തെളിവില്ല; സോളാർ കേസിൽ ഉമ്മൻ ചാണ്ടിക്ക് ക്ലീൻ ചിറ്റ്

തി​രു​വ​ന​ന്ത​പു​രം: സോ​ളാ​ർ പീ​ഡ​ന​ക്കേ​സി​ൽ മു​ന്‍ മു​ഖ്യ​മ​ന്ത്രി ഉ​മ്മ​ൻ ചാ​ണ്ടി​ക്കും ബി.​ജെ.​പി നേ​താ​വ്​ എ.​പി. അ​ബ്​​ദു​ല്ല​ക്കു​ട്ടി​ക്കും സി.​ബി.​ഐ​യു​ടെ ക്ലീ​ൻ​ചി​റ്റ്. ഉ​മ്മ​ൻ ചാ​ണ്ടി ക്ലി​ഫ്ഹൗ​സി​ൽ വെ​ച്ച് പീ​ഡി​പ്പി​ച്ചെ​ന്ന പ​രാ​തി വാ​സ്ത​വ​വി​രു​ദ്ധ​മാ​ണെ​ന്നും ഇ​തു​ തെ​ളി​യി​ക്കു​ന്ന വി​വ​ര​ങ്ങ​ളൊ​ന്നും ല​ഭി​ച്ചി​ല്ലെ​ന്നും ചൂ​ണ്ടി​ക്കാ​ട്ടി തി​രു​വ​ന​ന്ത​പു​രം ചീ​ഫ്​ ജു​ഡീ​ഷ്യ​ൽ മ​ജി​സ്​​ട്രേ​റ്റ്​​ കോ​ട​തി​യി​ൽ സി.​ബി.​ഐ റി​പ്പോ​ർ​ട്ട്​ ന​ൽ​കി. അ​ബ്ദു​ല്ല​ക്കു​ട്ടി​ക്കെ​തി​രാ​യ പ​രാ​തി​യി​ലും സ​മാ​ന റി​പ്പോ​ർ​ട്ടാ​ണ്​ സ​മ​ർ​പ്പി​ച്ച​ത്.

ഇ​തോ​ടെ സോ​ളാ​ർ പീ​ഡ​ന​ക്കേ​സു​ക​ളു​മാ​യി ബ​ന്ധ​പ്പെ​ട്ട്​ ര​ജി​സ്റ്റ​ർ ചെ​യ്ത എ​ല്ലാ​കേ​സു​ക​ളി​ലെ​യും പ്ര​തി​ക​ളെ സി.​ബി.​ഐ കു​റ്റ​മു​ക്ത​രാ​ക്കി. എ.​ഐ.​സി.​സി. ജ​ന.​സെ​ക്ര​ട്ട​റി കെ.​സി. വേ​ണു​ഗോ​പാ​ൽ, അ​ടൂ​ർ പ്ര​കാ​ശ് എം.​പി, ഹൈ​ബി ഈ​ഡ​ൻ എം.​എ​ൽ.​എ, എ.​പി. അ​നി​ൽ​കു​മാ​ർ എ​ന്നി​വ​ർ​ക്കാ​ണ്​ സി.​ബി.​ഐ നേ​ര​ത്തേ ക്ലീ​ൻ​ചി​റ്റ്​ ന​ൽ​കി​യ​ത്. പ​രാ​തി​ക്കാ​രി​യു​ടെ നി​ല​പാ​ട്​ കൂ​ടി കേ​ട്ട​ശേ​ഷം ചീ​ഫ്​ ജു​ഡീ​ഷ്യ​ൽ മ​ജി​സ്​​ട്രേ​റ്റ്​ കോ​ട​തി സി.​ബി.​ഐ റി​പ്പോ​ർ​ട്ടു​ക​ളി​ൽ അ​ന്തി​മ​തീ​രു​മാ​നം കൈ​ക്കൊ​ള്ളും. വ​ർ​ഷ​ങ്ങ​ളാ​യി കേ​ര​ള രാ​ഷ്ട്രീ​യ​ത്തെ പി​ടി​ച്ചു​ല​ച്ച സോ​ളാ​ർ പീ​ഡ​ന പ​രാ​തി​ക​ൾ ഫ​ല​ത്തി​ൽ അ​പ്ര​സ​ക്ത​മാ​യി.

പ​രാ​തി​ക്കാ​രി​യും സി.​പി.​എ​മ്മും ഉ​ൾ​പ്പെ​ടെ ഉ​ന്ന​യി​ച്ച ആ​ക്ഷേ​പ​ങ്ങ​ളും പ​രാ​തി​ക​ളും അ​പ്പാ​ടെ ത​ള്ളു​ക​യാ​ണ്​ സി.​ബി.​ഐ. മൊ​ഴി​യി​ൽ പ​റ​ഞ്ഞ ദി​വ​സം പ​രാ​തി​ക്കാ​രി ക്ലി​ഫ്ഹൗ​സി​ൽ എ​ത്തി​യി​രു​ന്നി​ല്ലെ​ന്നാ​ണ് സി.​ബി.​ഐ​യു​ടെ ക​ണ്ടെ​ത്ത​ൽ. പീ​ഡി​പ്പി​ക്കു​ന്ന​ത് മു​ൻ എം.​എ​ൽ.​എ പി.​സി. ജോ​ർ​ജ് ക​ണ്ടെ​ന്നും അ​ദ്ദേ​ഹ​ത്തി​ന്​ എ​ല്ലാം അ​റി​യാ​മെ​ന്നു​മു​ള്ള പ​രാ​തി​ക്കാ​രി​യു​ടെ മൊ​ഴി​യും ത​ള്ളി. താ​ൻ ദൃ​ക്സാ​ക്ഷി​യാ​ണെ​ന്ന​ത് ക​ള​വെ​ന്നാ​യി​രു​ന്നു ജോ​ർ​ജ്​ അ​ന്വേ​ഷ​ണ സം​ഘ​ത്തി​ന്​ ന​ൽ​കി​യ മൊ​ഴി.

