ചേറ്റുവ ഹാർബറും ബീച്ചുകളും അടച്ചിടും

തൃശൂർ: ഏങ്ങണ്ടിയൂർ ഗ്രാമപഞ്ചായത്ത് പരിധിയിലെ ചേറ്റുവ ഹാർബറും എത്തായി മുതൽ നമ്പിക്കടവ് വരെ എല്ലാ ബീച്ചുകളും ഇനിയൊരു ഉത്തരവ് ഉണ്ടാകുന്നതുവരെ അടച്ചിടുന്നതിനും പൊതുജന സഞ്ചാരം നിയന്ത്രിക്കുന്നതിനും ജില്ല കലക്ടര്‍ ഉത്തരവിട്ടു. ഈ മേഖലയിൽ അവശ്യ സേവനങ്ങൾക്കും ചികിത്സയ്ക്കുമായല്ലാതെ പൊതുനിരത്തുകളിലെ യാത്രകൾ അനുവദനീയമല്ല.

ചേറ്റുവ ഹാർബറിലും എത്തായി - നമ്പിക്കടവ് വരെയുള്ള തീരപ്രദേശത്തും ജനങ്ങൾ ഒത്തുകൂടി രോഗവ്യാപന സാധ്യത വർധിപ്പിച്ച് സാഹചര്യത്തിലാണിത്.

നിയമം ലംഘിക്കുന്നവർക്കെതിരെ ദുരന്തനിവാരണ നിയമം 2005, പകർച്ചവ്യാധി നിയന്ത്രണ ഭേദഗതി നിയമം എന്നിവ പ്രകാരം ശിക്ഷാനടപടി സ്വീകരിക്കും.