തീരസംരക്ഷണം: ഹരജിയിൽ സർക്കാർ വിശദീകരണം തേടി

കൊച്ചി: സംസ്ഥാനത്തെ തീരസംരക്ഷണത്തിന്​ സമഗ്ര നടപടി ആവശ്യപ്പെടുന്ന ഹരജിയിൽ ഹൈകോടതി സർക്കാറിെൻറ വിശദീകരണം തേടി. ആലപ്പുഴ കൃപാസനം കോസ്‌റ്റൽ മിഷൻ ഡയറക്ടർ ഫാ. വി.പി. ജോസഫ് നൽകിയ ഹരജിയിൽ സർക്കാർ രണ്ടാഴ്ചക്കകം സത്യവാങ്മൂലം നൽകാൻ ചീഫ് ജസ്​റ്റിസ് എസ്. മണികുമാർ, ജസ്​റ്റിസ് ഷാജി പി. ചാലി എന്നിവരടങ്ങുന്ന ഡിവിഷൻ ബെഞ്ച് നിർദേശിച്ചു.

കപ്പൽച്ചാലിന് ആഴം കൂട്ടാൻ കടലിൽ നടത്തുന്ന ഡ്രഡ്‌ജിങ്​ ഉൾപ്പെടെയുള്ള നടപടികൾ തീരസംരക്ഷണത്തെ പ്രതികൂലമായി ബാധിക്കുന്നുണ്ടെന്നും വൻതോതിൽ തീരമിടിയുന്നത് തടയാൻ നടപടി വേണമെന്നും ഹരജിയിൽ പറയുന്നു. ഡ്രഡ്‌ജിങ്ങിലൂടെ നീക്കുന്ന മണ്ണും ചളിയും തീരത്തുതന്നെ നിക്ഷേപിക്കാൻ നിർദേശിക്കണം.

കൊച്ചി തുറമുഖത്തി​െൻറ വികസന നടപടികൾ കൊച്ചി മുതൽ ആലപ്പുഴ വരെയുള്ള തീരമേഖലയെ തളർത്തി. ഇൗ മേഖലയിലുള്ളവരുടെ ഉന്നമനത്തിന്​ സർക്കാറുകൾ പദ്ധതികൾ നടപ്പാക്കണമെന്നും ഹരജിയിൽ ആവശ്യപ്പെടുന്നു.