സംസ്​ഥാനത്ത്​ പുതിയ ഹോട്ട്​സ്​പോട്ടുകൾ

തിരുവനന്തപുരം: കാസർകോട്​ ജില്ലയിൽ കോവിഡ്​ നിയന്ത്രണങ്ങൾക്ക്​ നേതൃത്വം വഹിക്കുന്ന കലക്​ടർ ഡി. സജിത്​ ബാബു, ഐ.ജിമാരായ അശോക്​ യാദവ്​, വിജയ്​ സാക്കറെ എന്നിവർ ക്വാറൻറീനിൽ പ്രവേശിച്ചു. ജില്ലയിൽ കോവിഡ്​ ബാധിച്ച ദ​ൃശ്യമാധ ്യമപ്രവർത്തകനുമായി സമ്പർക്കം പുലർത്തിയതുകൊണ്ടാണ്​ ഇവർ ക്വറൻറീനിൽ പ്രവേശിച്ചത്​. കാസർകോട് ജില്ല കലക്ടർ ഡോ. ഡി. സജിത്ബാബുവി​​െൻറ സ്രവ പരിശോധനാ ഫലം നെഗറ്റീവാണ്​.

തിരുവനന്തപുരം ജില്ലയിലെ നെയ്യാറ്റിൻകര മുനിസിപ്പാലിറ്റിയെ ഹോട്ട്​സ്​പോട്ട്​ പട്ടികയിൽ ഉൾപ്പെടുത്തി. കൊല്ലത്തെ ഓച്ചിറ, തൃക്കോവിൽവട്ടം പഞ്ചായത്തുകളും കോട്ടയത്തെ ഉദയനാപുരവും പുതുതായി ഹോട്ട്​സ്​പോട്ടിൽ ഉൾപ്പെടുത്തി. 70 പ്രദേശങ്ങളാണ്​ ഹോട്ട്​സ്​പോട്ട്​ പട്ടികയിലുള്ളത്​.

കണ്ണൂർ ജില്ലയിൽ സ്​പെഷൽ ട്രാക്കിങ്​ ടീം പ്രവർത്തിക്കുന്നുണ്ട്​. ഓരോ 20 വീടുകളുടെയും ചുമതല രണ്ടു​പൊലീസ്​ ഉദ്യോഗസ്​ഥരടങ്ങുന്ന ഈ ടീമിന്​ നൽകിയിട്ടുണ്ട്​. ശാസ്​ത്രീയ വിവര ശേഖരണ രീതി ഉപയോഗിച്ച്​ ആളുകളുടെ സമ്പർക്കം കണ്ടെത്തും. വിദേശത്തുനിന്നും മടങ്ങിയെത്തിയ ആളുകളുടെ നിരീക്ഷണ കാലാവധി കഴിഞ്ഞു. ഇവരെ പരിശോധനക്ക്​ വിധേയമാക്കണമെന്നുണ്ടെങ്കിൽ അക്കാര്യം ആലോചിക്കുന്നുണ്ടെന്നും മുഖ്യമന്ത്രി പറഞ്ഞു.

പുതിയ കേസുകൾ റിപ്പോർട്ട്​ ചെയ്​ത സാഹചര്യത്തിൽ കോട്ടയം, ഇടുക്കി, കൊല്ലം, തിരുവനന്തപുരം ജില്ലകളിൽ നിയന്ത്രണങ്ങൾ കൂടുതൽ കർശനമാക്കി. ജില്ല ദുരന്തനിവാരണ അതോറിറ്റിയുമായി ചർച്ചചെയ്​ത്​ കാര്യങ്ങൾ തീരുമാനിക്കാൻ പൊലീസുകാർക്ക്​ നിർദേശം നൽകിയതായും മുഖ്യമന്ത്രി അറിയിച്ചു.