കാഫിർ: യഥാർഥ കാര്യങ്ങൾ പുറത്തുവരുമെന്ന്​ മുഖ്യമന്ത്രി

തിരുവനന്തപുരം: കാഫിർ സ്ക്രീൻഷോട്ട് വിവാദത്തിൽ യഥാർഥ കാര്യങ്ങൾ പുറത്തുവരുമെന്ന്​ മുഖ്യമന്ത്രി പിണറായി വിജയൻ. സ്‌ക്രീൻഷോട്ട് ആദ്യം പങ്കുവെച്ചത് ഡി.വൈ.എഫ്.ഐ നേതാവ് റിബേഷാണെന്ന പൊലീസ് റിപ്പോർട്ട് ചൂണ്ടിക്കാട്ടിയ​പ്പോഴാണ്​ വാർത്തസമ്മേളനത്തിൽ മുഖ്യമന്ത്രിയുടെ ​പ്രതികരണം.

ഇക്കാര്യത്തിൽ പറയാനുള്ളത്​ നേ​രത്തേ പറഞ്ഞതാണെന്ന്​ അദ്ദേഹം വിശദീകരിച്ചു. ‘പൊലീസ്​ കൃത്യമായി അന്വേഷിക്കുന്നുണ്ട്​. അന്വേഷണ റിപ്പോർട്ടിന്‍റെ ഭാഗമായ​ വിവരങ്ങളാണ്​ പുറത്തുവന്നത്​. അതുമായി ബന്ധപ്പെട്ട അന്വേഷണം നടക്കുന്നുണ്ട്​. ഒരു സംശയവും വേണ്ട, എന്താണോ യഥാർഥ കാര്യങ്ങൾ അത്​ പുറത്തുകൊണ്ടുവരും’ -മുഖ്യമന്ത്രി കൂട്ടിച്ചേർത്തു.

കാഫിർ സ്ക്രീൻഷോട്ട് വിവാദത്തിൽ റിബേഷിനെ പിന്തുണച്ച് ഡി.വൈ.എഫ്.ഐ ​രംഗത്തുവന്നിരുന്നു. സ്ക്രീൻഷോട്ടിന് പിന്നിൽ യു.ഡി.എഫാണെന്ന ആരോപണം സി.പി.എം സംസ്ഥാന സെക്രട്ടറി എം.വി. ഗോവിന്ദനും ആരോപിച്ചു. ഇതിന്​ പിന്നാലെയാണ്​ അന്വേഷണ പുരോഗതി സംബന്ധിച്ച മുഖ്യമന്ത്രിയുടെ പരാമർശം. വ​ട​ക​ര ലോ​ക്സ​ഭ മ​ണ്ഡ​ല​ത്തി​ൽ തെ​ര​ഞ്ഞെ​ടു​പ്പ്​ ​കാ​ല​ത്ത് പ്ര​ച​രി​ച്ച ‘കാ​ഫി​ർ’ സ്‌​ക്രീ​ൻ ഷോ​ട്ടി​ന്‍റെ ഉറവിടം സംബന്ധിച്ച് പൊലീസ് ഹൈകോടതിയിൽ റിപ്പോർട്ട് നൽകുകയായിരുന്നു. വിവാദ ‘കാ​ഫി​ർ’ സ്‌​ക്രീ​ൻ ഷോ​ട്ടി​ന്‍റെ ഉ​റ​വി​ടം റെ​ഡ് ബ​റ്റാ​ലി​യ​ൻ, റെ​ഡ് എ​ൻ​കൗ​ണ്ടേ​ഴ്സ് എ​ന്നീ ​വാ​ട്‌​സ്​​ആ​പ് ഗ്രൂ​പ്പു​ക​ളെ​ന്നാണ്​ റി​പ്പോ​ർ​ട്ടിൽ പൊ​ലീ​സ്​ പറയുന്നത്.