മുഖ്യമന്ത്രിയുടേത്​ ആർ.എസ്​.എസിന്​ പിന്തുണയേകുന്ന മൗനം -ഷാഫി പറമ്പിൽ

കോഴിക്കോട്​: മുഖ്യമന്ത്രി പിണറായി വിജയൻ സംസ്​ഥാനത്ത്​ ആർ.എസ്​.എസിന്​ പിന്തുണ നൽകുന്ന മൗനം പാലിക്കുകയാണെന്ന്​ യൂത്ത്​ കോൺഗ്രസ്​ സംസ്​ഥാന പ്രസിഡൻറ്​​ ഷാഫി പറമ്പിൽ. ആർ.എസ്​.എസ്​ നടത്തുന്ന ​കൊലപാതകങ്ങൾക്കും ​കൊലവിളികൾക്കുമെതിരെ കേസെടുക്കാൻ ​വൈകുന്നതായി യൂത്ത്​ കോൺഗ്രസ്​ ജില്ല കൺവെൻഷൻ ഉദ്​ഘാടനം ചെയ്​ത്​ ഷാഫി പറമ്പിൽ പറഞ്ഞു.

യൂത്ത്​ കോൺഗ്രസ്​ പദയാത്രക്കെതിരെ അനാവശ്യമായി കേസെടുക്കുന്ന പൊലീസിനും സർക്കാറിനും ആർ.എസ്​.എസ്​ കലാപാഹ്വാനം നടത്തു​​മ്പോൾ ആവേശം കു​റയുന്നു. പാല ബിഷപ്പി​െൻറ വിഷയത്തിലും തുടക്കത്തിൽ സർക്കാർ മൗനം പാലിക്കുകയായിരുന്നു. സംഘ്​പരിവാർ ഭക്ഷണത്തിലും വിഷംകലർത്തുകയാണ്​. ഡി.വൈ.എഫ്​.ഐ നേതാവ്​ ഷിജു ഖാ​െൻറ നേതൃത്വത്തിൽ അനുപമയുടെ കുഞ്ഞിനെ തട്ടിയെടുക്കുകയായിരുന്നെന്നും ഷാഫി പറമ്പിൽ ആരോപിച്ചു.

ചടങ്ങിൽ യൂത്ത്​ കോൺഗ്രസ്​ ജില്ല പ്രസിഡൻറ്​​ ആർ. ഷഹിൻ അധ്യക്ഷനായിരുന്നു. കെ.എസ്​.യു സംസ്​ഥാന പ്രസിഡൻറ്​​ ​കെ.എം. അഭിജിത്ത്​, ഡി.സി.സി ​പ്രസിഡൻറ്​​ കെ. പ്രവീൺ കുമാർ, രാഹുൽ മാങ്കൂട്ടത്തിൽ, പി. നിധീഷ്​, ടി.കെ. രാഗേഷ്​, ധനീഷ്​ ലാൽ തുടങ്ങിയവർ പ​ങ്കെടുത്തു.