‘ഞാൻ ബോസ്​’-മീണ, ‘നിങ്ങൾ എങ്ങനെ ഞങ്ങളുടെ ബോസാകും’ -​ബി.ജെ.പി നേതാക്കൾ

തിരുവനന്തപുരം: ലോക്‌സഭ തെരഞ്ഞെടുപ്പി​​െൻറ ഒരുക്കം ചര്‍ച്ച ചെയ്യാൻ മുഖ്യതെരഞ്ഞെടുപ്പ്​ ഒാഫിസർ വിളിച്ച രാഷ് ​ട്രീയ പാര്‍ട്ടികളുടെ യോഗത്തി​​െൻറ തുടക്കത്തിൽ തർക്കവും വാക്കേറ്റവും. കോൺഫറൻസ്​ ഹാളുണ്ടായിട്ടും ഒാഫിസറുടെ മുറിയിൽ യോഗം നടത്തിയതാണ്​ നേതാക്കളുടെ എതിർപ്പിന്​ വഴി​െവച്ചത്​. തങ്ങൾക്ക്​ ഇരിപ്പിടം ലഭ്യമാക്കിയില്ലെന്ന ്​ നേതാക്കളിൽ ചിലർ പരാതിപ്പെ​െട്ടങ്കിലും ഉള്ള സ്ഥലത്ത്​ ഇരുന്നാൽ മതിയെന്ന നിലപാടിലായിരുന്നു മീണ. അതിനിടെ, മീണയും ബി.ജെ.പി നേതാക്കളും തമ്മില്‍ ചെറിയ വാക്കേറ്റമുണ്ടായി.

‘ഞാന്‍ നിങ്ങളുടെ ബോസാണ്​, പറയുന്ന കാര്യങ്ങള്‍ അനുസരിക്കണം’ എന്ന്​ മീണ പറഞ്ഞതിനെ ബി.ജെ.പി സംസ്ഥാന പ്രസിഡൻറ്​ പി.എസ്. ശ്രീധരന്‍പിള്ളയും ജെ.ആർ. പത്മകുമാറും എതിര്‍ത്തു. നിങ്ങള്‍ എങ്ങനെ ഞങ്ങളുടെ ബോസാകുമെന്ന് ഇരുവരും ചോദിച്ചു. രാഷ്​ട്രീയ നേതാക്കളോട് പരസ്പര ബഹുമാനത്തോടെ സംസാരിക്കണമെന്ന്​ അവർ പറഞ്ഞപ്പോൾ, താൻ ആരാണെന്നും ത​​െൻറ അധികാരമെന്താണെന്നും കാണിച്ചുതരാമെന്നായി മീണ.

യോഗം ആരംഭിക്കുന്നതിന്​ മുമ്പ് മാധ്യമപ്രവര്‍ത്തകരെ മുറിയിലേക്ക്​ കടക്കാന്‍ അനുവദിച്ചിരുന്നു. എന്നാൽ, തര്‍ക്കം മുറുകിയതോടെ മാധ്യമപ്രവര്‍ത്തകരോട് ഹാള്‍ വിട്ട് പുറത്തു പോകാന്‍ ആവശ്യപ്പെട്ടു. തുടർന്ന്​ സമാധാനപരമായാണ്​ ചർച്ച നടന്നത്​. മുഖ്യതെരഞ്ഞെടുപ്പ്​ ഒാഫിസ​റുടെ ഒാഫിസിന്​ മുന്നിൽ നിരത്തിയ ചാനൽ കാമറകൾ മാറ്റണമെന്ന്​ നിയമസഭയിലെ സുരക്ഷാ ഉദ്യോഗസ്ഥർ ആവശ്യപ്പെട്ടത്​ മാധ്യമപ്രവർത്തകരും സുരക്ഷാജീവനക്കാരും തമ്മിൽ തർക്കത്തിനു കാരണമായി. ഒടുവിൽ സുരക്ഷാ ഉദ്യോഗസ്ഥർ പിന്മാറി.

മാറ്റ​െട്ട, എനിക്ക്​ ഭയമില്ല -ടിക്കാറാം മീണ
തിരുവനന്തപുരം: തന്നെ മുഖ്യതെരഞ്ഞെടുപ്പ്​ ഒാഫിസർ സ്ഥാനത്തുനിന്ന്​ മാറ്റ​െട്ടയെന്നും അതിൽ​ ഭയമില്ലെന്നും ടിക്കാറാം മീണ. മീണയെ മാറ്റണമെന്നാവശ്യപ്പെട്ട്​ ബി.ജെ.പി പരാതി നൽകിയ കാര്യം ചൂണ്ടിക്കാട്ടിയപ്പോഴായിരുന്നു പ്രതികരണം. ഇൗ ക​േസരയിൽ ഇരിക്കു​േമ്പാൾ പേടിക്കാതെ ഡ്യൂട്ടി ചെയ്യും. 30 വർഷത്തിലധികമായി താൻ ഇവിടെ സേവനമുനഷ്​ഠിക്കുന്നുണ്ട്​. കേരള കേഡർ ​െഎ.എ.എസുകാരനായ തനിക്ക്​ കേരളത്തിലെ ജനങ്ങളോടാണ്​ പ്രതിബദ്ധത. അല്ലാതെ ഏതെങ്കിലും ഒരു രാഷ്​ട്രീയ പാർട്ടിയോട്​ കൂടുതൽ താൽപര്യമോ, മ​േറ്റതെങ്കിലും പാർട്ടിയോട്​ എതിർപ്പോ ഇല്ലെന്നും അദ്ദേഹം കൂട്ടിച്ചേർത്തു.