പീ​ഡ​ന പ​രാ​തി​യി​ൽ അ​ബ്ദു​ല്ല​ക്കു​ട്ടി​ക്കെ​തി​രെ​യാ​ണ്​ സി.​ബി.​ഐ ആ​ദ്യം കേ​സെ​ടു​ത്ത​ത്. തി​രു​വ​ന​ന്ത​പു​രം മാ​സ്​​ക​റ്റ് ഹോ​ട്ട​ലി​ൽ വെ​ച്ച് അ​ബ്​​ദു​ല്ല​ക്കു​ട്ടി പീ​ഡി​പ്പി​ച്ചെ​ന്ന ആ​രോ​പ​ണം വി​ശ്വ​സ​നീ​യ​മ​ല്ലെ​ന്ന്​ സി.​ബി.​​ഐ ക​ണ്ടെ​ത്തി. ആ​റ്​ കേ​സു​ക​ളാ​ണ്​ ​ഇ​തു​മാ​യി ബ​ന്ധ​പ്പെ​ട്ട്​ ര​ജി​സ്റ്റ​ർ ചെ​യ്തി​രു​ന്ന​ത്. ആ​റ് കേ​സു​ക​ളി​ലും പ​രാ​തി​ക്കാ​രി​യു​ടെ മു​ഴു​വ​ൻ വാ​ദ​ങ്ങ​ളും ഹാ​ജ​രാ​ക്കി​യ തെ​ളി​വു​ക​ളും ത​ള്ളി​യാ​ണ് സി.​ബി.​ഐ റി​പ്പോ​ർ​ട്ട്. സോ​ളാ​ർ ​കേ​സ്​ അ​ന്വേ​ഷി​ച്ച ജ​സ്റ്റി​സ്​ ശി​വ​രാ​ജ​ൻ ക​മീ​ഷ​ൻ റി​പ്പോ​ർ​ട്ടി​ന്‍റെ അ​ടി​സ്ഥാ​ന​ത്തി​ൽ ക്രൈം​ബ്രാ​ഞ്ച്​ ര​ജി​സ്റ്റ​ർ ചെ​യ്ത കേ​സു​ക​ളാ​ണ്​ പ​രാ​തി​ക്കാ​രി​യു​ടെ ആ​വ​ശ്യ​പ്ര​കാ​രം പി​ണ​റാ​യി സ​ർ​ക്കാ​ർ സി.​ബി.​ഐ​ക്ക്​ വി​ട്ട​ത്.

സി.​ബി.​ഐ റി​പ്പോ​ർ​ട്ടു​ക​ൾ ത​ള്ള​ണ​മെ​ന്ന്​ കോ​ട​തി​യി​ൽ ആ​വ​ശ്യ​പ്പെ​ടു​മെ​ന്ന്​ പ​രാ​തി​ക്കാ​രി പ്രതികരിച്ചു. നീ​തി​ക്കാ​യി ഏ​ത​റ്റം വ​രെ​യും പോ​കും. ബി.​ജെ.​പി നേ​താ​വ്​ അ​ബ്​​ദു​ല്ല​ക്കു​ട്ടി​യെ വെ​ള്ള​പൂ​ശാ​നാ​ണ്​ എ​ല്ലാ​വ​രെ​യും കു​റ്റ​മു​ക്ത​രാ​ക്കി​യ​ത്. ഇ​ത്​ അം​ഗീ​ക​രി​ക്കി​ല്ല. ത​നി​ക്ക്​ നീ​തി ല​ഭി​ക്കും വ​രെ നി​യ​മ​പോ​രാ​ട്ടം തു​ട​രു​​മെ​ന്നും അ​വ​ർ പ്ര​തി​ക​രി​ച്ചു.

ഉ​മ്മ​ൻ ചാ​ണ്ടി​ക്കെ​തി​രെ ഇ​നി നി​യ​മ ന​ട​പ​ടി​ക്കി​ല്ലെ​ന്നാ​ണ്​ ആ​ദ്യം പ​രാ​തി​ക്കാ​രി പ്ര​തി​ക​രി​ച്ച​ത്. ഉ​മ്മ​ൻ​ചാ​ണ്ടി​യു​ടെ ആ​രോ​ഗ്യ സ്ഥി​തി ക​ണ​ക്കി​ലെ​ടു​ത്താ​ണ് തീ​രു​മാ​ന​മെ​ന്നും അ​വ​ർ കൂ​ട്ടി​ച്ചേ​ർ​ത്തി​രു​ന്നു. എ​ന്നാ​ൽ, നി​യ​മ​വി​ദ​ഗ്​​ധ​രു​മാ​യി കൂ​ടി​യാ​ലോ​ചി​ച്ച ശേ​ഷ​മാ​ണ്​ എ​ല്ലാ​വ​ർ​ക്കു​മെ​തി​രാ​യ റി​പ്പോ​ർ​ട്ട്​ ത​ള്ള​ണ​മെ​ന്ന ആ​വ​ശ്യം ഉ​ന്ന​യി​ക്കാ​ൻ തീ​രു​മാ​നി​ച്ച​തെ​ന്ന്​ അ​വ​ർ പി​ന്നീ​ട്​ തി​രു​ത്തി.