പൗരത്വ പ്രക്ഷോഭം: പിൻവലിച്ചത് 629 കേസ്​, പ്രതിപക്ഷ നേതാവിന്‍റെ ഉപദേശം വേണ്ട -മുഖ്യമന്ത്രി

തി​രു​വ​ന​ന്ത​പു​രം: പൗ​ര​ത്വ നി​യ​മ ഭേ​ദ​ഗ​തി​യു​മാ​യി ബ​ന്ധ​പ്പെ​ട്ട് സം​സ്ഥാ​ന​ത്ത് ര​ജി​സ്റ്റ​ർ ചെ​യ്ത 835 കേ​സു​ക​ളി​ൽ 629 എ​ണ്ണം കോ​ട​തി​യി​ൽ​നി​ന്ന് ഇ​ല്ലാ​താ​യി ക​ഴി​ഞ്ഞി​ട്ടു​ണ്ടെ​ന്ന് മു​ഖ്യ​മ​ന്ത്രി പി​ണ​റാ​യി വി​ജ​യ​ൻ. കോ​ട​തി പ​രി​ഗ​ണ​ന​യി​ൽ 206 കേ​സു​ണ്ട്. 84 കേ​സ്​ പി​ൻ​വ​ലി​ക്കാ​ൻ സ​മ്മ​തം സ​ർ​ക്കാ​ർ അ​റി​യി​ച്ചി​ട്ടു​ണ്ട്. തീ​രു​മാ​നം എ​ടു​ക്കേ​ണ്ട​ത് കോ​ട​തി​യാ​ണ്. അ​ന്വേ​ഷ​ണ​ഘ​ട്ട​ത്തി​ലു​ള്ള​ത് ഒ​രു കേ​സ് മാ​ത്ര​മാ​ണ്. തീ​രു​മാ​നി​ച്ച​തു കൊ​ണ്ടു​മാ​ത്രം കേ​സ് പി​ൻ​വ​ലി​ക്കി​ല്ല. കേ​സ് തീ​ർ​പ്പാ​ക്കാ​ൻ സ​ർ​ക്കാ​റി​ൽ അ​പേ​ക്ഷ ന​ൽ​കേ​ണ്ട​ത് പ്ര​ധാ​ന​മാ​ണ്. ബ​ന്ധ​പ്പെ​ട്ട​വ​ർ അ​പേ​ക്ഷ സ​മ​ർ​പ്പി​ക്കു​ന്ന മു​റ​ക്ക് കേ​സ് പി​ൻ​വ​ലി​ക്കും. അ​പേ​ക്ഷ ന​ൽ​കാ​ത്ത​തും ഗു​രു​ത​ര സ്വ​ഭാ​വ​മു​ള്ള​തു​മാ​യ കേ​സു​ക​ളേ ഇ​നി പി​ൻ​വ​ലി​ക്കാ​തെ​യു​ള്ളൂ​വെ​ന്നും മു​ഖ്യ​മ​ന്ത്രി വാ​ർ​ത്ത​സ​മ്മേ​ള​ന​ത്തി​ൽ അ​റി​യി​ച്ചു.

സം​ഘ്​​പ​രി​വാ​റി​ന്‍റെ നി​ല​പാ​ടേ വി​ജ​യി​ക്കൂ, നി​ങ്ങ​ൾ വാ​ശി പി​ടി​ച്ചി​ട്ട് കാ​ര്യ​മി​ല്ലെ​ന്നു പ്ര​തി​പ​ക്ഷ നേ​താ​വ് ഉ​പ​ദേ​ശി​ച്ചാ​ൽ ത​ൽ​ക്കാ​ലം അ​തു സ്വീ​ക​രി​ക്കാ​ൻ ഉ​ദ്ദേ​ശി​ക്കു​ന്നി​ല്ല. സ​ർ​ക്കാ​ർ നി​യ​മ​പ​ര​മാ​യ ന​ട​പ​ടി സ്വീ​ക​രി​ക്കു​ന്നു​ണ്ട്. ജ​ന​ങ്ങ​ൾ ജ​ന​ങ്ങ​ളു​ടേ​താ​യ മാ​ർ​ഗ​വും സ്വീ​ക​രി​ക്കും. പ​ത്മ​ജ വേ​ണു​ഗോ​പാ​ൽ ബി.​ജെ.​പി​യി​ലേ​ക്ക് പോ​യ​ത് മു​ഖ്യ​മ​ന്ത്രി​യു​ടെ അ​റി​വോ​ടെ​യാ​ണെ​ന്ന പ്ര​തി​പ​ക്ഷ നേ​താ​വി​ന്‍റെ ആ​രോ​പ​ണ​ത്തി​നും അ​ദ്ദേ​ഹം തി​രി​ച്ച​ടി​ച്ചു. കോ​ൺ​ഗ്ര​സി​ൽ​നി​ന്ന് നേ​താ​ക്ക​ൾ കൂ​ട്ട​ത്തോ​ടെ ബി.​ജെ.​പി​യി​ലേ​ക്ക് പോ​കു​ന്ന​ത് മ​റ്റു​ള്ള​വ​രു​ടെ ശ്ര​മ​ഫ​ല​മാ​ണെ​ന്നു പ​റ​യു​ന്ന പ്ര​തി​പ​ക്ഷ നേ​താ​വി​ന് എ​ന്താ​ണ് സം​ഭ​വി​ക്കു​ന്ന​തെ​ന്ന് മ​ന​സ്സി​ലാ​കു​ന്നി​ല്ല.

ഒ​രു മാ​സ​ത്തി​നി​ടെ കോ​ൺ​ഗ്ര​സി​ൽ​നി​ന്ന് ബി.​ജെ.​പി​യി​ലെ​ത്തി​യ നേ​താ​ക്ക​ളു​ടെ പ​ട്ടി​ക നോ​ക്കി​യാ​ൽ മ​തി. 12 കോ​ൺ​ഗ്ര​സ് മു​ൻ മു​ഖ്യ​മ​ന്ത്രി​മാ​രാ​ണ് ഇ​പ്പോ​ൾ ബി.​ജെ.​പി​യി​ലു​ള്ള​ത്. ഇ​തി​നു പു​റ​മെ, സം​സ്ഥാ​ന അ​ധ്യ​ക്ഷ​രും എ.​ഐ.​സി.​സി​യു​ടെ പ്ര​ധാ​നി​ക​ളു​മെ​ല്ലാം ബി.​ജെ.​പി പാ​ള​യ​ത്തി​ലെ​ത്തി. ഇ​പ്പോ​ഴും നേ​താ​ക്ക​ൾ പോ​കാ​ൻ നി​ൽ​ക്കു​ക​യാ​ണെ​ന്നും മു​ഖ്യ​മ​ന്ത്രി പ​രി​ഹ​സി​ച്ചു.