തീരദേശ നിയന്ത്രണ മേഖല നിയമ ഭേദഗതി കടലാസിൽതന്നെ; ഉറക്കംകെട്ട് തീരദേശവാസികൾ

കോ​ഴി​ക്കോ​ട്: സ​ർ​ക്കാ​ർ ആ​നു​കൂ​ല്യ​ങ്ങ​ൾ​പോ​ലും ഉ​പ​യോ​ഗ​പ്പെ​ടു​ത്താ​ൻ ക​ഴി​യാ​തെ തീ​ര​ദേ​ശ​വാ​സി​ക​ൾ പൊ​റു​തി​മു​ട്ടു​മ്പോ​ഴും തീ​ര​ദേ​ശ നി​യ​ന്ത്ര​ണ മേ​ഖ​ല (കോ​സ്റ്റ​ൽ റെ​ഗു​ലേ​ഷ​ൻ സോ​ൺ-​സി.​ആ​ർ.​ഇ​സെ​ഡ്) നി​യ​മ ഭേ​ദ​ഗ​തി ക​ട​ലാ​സി​ൽ​ത​ന്നെ.

തീ​ര​സം​ര​ക്ഷ​ണ​വു​മാ​യി ബ​ന്ധ​പ്പെ​ട്ട് ഒ​രേ നി​യ​മ​മാ​ണ് രാ​ജ്യം മു​ഴു​വ​ൻ ന​ട​പ്പാ​ക്കു​ന്ന​തെ​ങ്കി​ലും കേ​ര​ള​ത്തി​ൽ നി​ല​നി​ൽ​ക്കു​ന്ന ചി​ല പ്ര​ത്യേ​ക സാ​ഹ​ച​ര്യ​ങ്ങ​ളി​ൽ ഭേ​ദ​ഗ​തി വ​രു​ത്തു​മെ​ന്ന കേ​ന്ദ്ര പ്ര​ഖ്യാ​പ​നം മാ​റ്റ​മി​ല്ലാ​തെ തു​ട​രു​ന്ന​തി​നാ​ൽ മ​ത്സ്യ​ത്തൊ​ഴി​ലാ​ളി​ക​ൾ ഉ​ൾ​പ്പെ​ടെ ആ​യി​ര​ക്ക​ണ​ക്കി​ന് കു​ടും​ബ​ങ്ങ​ൾ സു​ര​ക്ഷി​ത​മാ​യ കി​ട​പ്പാ​ടം​പോ​ലു​മി​ല്ലാ​ത്ത അ​വ​സ്ഥ​യി​ലാ​യി.

സം​സ്ഥാ​ന ഫി​ഷ​റീ​സ് മ​ന്ത്രി സ​ജി ചെ​റി​യാ​ൻ പ​ല​ത​വ​ണ കേ​ന്ദ്ര സ​ർ​ക്കാ​റി​ന്റെ ശ്ര​ദ്ധ​യി​ൽ​പ്പെ​ടു​ത്തി​യി​ട്ടും അ​ന​ക്ക​മി​ല്ല. കേ​ന്ദ്ര ഫി​ഷ​റീ​സ് മു​ൻ മ​ന്ത്രി പ​ർ​ഷോ​ത്തം രൂ​പാ​ല നി​യ​മ​ഭേ​ദ​ഗ​തി ഉ​ട​നു​ണ്ടാ​കു​മെ​ന്ന് സം​സ്ഥാ​ന സ​ന്ദ​ർ​ശ​ന​വേ​ള​യി​ൽ നാ​ട്ടി​ക​യി​ൽ പ്ര​ഖ്യാ​പി​ച്ച​തു​കേ​ട്ട്​ തീ​ര​ദേ​ശ​വാ​സി​ക​ൾ ആ​ശ്വ​സി​ച്ചെ​ങ്കി​ലും ന​ട​പ്പാ​യി​ല്ല.

ലൈ​ഫ് പ​ദ്ധ​തി​യു​ൾ​പ്പെ​ടെ ആ​നു​കൂ​ല്യ​ങ്ങ​ൾ ല​ഭി​ച്ച​വ​രാ​ണ് തീ​ര​ദേ​ശ നി​യ​ന്ത്ര​ണ മേ​ഖ​ല ക​ട​മ്പ​യി​ൽ​പെ​ട്ട് ദു​രി​തം അ​നു​ഭ​വി​ക്കു​ന്ന​ത്. തീ​ര​ദേ​ശ എം.​എ​ൽ.​എ​മാ​രു​ടെ നി​ര​ന്ത​ര ഇ​ട​പെ​ട​ലി​നെ തു​ട​ർ​ന്ന് സം​സ്ഥാ​ന​ത​ല​ത്തി​ൽ തി​രു​വ​ന​ന്ത​പു​ര​ത്ത് മാ​ത്രം പ്ര​വ​ർ​ത്തി​ച്ചി​രു​ന്ന കേ​ര​ള തീ​ര​ദേ​ശ പ​രി​ശീ​ല​ന അ​തോ​റി​റ്റി​യു​ടെ ഓ​ഫി​സ് ഇ​പ്പോ​ൾ ജി​ല്ല​ത​ല​ത്തി​ൽ പ്ര​വ​ർ​ത്തി​ക്കാ​ൻ കേ​ന്ദ്ര​സ​ർ​ക്കാ​റി​ന്റെ അ​നു​മ​തി ല​ഭി​ച്ചി​ട്ടു​ണ്ടെ​ങ്കി​ലും സി.​ആ​ർ.​ഇ​സെ​ഡ് നി​യ​മ ഭേ​ദ​ഗ​തി വ​രാ​ത്ത​തി​നാ​ൽ പ്ര​യോ​ജ​ന​മി​ല്ലാ​ത്ത അ​വ​സ്ഥ​യാ​ണ്.

