കുട്ടികളുടെ ഓൺലൈൻ ഉപയോഗത്തിന്​ ബാലാവകാശ കമീഷൻ മാർഗരേഖ

തിരുവനന്തപുരം: കുട്ടികൾക്കും രക്ഷാകർത്താക്കൾക്കും അധ്യാപകർക്കും സമൂഹത്തിനും ഓൺലൈൻ മാധ്യമങ്ങൾ ഉപയോഗിക്കുന്നതിന്​ പ്രത്യേക മാർഗരേഖ തയാറാക്കാൻ ബാലാവകാശ കമീഷൻ. ഒാൺലൈൻ ഗെയിമുകൾ, സമൂഹമാധ്യമങ്ങളുടെ ദുരുപയോഗം, കുട്ടികളുടെ ഇടയിൽ കാണുന്ന ഇതര സൈബർ കുറ്റകൃത്യങ്ങൾ എന്നിവ തടയുകയാണ്​ ലക്ഷ്യം.

നിലവിലെ സംവിധാനങ്ങളുടെ അടിസ്ഥാനത്തിൽ സൈബർ മേഖലയിൽ കുട്ടികൾക്കായി നടത്തുന്ന വകുപ്പുതല ക്രോഡീകരണം ആവശ്യമാണെന്ന് കമീഷന് ബോധ്യപ്പെട്ടു. വിവിധതലങ്ങളിൽ ബോധവത്കരണ പരിപാടികൾ സംഘടിപ്പിക്കാൻ വകുപ്പുകളോട് കമീഷൻ ആവശ്യപ്പെട്ടു. കുട്ടികളുടെ ഒാൺലൈൻ പഠനം വ്യാപകമായി ദുരുപയോഗം ചെയ്യുന്നതായാണ്​ കമീഷ​െൻറ നേതൃ​ത്വത്തിൽ നടന്ന യോഗത്തി​െൻറ വിലയിരുത്തൽ.

ബാലാവകാശ സംരക്ഷണ കമീഷൻ അംഗം സി. വിജയകുമാറി​െൻറ അധ്യക്ഷതയിൽ കൂടിയ പരിപാടി ചെയർപേഴ്സൺ കെ.വി. മനോജ്കുമാർ ഉദ്​ഘാടനം ചെയ്​തു. കമീഷൻ അംഗങ്ങളായ കെ. നസീർ, ശ്യാമളാദേവി പി.പി, ഫാ. ഫിലിപ്പ് പരക്കാട്ട് പി.വി, ബബിത ബി. എന്നിവർ പ​െങ്കടുത്തു.