ക്ഷേത്രോത്സവത്തിനിടെ സംഘർഷം: ബ്രാഞ്ച് സെക്രട്ടറിക്കെതിരെ നടപടിയെടുക്കും -സി.പി.എം

അടിമാലി: ശാന്തഗിരി ക്ഷേത്രത്തിൽ ഉത്സവത്തോടനുബന്ധിച്ച് ഉണ്ടായ അനിഷ്ട സംഭവങ്ങളിൽ പ്രതിയായ ബ്രാഞ്ച് സെക്രട്ടറിക്കെതിരെ പാർട്ടി നടപടിയെടുക്കുമെന്ന് സി.പി.എം നേതാക്കൾ അറിയിച്ചു.അടിമാലി കാംകോ ബ്രാഞ്ച് സെക്രട്ടറി സഞ്ജു ആദിവാസി യുവാവിനെ മർദിച്ച കേസിൽ പ്രതിയാണ്.

ഉത്സവച്ചടങ്ങുകൾ തടസ്സപ്പെടുത്താനുണ്ടായ സാഹചര്യം നീതീകരിക്കാനാവില്ല. ഹൈറേഞ്ചിന്‍റെ കുടിയേറ്റ കാലം മുതൽ ഈ ക്ഷേത്രത്തിലെ ഉത്സവാഘോഷങ്ങൾ നാടിന്‍റെ ഉത്സവമാണ്. ഇതുമായി സഹകരിക്കുന്ന നിലപാടാണ് സി.പി.എം സ്വീകരിക്കുന്നത്. സംഭവത്തിൽ ബ്രാഞ്ച് സെക്രട്ടറിയുടെ പങ്ക് പാർട്ടി അന്വേഷിച്ച് നടപടി എടുക്കുമെന്നും സി.പി.എം അടിമാലി ഏരിയ സെക്രട്ടറി ചാണ്ടി പി.അലക്സാണ്ടർ, ലോക്കൽ സെക്രട്ടറി സുധീഷ് കുമാർ എന്നിവർ അറിയിച്ചു.

പ്ര​തി​ക​ളെ സി.​പി.​എം സം​ര​ക്ഷി​ക്കു​ന്നു -കോ​ൺ​ഗ്ര​സ്

അ​ടി​മാ​ലി: ശാ​ന്ത​ഗി​രി ക്ഷേ​ത്ര​ത്തി​ലെ സം​ഘ​ർ​ഷ​ത്തി​ൽ ഉ​ൾ​പ്പെ​ട്ട മു​ഴു​വ​ൻ പ്ര​തി​ക​ളെ​യും അ​റ​സ്റ്റ് ചെ​യ്യ​ണ​മെ​ന്ന് കോ​ൺ​ഗ്ര​സ് ആ​വ​ശ്യ​പ്പെ​ട്ടു. സി.​പി.​എം ബ​ന്ധ​മു​ള്ള കു​റ്റ​വാ​ളി​ക​ളെ ഭ​ര​ണ സ്വാ​ധീ​ന​ത്തി​ന്‍റെ മ​റ​വി​ൽ ര​ക്ഷി​ക്കാ​നാ​ണ് സി.​പി.​എം ശ്ര​മി​ക്കു​ന്ന​ത്. ക്ഷേ​ത്ര​ത്തി​ലെ സം​ഘ​ർ​ഷ​ത്തി​ന് പി​ന്നി​ൽ പ്ര​വ​ർ​ത്തി​ച്ച​ത് സി.​പി.​എം, ഡി.​വൈ.​എ​ഫ്.​ഐ നേ​താ​ക്ക​ളാ​ണ്.

സം​ഘ​ർ​ഷ​ത്തി​നി​ടെ എ​സ്.​ഐ​യെ മ​ർ​ദി​ക്കു​ക​യും അ​സ​ഭ്യം പ​റ​യു​ക​യും ചെ​യ്ത സി.​പി.​എം സോ​ഷ്യ​ൽ മീ​ഡി​യ കോ​ഓ​ഡി​നേ​റ്റ​റെ സം​ര​ക്ഷി​ക്കാ​ൻ ശ്ര​മി​ക്കു​ക​യാ​ണ്.കു​റ്റ​ക്കാ​രെ മു​ഴു​വ​ൻ നി​യ​മ​ത്തി​ന് മു​ന്നി​ൽ കൊ​ണ്ടു​വ​ര​ണ​മെ​ണ് ബ്ലോ​ക്ക് പ്ര​സി​ഡ​ന്‍റ് ജോ​ർ​ജ് തോ​മ​സ്, മ​ണ്ഡ​ലം പ്ര​സി​ഡ​ന്‍റ് സി.​എ​സ്. നാ​സ​ർ, ഹാ​പ്പി കെ.​വ​ർ​ഗീ​സ്, കെ.​എ​സ്. ഷ​ജാ​ർ എ​ന്നി​വ​ർ ആ​വ​ശ്യ​പ്പെ​ട്ടു.