ക​ട​ലി​ൽ​നി​ന്ന് 200 മീ​റ്റ​റും പു​ഴ​യി​ൽ​നി​ന്ന് 100 മീ​റ്റ​റു​മാ​ണ് സം​ര​ക്ഷ​ണ മേ​ഖ​ല. സം​സ്ഥാ​ന​ത്തി​ന്റെ 600 കി​ലോ​മീ​റ്റ​ർ തീ​ര​പ്ര​ദേ​ശ​മാ​യ​തി​നാ​ൽ ഈ ​നി​യ​മ​മ​നു​സ​രി​ച്ച് പ​ഴ​യ വീ​ടു​ക​ൾ പു​തു​ക്കി​പ്പ​ണി​യാ​നോ പു​തി​യ​ത് നി​ർ​മി​ക്കാ​നോ ക​ഴി​യാ​ത്ത അ​വ​സ്ഥ​യാ​ണ്. ക​ട​ലി​നോ​ടും പു​ഴ​യോ​ടും തോ​ടി​നോ​ടും ചേ​ർ​ന്നു​കി​ട​ക്കു​ന്ന ഭൂ​മി​യി​ൽ വീ​ട് നി​ർ​മി​ക്ക​ണ​മെ​ങ്കി​ൽ ത​ദ്ദേ​ശ സ്ഥാ​പ​ന​ത്തി​ന്റെ അ​നു​മ​തി കൂ​ടാ​തെ സി.​ആ​ർ.​ഇ​സെ​ഡ് ക്ലി​യ​റ​ൻ​സും ആ​വ​ശ്യ​മാ​ണ്.

തീ​ര​പ്ര​ദേ​ശ​ത്തു​ജീ​വി​ക്കു​ന്ന മ​ത്സ്യ​മേ​ഖ​ല​യി​ൽ ഉ​ൾ​പ്പെ​ടു​ന്ന​വ​രു​ടെ​യും ത​ദ്ദേ​ശ​വാ​സി​ക​ളു​ടെ​യും ജീ​വി​ത​സു​ര​ക്ഷ ഉ​റ​പ്പു​വ​രു​ത്തു​ക, സ​മു​ദ്ര​തീ​രം സം​ര​ക്ഷി​ക്കു​ക എ​ന്നീ ല​ക്ഷ്യ​ങ്ങ​ളോ​ടെ​യാ​ണ് 2011ലെ ​തീ​ര​ദേ​ശ നി​യ​ന്ത്ര​ണ മേ​ഖ​ല വി​ജ്ഞാ​പ​ന​മി​റ​ക്കി​യ​ത്.

ക​ട​ലു​മാ​യി ബ​ന്ധ​പ്പെ​ട്ടി​രി​ക്കു​ന്ന​തും വേ​ലി​യേ​റ്റ-​വേ​ലി​യി​റ​ക്ക​ങ്ങ​ളാ​ൽ സ്വാ​ധീ​നി​ക്ക​പ്പെ​ടു​ന്ന​തു​മാ​യ ജ​ലാ​ശ​യ​ങ്ങ​ൾ സി.​ആ​ർ.​ഇ​സെ​ഡ് പ​രി​ധി​യി​ൽ പെ​ടും. നി​യ​മ​ഭേ​ദ​ഗ​തി കേ​ന്ദ്ര സ​ർ​ക്കാ​റി​ന് സ​മ​ർ​പ്പി​ച്ചി​ട്ടു​ണ്ടെ​ന്നും അ​വ​സാ​ന ഘ​ട്ട​ത്തി​ലാ​ണ് ന​ട​പ​ടി​ക​ളെ​ന്നും ഉ​ട​ൻ തീ​രു​മാ​ന​മു​ണ്ടാ​കു​മെ​ന്നു​മാ​ണ് ഉ​ദ്യോ​ഗ​സ്ഥ​ർ വ്യ​ക്ത​മാ​ക്കു​ന്ന​ത്.