ന്യൂനപക്ഷക്ഷേമം മുഖ്യമന്ത്രി ഏറ്റെടുത്തതിനെ സ്വാഗ​തം ചെയ്​ത്​ ക്രിസ്​ത്യൻ സംഘടനകൾ

കൊ​ച്ചി: ന്യൂ​ന​പ​ക്ഷ ക്ഷേ​മ വ​കു​പ്പ് മു​ഖ്യ​മ​ന്ത്രി ഏ​റ്റെ​ടു​ത്ത​്​ ക്രിസ്​ത്യൻ സംഘടനകൾ. പൊ​തു​സ​മൂ​ഹ​ം ഏ​റെ ച​ര്‍ച്ച ചെ​യ്​തതും ന്യൂ​ന​പ​ക്ഷങ്ങ​ള്‍ നി​ര​ന്ത​ര​ം ആ​വ​ശ്യ​പ്പെ​ട്ട​തു​മാ​യ കാ​ര്യ​മാ​ണ് ഇ​തെ​ന്ന്​ കെ.​സി.​ബി.​സി വ​ക്താ​വ് ഫാ. ​ജേ​ക്ക​ബ് ജി. ​പാ​ല​യ്ക്കാ​പ്പി​ള്ളി പ​റ​ഞ്ഞു. പൊ​തു​വി​കാ​രം മാ​നി​ച്ച് ഉ​ചി​ത തീ​രു​മാ​ന​മെ​ടു​ത്ത മു​ഖ്യ​മ​ന്ത്രി​ക്ക്​ ന​ന്ദി അ​റി​യി​ക്കു​ന്ന​താ​യും അ​ദ്ദേ​ഹം കൂ​ട്ടി​ച്ചേ​ർ​ത്തു.

സ്വാഗതം ചെയ്​ത്​ സി.​ബി.​സി.​​െഎ

കോ​ട്ട​യം: ന്യൂ​ന​പ​ക്ഷ​ക്ഷേ​മ വ​കു​പ്പ് മു​ഖ്യ​മ​ന്ത്രി ഏ​റ്റെ​ടു​ത്ത​ത് ഉ​ചി​ത തീ​രു​മാ​ന​മെ​ന്ന് സി.​ബി.​സി.​ഐ ലെ​യ്​​റ്റി കൗ​ണ്‍സി​ല്‍ സെ​ക്ര​ട്ട​റി വി.​സി. സെ​ബാ​സ്​​റ്റ്യ​ന്‍.

എ​ല്ലാ മ​ത​ന്യൂ​ന​പ​ക്ഷ വി​ഭാ​ഗ​ങ്ങ​ള്‍ക്കും ക്ഷേ​മ​പ​ദ്ധ​തി​ക​ളി​ല്‍ തു​ല്യ​നീ​തി ന​ട​പ്പാ​ക്ക​ണം. ഇ​ക്കാ​ര്യ​ത്തി​ല്‍ ക്രൈ​സ്​​ത​വ​ർ ക​ടു​ത്ത വി​വേ​ച​ന​മാ​ണ്​ ഇ​ക്കാ​ല​മ​ത്ര​യും അ​നു​ഭ​വി​ച്ച​ത്. പി​ന്നാ​ക്കാ​വ​സ്ഥ മാ​ത്ര​മാ​യി​രി​ക്ക​രു​ത് ക്ഷേ​മ​പ​ദ്ധ​തി​ക​ളു​ടെ മാ​ന​ദ​ണ്ഡം. ജ​ന​സം​ഖ്യ കു​റ​ഞ്ഞു​കൊ​ണ്ടി​രി​ക്കു​ന്ന മ​ത​ന്യൂ​ന​പ​ക്ഷ വി​ഭാ​ഗ​ങ്ങ​ളെ​യാ​ണ് ക്ഷേ​മ​പ​ദ്ധ​തി ന​ട​പ്പാ​ക്കി സ​ര്‍ക്കാ​റു​ക​ള്‍ സം​ര​ക്ഷി​ക്കേ​ണ്ട​തെ​ന്നും സെ​ബാ​സ്​​റ്റ്യ​ന്‍ പ​റ​ഞ്ഞു.

സ്വാഗതാർഹം –വി.വി. അഗസ്​റ്റിൻ

കൊ​ച്ചി: ന്യൂ​ന​പ​ക്ഷ ക്ഷേ​മ, പ്ര​വാ​സി​കാ​ര്യ വ​കു​പ്പു​ക​ൾ മു​ഖ്യ​മ​ന്ത്രി ഏ​റ്റെ​ടു​ത്ത​ത് സ്വാ​ഗ​തം ചെ​യ്യു​െ​ന്ന​ന്ന് കേ​ന്ദ്ര ന്യൂ​ന​പ​ക്ഷ ക​മീ​ഷ​ൻ മു​ൻ അം​ഗം വി.​വി. അ​ഗ​സ്​​റ്റി​ൻ. ഏ​റെ​ക്കാ​ല​മാ​യി ക്രൈ​സ്‌​ത​വ ന്യൂ​ന​പ​ക്ഷ​ത്തി​ന് പ​രാ​തി​യു​ണ്ടാ​യി​രു​ന്ന വ​കു​പ്പാണിത്​.

ന്യൂ​ന​പ​ക്ഷ​ത്തി​ലെ ഭൂ​രി​പ​ക്ഷ​ത്തി​ന് ജ​ന​സം​ഖ്യാ​നു​പാ​തി​ക​മ​ല്ലാ​ത്ത 80 ശ​ത​മാ​നം ആ​നു​കൂ​ല്യ​ം ല​ഭി​ച്ചു​കൊ​ണ്ടി​രു​ന്നി​ട്ട് കാ​ല​മേ​റെ​യാ​യി.

മു​ഖ്യ​മ​ന്ത്രി നേ​രി​ട്ട് ന്യൂ​ന​പ​ക്ഷ​ക്ഷേ​മ വ​കു​പ്പ്​ ചു​മ​ത​ല ഏ​റ്റെ​ടു​ക്കു​ന്ന​തോ​ടെ ക്രൈ​സ്‌​ത​വ ന്യൂ​ന​പ​ക്ഷ​ത്തി​ന് നീ​തി​ല​ഭി​ക്കും-അ​ഗ​സ്​​റ്റി​ൻ പ്ര​ത്യാ​ശ പ്ര​ക​ടി​പ്പി​ച്ചു.