സഹോദരിമാരുടെ മക്കൾ പാറക്കുളത്തിൽ വീണുമരിച്ചു

ച​ങ്ങ​നാ​ശ്ശേ​രി: സ​ഹോ​ദ​രി​മാ​രു​ടെ മ​ക്ക​ൾ പാ​റ​ക്കു​ള​ത്തി​ൽ വീ​ണു​മ​രി​ച്ചു. തൃ​ക്കൊ​ടി​ത്താ​നം ചെ​മ്പും​പു​റം പാ​റ​ക്കു​ള​ത്തി​ലാ​ണ് സംഭവം. മാ​ട​പ്പ​ള്ളി അ​ഴ​കാ​ത്തു​പ​ടി പ​ന്നി​ക്കൊ​മ്പ് പു​തു​പ്പ​റ​മ്പ് വീ​ട്ടി​ൽ പ​രേ​ത​നാ​യ അ​നീ​ഷ്-​ആ​ശ ദ​മ്പ​തി​ക​ളു​ടെ മ​ക​ൻ ആ​ദ​ർ​ശ് (15), ആ​ശ​യു​ടെ സ​ഹോ​ദ​രി മാ​ങ്ങാ​നം മാ​ധ​വ​ശ്ശ​രി ആ​ലീ​സി​ന്‍റെ മ​ക​ൻ അ​ഭി​ന​വ് (11) എ​ന്നി​വ​രാണ് മ​രി​ച്ച​ത്.

പി​താ​വി​ന്‍റെ മ​ര​ണ​ശേ​ഷം കു​റി​ച്ചി​യി​ൽ അ​മ്മ​ക്കൊ​പ്പം താ​മ​സി​ക്കു​ക​യാ​യി​രു​ന്ന ആ​ദ​ർ​ശ് അ​ഭി​ന​വു​മൊ​ത്ത് നാ​ലു​ദി​വ​സം മു​മ്പാ​ണ് അ​ഴ​കാ​ത്തു​പ​ടി​യി​ലു​ള്ള വ​ല്യ​ച്ഛ​ൻ പാ​പ്പ​ന്‍റെ​യും വ​ല്യ​മ്മ അ​മ്മി​ണി​യു​ടെ​യും അ​ടു​ത്തെ​ത്തി​യ​ത്. ആ​ദ​ർ​ശി​ന് പ​നി ആ​യി​രു​ന്ന​തി​നാ​ൽ നാ​ലു​ദി​വ​സ​മാ​യി സ്കൂ​ളി​ൽ പോ​യി​രു​ന്നി​ല്ല. ശ​നി​യാ​ഴ്ച ഉ​ച്ച​ക്ക്​ 12 ഓ​ടെ​യാ​ണ്​ ആ​ദ​ർ​ശും അ​ഭി​ന​വും അ​ട​ങ്ങു​ന്ന നാ​ലം​ഗ സം​ഘം ചെ​മ്പും​പു​റ​ത്തെ സ്വ​കാ​ര്യ വ്യ​ക്തി​യു​ടെ പാ​റ​ക്കു​ള​ത്തി​നു​സ​മീ​പം എ​ത്തി​യ​ത്. മീ​ൻ നോ​ക്കു​ന്ന​തി​നി​ടെ അ​ഭി​ന​വ് കാ​ൽ​വ​ഴു​തി പാ​റ​ക്കു​ള​ത്തി​ൽ വീ​ണു. അ​ഭി​ന​വി​നെ ര​ക്ഷി​ക്കാ​നാ​ണ് ആ​ദ​ർ​ശ് കു​ള​ത്തി​ലേ​ക്ക് ചാ​ടി​യ​ത്.

ഇ​രു​വ​രും മു​ങ്ങി​ത്താ​ഴു​ന്ന​തു​ക​ണ്ട് കൂ​ടെ​യു​ള്ള മ​റ്റ്​ കു​ട്ടി​ക​ൾ നി​ല​വി​ളി​ച്ചു. ഇ​തു​കേ​ട്ട് സ​മീ​പ​വാ​സി​ക​ൾ ഓ​ടി​യെ​ത്തി. തൃ​ക്കൊ​ടി​ത്താ​നം പൊ​ലീ​സി​ലും ച​ങ്ങ​നാ​ശ്ശേ​രി ഫ​യ​ർ​ഫോ​ഴ്സി​ലും വി​വ​ര​മ​റി​യി​ച്ചു. അ​ഗ്​​നി​ര​ക്ഷാ​സേ​ന എ​ത്തി​യാ​ണ് ഇ​രു​വ​രെ​യും പു​റ​ത്തെ​ടു​ത്ത​ത്. ആ​ദ​ർ​ശ് കു​റു​മ്പ​നാ​ടം സെൻറ് പീ​റ്റേ​ഴ്സ് ഹ​യ​ർ സെ​ക്ക​ൻ​ഡ​റി സ്കൂ​ൾ പ​ത്താം ക്ലാ​സ് വി​ദ്യാ​ർ​ഥി​യാ​ണ്. അ​ഭി​ന​വ് മാ​ങ്ങാ​നം ഹോ​ളി ഫാ​മി​ലി സ്കൂ​ൾ ആ​റാം ക്ലാ​സ് വി​ദ്യാ​ർ​ഥി​യും.

മൃ​ത​ദേ​ഹ​ങ്ങ​ൾ കോ​ട്ട​യം മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ പോ​സ്റ്റ്​​മോ​ർ​ട്ട​ത്തി​നു​ശേ​ഷം ബ​ന്ധു​ക്ക​ൾ​ക്ക് വി​ട്ടു​ന​ൽ​കി. ആ​ദ​ർ​ശി​ന്‍റെ മൃ​ത​ദേ​ഹം കു​റി​ച്ചി​യി​ലെ വീ​ട്ടി​ൽ പൊ​തു​ദ​ർ​ശ​ന​ത്തി​നു​ശേ​ഷം അ​ഴ​കാ​ത്തു​പ​ടി​യി​ലെ വീ​ട്ടി​ലെ​ത്തി​ച്ചു. സം​സ്കാ​രം ഞാ​യ​റാ​ഴ്ച ന​ട​ക്കും. അ​ഭി​ന​വി​ന്‍റെ മൃ​ത​ദേ​ഹം മ​ന്ദി​രം ആ​ശു​പ​ത്രി മോ​ർ​ച്ച​റി​യി​ൽ സൂ​ക്ഷി​ച്ചി​രി​ക്കു​ക​യാ​ണ്. സം​സ്കാ​രം തി​ങ്ക​ളാ​ഴ്ച ന​ട​ക്കും.