പൊതുവിതരണ വകുപ്പ് ഉദ്യോഗസ്ഥർക്ക് പെരുമാറ്റച്ചട്ടം ഫോണിൽ ലഭിക്കുന്ന പരാതി രേഖപ്പെടുത്തി നടപടി അറിയിക്കണം

പെ​രി​ന്ത​ൽ​മ​ണ്ണ: പൊ​തു​വി​ത​ര​ണ ഉ​പ​ഭോ​ക്തൃ​കാ​ര്യ വ​കു​പ്പി​ന്റെ ഓ​ഫി​സു​ക​ളി​ൽ ഫോ​ൺ മു​ഖേ​ന ല​ഭി​ക്കു​ന്ന പ​രാ​തി​ക​ളി​ലും ന​ട​പ​ടി സ്വീ​ക​രി​ച്ച് പ​രാ​തി​ക്കാ​ര​നെ അ​റി​യി​ക്ക​ണ​മെ​ന്ന് സ​ർ​ക്കു​ല​ർ. പൊ​തു​വി​ത​ര​ണ ഉ​പ​ഭോ​ക്തൃ ക​മീ​ഷ​ണ​റാ​ണ് സ​ർ​ക്കു​ല​ർ ഇ​റ​ക്കി​യ​ത്. ഫോ​ൺ മു​ഖേ​ന ല​ഭി​ക്കു​ന്ന വി​വ​ര​ങ്ങ​ളും സ​ന്ദേ​ശ​ങ്ങ​ളും ര​ജി​സ്റ്റ​റി​ൽ രേ​ഖ​പ്പെ​ടു​ത്താ​നും നി​ർ​ദേ​ശ​മു​ണ്ട്. ഫോ​ണി​ലൂ​ടെ​യു​ള്ള അ​ന്വേ​ഷ​ണ​ങ്ങ​ൾ​ക്ക് വ്യ​ക്ത​വും കൃ​ത്യ​വു​മാ​യ മ​റു​പ​ടി ന​ൽ​ക​ണം. സേ​വ​ന​ങ്ങ​ൾ ക​മ്പ്യൂ​ട്ട​ർ​വ​ത്ക​രി​ച്ചി​ട്ടു​ണ്ടെ​ങ്കി​ലും നേ​രി​ലെ​ത്തി പ​രാ​തി പ​റ​യു​ന്ന​വ​രോ​ട് മാ​ന്യ​മാ​യി പെ​രു​മാ​റ​ണ​മെ​ന്നും താ​ലൂ​ക്ക് സ​പ്ലൈ ഓ​ഫി​സു​ക​ളി​ലും റേ​ഷ​നി​ങ് ഓ​ഫി​സു​ക​ളി​ലും അ​ന്വേ​ഷ​ണ​വും പ​രാ​തി​യു​മാ​യി എ​ത്തു​ന്ന​വ​ർ​ക്ക് പ​രാ​തി പ​രി​ഹ​രി​ക്കാ​നാ​വ​ശ്യ​മാ​യ മാ​ർ​ഗ​നി​ർ​ദേ​ശ​ങ്ങ​ൾ ന​ൽ​ക​ണ​മെ​ന്നും സ​ർ​ക്കു​ല​റി​ൽ വ്യ​ക്ത​മാ​ക്കി.

മു​തി​ർ​ന്ന പൗ​ര​ന്മാ​രെ​യും ഭി​ന്ന​ശേ​ഷി​ക്കാ​രെ​യും വ​രി​യി​ൽ നി​ർ​ത്താ​തെ പ്ര​ത്യേ​കം പ​രി​ഗ​ണി​ക്ക​ണം. ഫീ​ൽ​ഡി​ലു​ള്ള​വ​ര​ട​ക്ക​മു​ള്ള ജീ​വ​ന​ക്കാ​ർ നി​ശ്ചി​ത മാ​തൃ​ക​യി​ലു​ള്ള തി​രി​ച്ച​റി​യ​ൽ കാ​ർ​ഡ് ധ​രി​ക്ക​ണം. ഫീ​ൽ​ഡ് പ​രി​ശോ​ധ​ന​ക്കി​ടെ വീ​ടു​ക​ളി​ലെ​ത്തി റേ​ഷ​ൻ കാ​ർ​ഡ് ആ​വ​ശ്യ​പ്പെ​ടു​മ്പോ​ൾ ഔ​ദ്യോ​ഗി​ക വി​ലാ​സ​വും സ്ഥാ​ന​പ്പേ​രും പ​റ​ഞ്ഞ് പ​രി​ച​യ​പ്പെ​ടു​ത്ത​ണം. ഓ​ൺ​ലൈ​നി​ൽ ല​ഭി​ക്കു​ന്ന അ​പേ​ക്ഷ​ക​ളി​ൽ സേ​വ​നാ​വ​കാ​ശ നി​യ​മം പാ​ലി​ച്ച് തീ​ർ​പ്പാ​ക്ക​ണം. ഇ​ക്കാ​ര്യ​ങ്ങ​ൾ പാ​ലി​ക്കു​ന്നു​ണ്ടോ​യെ​ന്ന് പ​രി​ശോ​ധി​ക്കേ​ണ്ട​ത് അ​ത​ത് ഓ​ഫി​സ് മേ​ധാ​വി​ക​ളാ​ണ്.