അഖിലേഷ്​ കുമാറി​െൻറ മടക്കം ഗർഭിണിയായ ഭാര്യയെ തനിച്ചാക്കി​

കോഴിക്കോട്​ വിമാന ദുരന്തത്തിൽ മരിച്ച സഹ പൈലറ്റ്​ അഖിലേഷ്​ കുമാർ മടങ്ങിയത്​ ഗർഭിണിയായ ഭാര്യയെ തനിച്ചാക്കി. ദുബായിൽ നിന്ന് ഇന്ത്യക്കാരെ തിരിച്ചുകൊണ്ടുവരുന്ന വന്ദേ ഭാരത് മിഷനു കീഴിലുള്ള ആദ്യത്തെ എയർ ഇന്ത്യ എക്സ്പ്രസ് വിമാനത്തി​െൻറ ഭാഗമായിരുന്നു അഖിലേഷ് കുമാർ.

2020 മെയ് എട്ടിന് അഖിലേഷ് കുമാറിനെ കോഴിക്കോട് കരിപ്പൂർ വിമാനത്താവളത്തിലേക്ക് സ്വാഗതം ചെയ്​തത്​ കയ്യടികളൊടെയായിരുന്നു. വന്ദേ ഭാരത് മിഷനു കീഴിൽ കോഴിക്കോട്ട്​ വന്നിറങ്ങിയ ആദ്യത്തെ വിമാനത്തിലെ ജീവനക്കാരനായിരുന്നു അദ്ദേഹം. ഉത്തർപ്രദേശിലെ മഥുര സ്വദേശിയാണ് അഖിലേഷ്. ഭാര്യ മേഘ ഗർഭിണിയാണ്​. 2017 ഡിസംബറിലാണ് ഇരുവരും വിവാഹിതരായത്.

രണ്ട് സഹോദരന്മാരും ഒരു സഹോദരിയും മാതാപിതാക്കളുമുണ്ട്. ലോക്​ഡൗണിന് മുമ്പ് അദ്ദേഹം മഥുര സന്ദർശിച്ചിരുന്നു. 2017 ലാണ്​ അഖിലേഷ് എയർ ഇന്ത്യയിൽ എത്തിയത്​. വന്ദേ ഭാരത് മിഷ​െൻറ ആദ്യ ഘട്ടത്തിൽ ഭാഗഭാക്കായ അദ്ദേഹം മെയിൽ കോഴിക്കോട്-ദുബായ് എന്നിവിടങ്ങളിൽ നിന്നുള്ള എയർ ഇന്ത്യ എക്സ്പ്രസ് വിമാനത്തിൽ ആദ്യ ഉദ്യോഗസ്ഥനായിരുന്നു.