സി.എം.ആർ.എൽ ഇ.ഡി അന്വേഷണം: ഉത്തരവ് നീട്ടി

കൊച്ചി: സി.എം.ആർ.എൽ കമ്പനിക്കെതിരായ എൻഫോഴ്സ്മെന്‍റ് ഡയറക്ടറേറ്റിന്‍റെ അന്വേഷണത്തിൽ തൽസ്ഥിതി തുടരണമെന്ന ഉത്തരവ് ഹൈകോടതി നീട്ടി. അന്വേഷണത്തിനെതിരെ സി.എം.ആർ.എൽ എം.ഡിയും ഉദ്യോഗസ്ഥരും നൽകിയ ഹരജി ജൂൺ 26ലേക്ക് മാറ്റിയതിനെത്തുടർന്നാണ് ഉത്തരവും നീട്ടിയത്.

ഇ.ഡിക്കുവേണ്ടി ഹാജരാകുന്ന അഭിഭാഷകന്‍റെ അസൗകര്യത്തെ തുടർന്നാണ് ജസ്റ്റിസ് ടി.ആർ. രവി ഹരജി മാറ്റിയത്. മറ്റ് ഏജൻസികൾ കേസെടുത്തിട്ടില്ലാത്തതിനാൽ ഇ.ഡിക്ക് അന്വേഷിക്കാനാകില്ലെന്നാണ് ഹരജിക്കാരുടെ വാദം.