മകളെ പീഡിപ്പിച്ച കേസിലെ പ്രതി സബ്ജയിലിൽ ജനനേന്ദ്രിയം മുറിച്ചുമാറ്റി

പീ​രു​മേ​ട്‌: മ​ക​ളെ പീ​ഡി​പ്പി​ച്ച കേ​സി​ൽ സ​ബ്ജ​യി​ലി​ൽ റി​മാ​ൻ​ഡി​ൽ ക​ഴി​യു​ന്ന പ്ര​തി ജ​ന​നേ​ന്ദ്രി​യം സ്വ​യം മു​റി​ച്ചു​മാ​റ്റി. ഇ​യാ​ളെ മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു. ത​ട​വു​മു​റി​യി​ൽ വേ​ദ​ന​യി​ൽ അ​ല​റി​ക്ക​ര​യു​ക​യും ര​ക്ത​പ്ര​വാ​ഹം ഉ​ണ്ടാ​യ​ത് സ​ഹ​ത​ട​വു​കാ​രു​ടെ ശ്ര​ദ്ധ​യി​ൽ​പെ​ടു​ക​യു​മാ​യി​രു​ന്നു. ജ​യി​ൽ ജീ​വ​ന​ക്കാ​ർ പീ​രു​മേ​ട് താ​ലൂ​ക്ക് ആ​ശു​പ​ത്രി​യി​ലും തു​ട​ർ​ന്ന് കോ​ട്ട​യം മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ലും എ​ത്തി​ച്ചു. അ​ടി​യ​ന്ത​ര ശ​സ്ത്ര​ക്രി​യ​ക്ക് വി​ധേ​യ​നാ​ക്കി. അ​പ​ക​ട​നി​ല ത​ര​ണം​ചെ​യ്ത​താ​യി ഡോ​ക്ട​ർ​മാ​ർ പ​റ​ഞ്ഞു.

ചൊ​വ്വാ​ഴ്ച ത​ട​വു​കാ​ർ​ക്ക് ഷേ​വി​ങ്​ ദി​വ​സ​മാ​ണ്. ഷേ​വ് ചെ​യ്യാ​ൻ കൊ​ടു​ത്ത ബ്ലേ​ഡ് ഉ​പ​യോ​ഗി​ച്ചാ​ണ് മു​റി​ച്ചു​മാ​റ്റി​യ​തെ​ന്നാ​ണ്​ ജ​യി​ൽ അ​ധി​കൃ​ത​രു​ടെ വി​ശ​ദീ​ക​ര​ണം. നാ​ലു​മാ​സം മു​മ്പാ​ണ് അ​റ​സ്​​റ്റി​ലാ​യി ജ​യി​ലി​ലെ​ത്തി​യ​ത്. ഇ​യാ​ൾ​ക്ക് കോ​ട​തി ജാ​മ്യം അ​നു​വ​ദി​ച്ചെ​ങ്കി​ലും ജാ​മ്യ​ക്കാ​ർ ഹാ​ജ​രാ​കാ​ത്ത​തി​നാ​ൽ റി​മാ​ൻ​ഡി​ൽ ക​ഴി​യു​ക​യാ​യി​രു​ന്നു.