സഭാ തർക്കം: ഇരുസഭകളും ചേർന്നെടുക്കുന്ന തീരുമാനം അംഗീകരിക്കാൻ തയാർ -പാ​ത്രി​യാ​ർ​ക്കീ​സ് ബാ​വ

മലങ്കര: യാകോബായ-ഓ​ർ​ത്ത​ഡോ​ക്സ് സഭാ തർക്കത്തിൽ ചർച്ചകൾക്ക് അനുയോജ്യമായ സമയമാണെന്ന് ആ​ഗോ​ള സു​റി​യാ​നി ഓ​ർ​ത്ത​ഡോ​ക്സ് സ​ഭ മേ​ല​ധ്യ​ക്ഷ​ൻ ഇ​ഗ്നാ​ത്തി​യോ​സ് അ​പ്രേം ര​ണ്ടാ​മ​ൻ പാ​ത്രി​യാ​ർ​ക്കീ​സ് ബാ​വ​. ഇരുസഭകളും ചേർന്നെടുക്കുന്ന തീരുമാനം അംഗീകരിക്കാൻ തയാറാണെന്നും പാ​ത്രി​യാ​ർ​ക്കീ​സ് ബാ​വ വ്യക്തമാക്കി. മലങ്കര ദയറയിൽ വിശുദ്ധ കുർബാന അർപ്പിച്ച ശേഷം വിശ്വാസികളോട് സംസാരിക്കുകയായിരുന്നു അദ്ദേഹം.

ചർച്ച ചെയ്ത് സമാധാനപരമായ തീരുമാനം ഉണ്ടാകണമെന്നാണ് ആഗ്രഹം. വിശ്വാസികളുടെ വിശ്വാസത്തിനൊപ്പം നിന്നു കൊണ്ടുള്ള പ്രശ്നപരിഹാരത്തിനാണ് ശ്രമിക്കേണ്ടത്. വിശ്വാസ കാര്യങ്ങളിൽ കോടതിക്ക് തീർപ്പുണ്ടാക്കാൻ കഴിയില്ല. ഭരണ, സ്വത്ത് കാര്യങ്ങളിൽ തീരുമാനമെടുക്കാൻ കോടതിക്ക് കഴിയുമെന്നും പാ​ത്രി​യാ​ർ​ക്കീ​സ് ബാ​വ വ്യക്തമാക്കി.

കേ​ര​ള സ​ന്ദ​ർ​ശ​ന​ത്തി​നായി ഇന്നലെയാണ് ഇ​ഗ്നാ​ത്തി​യോ​സ് അ​പ്രേം ര​ണ്ടാ​മ​ൻ പാ​ത്രി​യാ​ർ​ക്കീ​സ് ബാ​വ കൊച്ചയിലെത്തിയത്. സ​ഭ​യു​ടെ പ്രാ​ദേ​ശി​ക ത​ല​വ​നാ​യി​രു​ന്ന ബ​സേ​ലി​യോ​സ് തോ​മ​സ് പ്ര​ഥ​മ​ൻ ബാ​വ​യു​ടെ നാ​ൽ​പ​താം ഓ​ർ​മ​ദി​ന​ത്തി​ന്‍റെ ഭാ​ഗ​മാ​യാ​ണ് ബാ​വ എ​ത്തി​യ​ത്.

തി​ങ്ക​ളാ​ഴ്ച ശ്രേ​ഷ്ഠ ബാ​വ​യു​ടെ നാ​ൽ​പ​താം ഓ​ർ​മ​ദി​ന​ത്തോ​ട് അ​നു​ബ​ന്ധി​ച്ചു​ള്ള പ്രാ​ർ​ഥ​ന​ക​ൾ​ക്കും അ​നു​സ്മ​ര​ണ സ​മ്മേ​ള​ന​ത്തി​നും നേ​തൃ​ത്വം ന​ൽ​കും. തു​ട​ർ​ന്ന് മ​ഞ്ഞ​നി​ക്ക​ര ദ​യ​റാ​യി​ലേ​ക്ക് പോ​കു​ന്ന അ​ദ്ദേ​ഹം 17ന് ​ഇ​ന്ത്യ​യി​ൽ​ നി​ന്ന് മ​ട​ങ്ങും.