അമുല്യമായ മത്സ്യസമ്പത്ത്​ അമേരിക്കൻ കമ്പനിക്ക്​ തീറെഴുതാനുള്ള നീക്കമാണ്​ നടന്നതെന്നും പ്രതിപക്ഷ നേതാവ്​ പറഞ്ഞു.

കമ്പനി വ്യവസായമന്ത്രിക്ക്​ നൽകിയ കത്തിൽ ഫിഷറീസ്​ മന്ത്രിയുമായി ചർച്ച നടത്തിയ കാര്യം പറയുന്നുണ്ട്​. ന്യൂയോർക്കിൽ വെച്ച്​ മന്ത്രിയുമായി നടത്തിയ ചർച്ചയുടെ കാര്യവും കത്തിൽ വ്യക്​തമാക്കുന്നുണ്ട്​. ഇടപാടിൽ സംശയത്തിന്‍റെ മുന നീളുന്നത്​ മുഖ്യമന്ത്രിയിലേക്കാണെന്നും ചെന്നിത്തല വ്യക്​തമാക്കി.

400 ആ​ഴ​ക്ക​ട​ൽ യാ​ന​ങ്ങ​ൾ നി​ർ​മി​ക്കാ​നാ​ണ് സർക്കാർ​ ക​രാ​റുണ്ടക്കുന്നത്​. ബോ​ട്ടു​ക​ളും മ​ദ​ർ വെ​സ്സ​ലു​ക​ളും അ​ടു​പ്പി​ക്കാ​ൻ പു​തി​യ ഹാ​ർ​ബ​റു​ക​ൾ, പു​തി​യ സം​സ്​​ക​ര​ണ ശാ​ല​ക​ൾ, 200 ചി​ല്ല​റ മ​ത്സ്യ വി​പ​ണ​ന കേ​​ന്ദ്ര​ങ്ങ​ൾ, മ​ത്സ്യ ക​യ​റ്റു​മ​തി സം​വി​ധാ​നം എ​ന്നി​വ​യും ക​രാ​റി​ൽ​പ്പെ​ടു​ന്നു. സ്​​ഥാ​പ​ന​ങ്ങ​ളു​ടെ ഉ​ട​മ​സ്​​ഥാ​വ​കാ​ശം 20-25 വ​ർ​ഷം വ​രെ അ​മേ​രി​ക്ക​ൻ ക​മ്പ​നി​ക്കാ​ണ്. പി​ന്നീ​ട്​ കേ​ര​ള​ത്തി​ന്​ കൈ​മാ​റു​മെ​ന്നാ​ണ്​ വ്യ​വ​സ്​​ഥ.